Maki 16:14 - Loina Tabu Auwauna NT

¹⁴ Muliyega Yesu 'ina tononoyao site elebeni si'e'ai ga Yesu matadiya 'iapwesa, ga 'i'enapa'alidi 'idi debapa'ala manuna, 'igwae, “Gosegwao taudi 'igu toololimana mulinaya si'itegu ga 'emiya sisimanaya, ta mwa'adega ga nigeya waeemisedi?”

Maki 16:14 Σταυροειδείς Αναφορές

Madiu 11:20

'Enega Yesu 'asa nidi 'ina guinuwa waiwaidi si'itediya ta nigeya sinuwanuwa 'ebuni 'idi loegesiyao 'ediyega, taudi manudi 'ilolagata ga 'iba'edi, 'igwae,

Madiu 17:20

Ga Yesu 'igwae, “Manuna 'imi emisa nenetana. Yaona'ai'aila 'eguma 'imi emisa 'ana waiwai beno atuna nadigega, ma'etamo 'oya gote 'ena wagwae, ‘Gete 'enega 'umiya dolo’, 'iabe 'ida ematamatana tuga. Nadigega wate yage maibo'ana sawesawemiya be waguinuwedi.”

Madiu 28:17

ga Yesu si'itena ga 'ena sibwagobwago. Ta 'aidi 'ediyega 'etamo ma idi enuwanaluwa.

Maki 7:18

Ga Yesu 'ieonedi, 'igwae, “Nai 'omi wate nuwami nigeya 'isabwasabwalena, aga? 'Enega nigeya wamwalamwalatoni 'aene to'ase ta'a'ani be 'ilulugu soladaya nigeya sa'i 'ida giebailida,

Luke 24:11

ta tai nidi iine 'idi ona nigeya siemiemise, 'idi nuwanuwa 'aene tuga situyetuyeya.

Luke 24:25

'Enega Yesu 'ediya 'igwae, “Kwanikwanimi, manuna nigeya gimi palopitao 'idi onao wada emisedi.

Yoni 20:25

Ga tauna 'iona, 'igwae, “Yee! Nate tuga kabo, ta esi 'abo'agu 'eguma nimana kainumuyega situtu epa'iyedi 'awa'iya'iyaena ya'itadi be yagitoodi, ta wate lesulesunana sibadina 'ena nimagu yasa'uluguyei, be 'enega yaemisemi.”

Yoni 20:26

Ta ni'atu wiki 'ebweuna 'igumwala, ga wate tonono nidi anuwa nina 'ena siegogona limana ga solanaya simiyami, Tomasi nina ma'ediya, ta 'awa sigibodedi. 'Enega Yesu wate 'iapwesa ga gamwagamwanidiya 'itoolo, ga 'ediya 'igwae, “Geya'abo wamatamatauta.”

Yoni 20:27

Ta Tomasi 'ena 'iona, “Gete nimagu, 'u'ita, be nimayo 'uda sa'udi we'iwe'iyaya nidi 'ediya, ta wate nimayo 'uda sa'uluguye lesulesuguya, be 'enega 'uda emisegu, ta esi geya'abo 'u'awa'awa kabokabo.”

Yoni 21:1

(1,14) Ni'atu Yesu maluwa tauna 'ie'itaena 'ina tononoyao 'ediya, ta wate gete 'etonina 'ina apwesa 'ediya, ta gete tuga tononoyao sigomagomana Ola Taibilia 'ena, ga 'iapwesa 'ediya.

Yoni 21:14

(-)

Guinuwa 1:3

'Asiyata poti soladiya 'iapweapwesa 'ediya, ga 'ebe'ita yaudi 'ie'itedi, 'enega 'ina toololimana si'awa 'ai'ailena, ta Yaubada 'ina loina manuna 'ie'itedi.

1 Kolinita 15:5

'Itoolo limana ga Pita 'i'itena ta wate 'ana tosimanao site tuwelo si'itena.

E'ita'ita 3:19

“Ta wada nuwa'i'isi 'aene yaisigedi 'omi yaobobomemi, 'enapa'alega be loinega yagiepaepaluyemi. 'Enega wada ewaiwai be 'imi to'umalina 'enega wada nuwa'ebuni.