Maki 12:9 - Loina Tabu Auwauna NT

⁹ Ga ni'atu Yesu 'ina emwasala 'igumwala, ga 'ienaida 'ediya, 'igwae, “To'ase 'iabe 'inapwana nina 'iguinuwe? Ona'ai'aila 'inapwana nina 'imama be toguinuwa nidi 'iloemwawasidi, be 'enega bagula nina mali to'ita'i'itao 'i'ebwa'edi.”

Maki 12:9 Σταυροειδείς Αναφορές

Madiu 12:45

'Enega 'itauya ga yaluyaluwa site sebeni toto'umali 'ai'ailidi wate 'i'au'ewedima ga ma'enao silugu 'ebemiya nina 'enaya, ga nada ma'enao simiyana. 'Enega tai nina 'ina miya sigieto'umali 'ai'ailena, lowa nigeya nadigega. 'Omi 'epata gete wate nadigega to'umalimi ta 'imi 'ebe losalowa 'ida to'umali wawasae.”

Madiu 21:34

“Ta sesoi 'ana tutaya 'inapwana nina 'ina 'ali'eiyao 'aina wate 'ietune iledi 'ina bagulaya oine uwana sabi 'ewadi bagula 'ana to'ita'i'itao 'ediyega.

Madiu 21:43

'Enega yaeonami 'aene Yaubada 'ina loina 'emiyega 'ida 'ewayaule, ta 'ida 'ebwaya mali boda 'ediya, be taudi 'ediyega uwana bobo'ana 'ida apwesa.

Madiu 22:7

“'Enega kini nina 'igamwasowala 'ai'aila ga 'ina tolosaiyao 'ietunedi ga toloemwawasa nidi simutudi ta 'idi 'asa sigabuna.

Maki 12:10

'Enega Yesu wate onasemalimali Buki Tabu 'enega 'isimanena, 'igwae, “Wanuwa'i'isi Buki Tabu 'ina simana gete nadigega: ‘'Ola nina lowa to'abi anuwa siguitoyasena. Ta gete tugai ni'atu sietoolona be 'ie'ola nugana, be 'ola maibo'adi 'iloinedi.

Maki 12:8

Ta sigiyaina ga siloemwawasina ga bagula 'etaulunaya siula apwesena.”

Luke 19:27

'Enega gete tuga 'agu talauwalao nidi, taudi siguitoyasegu be 'aene geya nuwadi be 'ediya yaetoloina, wada 'au'ewedima be mataguya waloemwawasidi.’ ”

Loma 10:20

Ga Aisea nina wate Yaubada 'ina ona manuna 'iona waiwai, 'igwae, “Tomotai nidi, taudi nigeya si'ebe'ebesegu, nai nigeya sienaenaidegu, ni'atu 'ediya yaapwesa.”