Maki 13:22 - Loina Tabu Auwauna NT

²² Manuna Keliso kabokabo be palopitao kabokabo 'iabe siapwesa be we'iwe'iyaya waiwaidi tomota 'ediya sida e'itaedi, be 'ediyega 'abo sawesawediya Yaubada 'ina bodao esiesinuwadi sikwakwani.

Maki 13:22 Σταυροειδείς Αναφορές

Madiu 24:24

Manuna Keliso kabokabo be palopitao kabokabo 'iabe siapwesa be we'iwe'iyaya waiwaidi tomota 'ediya sida e'itaedi be 'ediyega 'abo sawesawediya Yaubada 'ina bodao esiesinuwadi wate sikwakwani.

Madiu 7:15

Tosimana kabokabodi 'ediyega wa'ita'i'isimi. Manuna 'aidi ma'etamo 'emiya simamai, 'adi 'ita 'atuwa sipi panapanaisidi, ta soladiya esiya 'atuwa kedewa bosasa.

Maki 13:21

“'Enega 'abo yaita 'ieonami be 'igwae, ‘Keliso gete’ nai ‘Gote’ geya'abo waeemisedi.

Maki 13:23

'Enega wa'ita'i'isimi manuna yage getedi manudi ni'atu yagimi simanedi 'emiya.

Maki 13:6

Manuna ma'etamo tomota yaudi 'agu esanega simama be 'aene sianugana gesiyemi, be 'ebweuna 'ebweuna 'ida gwae, ‘'Abo'agu To'etoseyana nina,’ be tomota yaudi sida muliyedi.

Yoni 4:48

Ga Yesu tai nina 'ieonena, 'igwae, “Nigeya 'ebweu 'omi 'emiyega 'ida emisegu, nate namo 'eguma 'igu paisewa waiwaina 'ana we'iwe'iyaya wa'ita, be 'enega wada emisegu.”

2 Timoti 2:19

Ta esi Yaubada 'ina ona 'ana 'autui pa'alina 'enaya lowa si'etoladina 'igwae: “'Inapwana 'ina tomotaiyao 'imwalatonidi,” ta wate 'igwae, “Taudi 'Inapwana 'ena ni'atu sitagwalediya, 'ilobwenedi be 'idi bubuna to'umalidi siguitoyasedi.”

1 Yoni 2:18

Natugwao, tuta 'ana 'ebe losalowa ni'atu 'imai saba, ta lowa wanonona 'aene Keliso 'ana talauwala nina 'iabe 'iapwesama, 'enega wada nuwa'i'isi Keliso 'ana talauwalao yaudi bale'uya simiyami, 'enega tamwalamwalatoni tuta 'ana 'ebe losalowa gete,

1 Yoni 2:19

ta Keliso 'ana talauwalao nidi 'adi 'ita 'atuwa Keliso 'ana toemisao, ta nigeya. Manuna taudi 'eguma 'ida boda 'ai'aila, 'etamo ma'edao tamiyami. Ta nigeya sa'i! Ni'atu sipilisineda.

1 Yoni 2:26

Gete maibo'ana ni'atu ya'etoladinawa be 'aene wada sinapu taudi 'ami tokaboyao manudi.

E'ita'ita 13:8

Ta me bale'u yauyaudi ma'etamo 'ena sibwabwago, nate taudi 'abo nigeya 'adi esanao simiyami yawasi bukina solanaya, buki nina Lami nina siloemwawasina 'ina buki, manuna buki gete solanaya taudi 'adi esanao lowaenei 'igimi 'etoladidi, 'enega muliyega bale'u 'imweluluina.

E'ita'ita 17:8

Yobai nina 'u'itena lowa mayawasina ta ni'atu 'imwawasa, be ma'etamo 'iapwesama gaula nina sinabwana 'enega be 'itatauya, be 'enega sigieto'umali 'ai'aili. Ta tomota me bale'u, yaisigedi taudi 'adi esana Yaubada nigeya 'i'eto'etoladidi yawasi bukina solanaya, tuta nina bale'u 'ana mweluluwa'unu 'enaya, taudi yobai nina 'etamo sida 'ita be nuwadi 'iowana, manuna lowa mayawasina ta gete tugai ni'atu 'imwawasa, ta ma'etamo 'iapwesa limanama.