Maki 12:34 - Loina Tabu Auwauna NT

³⁴ Ta Yesu tai nina 'ina ona 'inonona 'aene palupaluna, ga 'ieonena, 'igwae, “Nate ona 'ai'aila, ta 'oyo Yaubada 'ina 'ebeloina 'ena ni'atu 'uloselabena.” 'Enega muliyega tomota Yesu simatautena ga nigeya 'ebweu yaita 'itootoo be 'ienaida limana 'enaya.

Maki 12:34 Σταυροειδείς Αναφορές

Madiu 12:15

Ta 'idi loinakwaiya nina Yesu ni'atu 'imwalatonina, 'enega sena gote 'ipilisinena ga 'itauya mali senaya, ta tomota yaudi simuliyena, ga gote 'ena tole'oasa maibo'adi 'igiebobo'anedi,

Madiu 12:20

Guna lasalasana geya'abo 'iguiguitoyase. Ta wate wenukwa butabutana geya'abo 'iuleule, ga 'ana laba tauna 'enega loina palupaluna 'iewaiwai,

Madiu 22:46

Yesu 'ina enaida gete nigeya 'ebweu wate yaita sawesawenaya be 'ie'isa, ga tuta muliyega Yesu simatautena 'enega, nigeya 'ebweu yaita 'itootoo be 'ienaida limana Yesu 'enaya.

Loma 7:9

'Abo'agu wate nadigega lowa mayawasigu yamiyami, nigeya 'ebweu wate loina 'eguya 'imiyami, ta tuta nina loina 'iapwesama ga to'umalina 'eguya 'iewaiwai,

Galetia 2:19

Manuna Mosese 'ina loina nina ni'atu 'iloemwawasigu, ga muliyega 'ina waiwai 'eguyega 'igumwala, be 'aene yawasi 'ai'aila yaloba Yaubada manuna.

Kolose 4:6

Nuwa'ole'oleyega tuta yauna wada onaona ma imi mwalatoi 'ai'aila, be 'enega 'abo gosemiyao sienaidemi wada e'ie'isadi ona palupaluna 'ediyega.