Maki 2:13 - Loina Tabu Auwauna NT

¹³ 'Enega Yesu 'iapwesa limana Galili le'awinaya, ta wate pwalu siegogonama, ga 'ie'ita 'ediya.

Maki 2:13 Σταυροειδείς Αναφορές

Madiu 13:1

Gote 'asiyata nina 'enaya Yesu anuwa nina 'enega 'iapwesa ga 'idolo le'awaya ga 'imiyatowa.

Madiu 9:9

'Enega Yesu sena gete 'ipilisinena ga 'itauya, ga tai 'ebweuna 'i'itena, 'ana esana Madiu, takisi 'ana anuwa 'ebe paisewa solanaya 'imiyami, 'enega 'ieonena, 'igwae, “Madiu, 'umuliyegu.” 'Enega Madiu 'itoolo ga Yesu 'imuliyena.

Maki 1:45

Ta tolepelo nina nigeya Yesu 'ina loina 'iematamatane, ta tomota yaudi 'ediya 'iesimasimana. 'Enega Yesu nigeya sawesawenaya 'ia'ata'atamana 'asa nidi soladiya, ta 'enega 'itauya sena mwatui daitaya ga nada 'imiyamiya, ta tomota sena yaudi 'ediyega sitauya 'enaya.

Maki 10:1

Ga Yesu sena nina 'ipilisinena ga Yudia 'ina senaya 'itauya ga 'iabala bwasi Yolidani mali esenaya, ga boda sinabwana siegogonama 'enaya, ta 'enega 'ina bubuna nadigega 'ie'ita 'ediya.

Maki 2:2

Ta 'enega pwalu sinabwana anuwa solanaya be wate 'awa 'atamaninaya siegogona, ga Yesu 'iguguya 'ediya.

Maki 4:1

Muliyega wate Yesu 'iila limana Galili le'awinaya sabi loguguya ta boda sinabwana siegogona 'enaya, 'enega 'ebweu waga 'idoedoe 'enaya 'igelu ga 'imiyatowa, ta pwalu le'awaya sitootoolo.

Luke 19:48

ta nigeya sawesawediya, manuna Yesu 'ina e'itao tomota yau wawasae nuwadi 'i'ewena.

Luke 21:38

ta tomota gonagona 'ebweuna 'ebweuna sitautauya Anuwa Tabu 'enaya Yesu sabi enonoena.