Maki 14:43 - Loina Tabu Auwauna NT

⁴³ Yesu 'etamo 'ionaona ga Yudasa 'iapwesama, tauna Yesu 'ina tononoyao site tuwelo 'ebweuna 'ediyega. Ta wate totaliya sinabwadi be loina 'ana toe'itao be 'inapwanao tolosaiyao Yudasa ma'edi sietunedi be 'aene Yesu sida giyai, ta boda nidi ma idi sisisaiyao be wepasiyao wate sime'edi.

Maki 14:43 Σταυροειδείς Αναφορές

Maki 14:42

Watoolo be tatatauya, manuna 'agu totelesipupu nina ni'atu gete 'imeema.”

Maki 14:44

Ta Yudasa we'iwe'iyaya ni'atu 'ediya 'isimanena, 'igwae, “'Abo yaita ya'atubwaili, nate tauna Yesu, be wagiyai ta walomata'i'isi be watauye.”

Guinuwa 1:16

“Tasigwao, lowa Debida 'ina ona Yaluyaluwa Tabuna 'i'ebwa'ena Yudasa manuna, ta Buki Tabu 'ena 'imiyami. Yudasa nina lowa ma'edai taetosimana Yesu manuna, ta sa'i 'ida 'Inapwana 'isipupuyena ga 'i'ebwayaena Yesu 'ana talauwalao nimadiya. Ta 'ebweu wali Buki Tabu solanaya Debida 'ina ona Yudasa manuna, gete nadigega 'igwae, ‘'Ina 'asa 'ida wabolebole, be geya'abo 'ebweu yaita tomota 'enaya 'ida miyami.’ Ta wate 'igwae, ‘'Ana lopa'elu tauna 'ina paisewa 'ida 'ewa.’ 'Enega 'ilobwenena be ona gete 'ana mwalatoi 'ai'aila 'ida apwesa.” Pita 'ina ona gete nadigega manuna Yudasa ni'atu 'imwawasa. Tauna lowa 'ina guinuwa to'umalina 'ana maisa 'enega bwa'a 'iegimwanena, ga bwa'a nina solanaya 'ibe'u sanamwa'uta, ga gamwana 'ilosabuyena, ta diyana maibo'ana 'iapwesa, ga tetelina me Yelusalema maibo'adi sinononaya, ga 'enadiyega bwa'a nina sieesena “Akelidama,” ta 'ana mwalatoi “Bwa'a lala.”