Maki 14:38 - Loina Tabu Auwauna NT

³⁸ Ga wate 'ieonedi maibo'adi, 'igwae, “'Ilobwenemi be wamata pa'ala be wasidasida be 'enega geya'abo Seitani 'itootoomi. Ona'ai'aila, yaluyaluwami nuwanuwana ta tuga manuna oomi sitaba.”

Maki 14:38 Σταυροειδείς Αναφορές

Madiu 24:42

'Enega walomata'i'ita 'ai'aila, manuna 'igu ila limanama 'ana tuta nigeya wamwalamwalatoni.

Madiu 25:13

“'Enega 'ilobwenemi be walomata'i'ita, manuna 'asiyata nina, nai tuta nina yailailama nigeya wamwalamwalatoni.

Madiu 26:41

Ga wate 'ieonedi maibo'adi, 'igwae, “'Ilobwenemi be wamatapa'ala be wasidasida, be 'enega geya'abo Seitani 'itootoomi. Ona'ai'aila yaluyaluwami nuwanuwana, ta tuga manuna oomi sitaba.”

Madiu 6:13

Ta geya'abo 'utootooma, ta esi tauna toto'umalina nina 'enega 'uda 'etoseyema.”

Maki 14:34

'ieonedi, 'igwae, “'Ategu 'iuyauya sinabwana nai 'iabe yamwamwawasa, 'enega bada wamiyami ta walomata'i'ita.”

Maki 14:37

'Enega 'iila ga site toi nidi 'ilobedi ni'atu si'eno mwataya, ga Pita 'iloanoanona, 'igwae, “Saimoni, mwa'adega 'u'eno'eno. Nigeya sawesawemuya be tuta gidalina namo manuna 'umata pa'ala, aga?”

Maki 14:39

'Enega Yesu 'ilaga limana ta 'ina sidasida ni'a 'ilolimena.

Luke 21:36

“'Enega wada gibubuna ataya be tuta yauna wada sidasida be 'aene ma imi 'atepatu yage getedi 'ediyega wada ewaiwai be 'enega wada toolo 'abo'agu Tomota Natuna mataguya.”

Luke 22:40

Sena nina 'ena simai ga Yesu 'ina tononoyao 'ieonedi, “Wada sidasida Yaubada 'ena be 'enega geya'abo Seitani 'itootoomi.”

Luke 22:46

'enega 'ieonedi, 'igwae, “Geya'abo wa'eno'eno, ta watoolo be wasidasida be geya'abo Seitani 'itootoomi.”

1 Kolinita 16:13

Gosegwao wa'ita'i'isimi, be ma imi emisa 'ai'aila wada toolopa'ala be wada ewaiwai,

Galetia 5:17

Manuna yalakwaiyao Yaluyaluwa Tabuna sietalauwalena, ta sa'i Yaluyaluwa Tabuna 'ida yalakwaiyao 'ietalauwaledi. 'Enega soladaya silosalosaiya, ta to'ase bobo'ana nuwanuwada be taguinuwei nigeya sawesawedaya be taguinuwei.

Pilipai 2:12

Gosegwao 'omi ematamatana 'alemi. Lowa mataguya waematamatana, ta gete tuga 'emiyega yamiya 'edasola, ta tuga ma'etamo waematamatana 'ai'aila. 'Enega 'ilobwenemi be Yaubada wamataute be wate watoo waiwai be 'ina 'etoseyana waloba,

1 Pita 5:8

'Enega wada lomata'i'ita 'ai'ailemi 'ami talauwala Seitani 'enega. Manuna Seitani tauna nadigega bosasa mitawaya, tuta yauyauna 'isakosakowasi ta 'i'ebe'ebesa be 'aene 'ana tai 'ida loba, be 'ida 'ani.

E'ita'ita 3:10

“Ta 'etamo tuta mwau 'ida apwesa bale'uya, be tomota yaudi 'ida toodi, ta 'omi esi mwau nina 'enaya yada 'ita'i'isimi, manuna 'igu ona waematamatanena, ga manugu wae'alama'i'itanemi.