Maki 13:6 - Loina Tabu Auwauna NT

⁶ Manuna ma'etamo tomota yaudi 'agu esanega simama be 'aene sianugana gesiyemi, be 'ebweuna 'ebweuna 'ida gwae, ‘'Abo'agu To'etoseyana nina,’ be tomota yaudi sida muliyedi.

Maki 13:6 Σταυροειδείς Αναφορές

Madiu 24:11

Wate palopita kabokaboyao sida apwesama be yaumi sida anugana gesiyemi.

Madiu 24:5

Manuna ma'etamo tomota yaudi 'agu esanega simama be 'aene sianugana gesiyemi be 'ebweuna 'ebweuna 'ida gwae, ‘'Abo'agu To'etoseyana nina’, be tomota yaudi sida muliyedi.

Maki 13:22

Manuna Keliso kabokabo be palopitao kabokabo 'iabe siapwesa be we'iwe'iyaya waiwaidi tomota 'ediya sida e'itaedi, be 'ediyega 'abo sawesawediya Yaubada 'ina bodao esiesinuwadi sikwakwani.

Maki 13:5

'Enega Yesu 'ilolagata ga 'ediya 'igwae, “Wa'ita'i'isimi 'abona nai tomota 'aidi sikaboemi.

Maki 13:7

Wate ale 'etamo wanonodi saiyao selabemiya ta 'edasolaya manudi, ta geya'abo wa'ate'ate sa'ala, manuna yage getedi sida apwesa nugana ta esi bale'u 'ana 'ebe losalowa 'ana tuta ma'etamo.

Yoni 5:43

'Abo'agu Tamagu 'ina loinega yamai ta nigeya manugu wagwaugwausowala, ta 'eguma 'ebweu yaita taunamo 'ina loinega 'emiya 'imamai, tauna manuna wada gwausowala.

Yoni 8:24

'Enega yaeonami 'aene 'imi bubuna to'umalidi 'ediyega wada mwawasa, 'abo nigeya waemiemisegu. Nate 'alena 'enega yaeonami 'aene wamwamwawasa ma imi bubuna to'umalina.

Yoni 8:28

'Enega Yesu 'ieonedi, 'igwae, “'Abo'agu Tomota Natuna, ta ma'etamo wada gitu'eyegu, be 'enega nate 'ena wada mwalatonigu yaita 'abo'agu, be 'enega wada mwalatoni 'aene taugu nigeya 'igu nuwena 'enega yada guinuwa, ta esi to'ase nadigega Tamagu 'ie'itegu 'ediyega yaonaona.

1 Yoni 4:1

Gosegwao, geya'abo yaluyaluwa maibo'adi waemiemisedi, ta esi watoodi, bobo'adi nai to'umalidi. 'Eguma taudi bobo'adi, tamwalatonidi 'aene Yaubada 'enega simai, ta taudi to'umalidi mali senega simai, manuna gete tuga palopita kabokaboyao siapweapwesama mayaluyaluwadi nigeya Yaubada 'enega.