Maki 10:47 - Loina Tabu Auwauna NT

⁴⁷ Ga Batimio nina ale 'inonona 'aene Yesu goma Nasaleta 'itautauya, 'enega Yesu 'ena 'ibwau, 'igwae, “Yesu ye, 'oyo Debida 'ina susu, 'uda 'atenuwa 'ole'oleyegu!”

Maki 10:47 Σταυροειδείς Αναφορές

Madiu 1:1

'Etoladi gete To'etoseyana Yesu gimi tubunao manudi. Yesu tubuna auwauna Debida, ta gimi tubuna Ebelaamo.

Madiu 12:23

'Enega tomota yaudi nuwadi 'iowana ga sigwae, “Tai gete To'etoseyana, Debida 'ina susuyega, nai?”

Madiu 15:22

Ta sena nina 'enega Kenani wainena 'ebweu 'iapwesa ga Yesu 'ieonena, 'igwae, “'Inapwana, 'oyo Debida 'ina susu, 'uda 'atenuwa 'ole'oleyegu, manuna natugu mewainena ni'atu yaluyaluwa bi'i 'igiekabaleyena,”

Madiu 2:23

'Enega Nasaleta 'ena 'ilo'asa. Gete 'enega palopitao 'idi gimisimana 'iapwesa, sigwae, “Tauna sida eese goma Nasaleta.”

Madiu 20:30

Ta tomata kebokebo siteluwa 'eda tupitupinaya simiyatowaya Yesu 'ina sakowasi alena sinonona, 'enega Yesu 'ena sibwau, “Debida tubuna ye, 'uda 'atenuwa 'ole'oleyema.”

Madiu 21:11

Ta 'ana 'oayabuyao tomota nidi 'idi ona sie'isena, sigwae, “Gete palopita, goma Nasaleta, 'ana esana Yesu, ta Galili 'ina 'ebeloina 'enega 'imai.”

Madiu 21:9

Ta 'aina boda Yesu sianuganena, ta 'aina boda siamuliya, ga maibo'adi silotuputupu ta sibwaubwau, sigwae, “Kamatoki Debida tubuna ye, 'Inapwana 'ana esanega 'umai sabi 'etoseyema, 'enega tauna Toloetana sana 'atuputupu.”

Madiu 26:71

'Enega Pita 'idena ga tupwana 'iaapwesa. Ta 'ebweu wate gomagweine Pita 'i'itena ga tomiya nidi 'ediya 'igwae, “Tai gote lowa Yesu goma Nasaleta ma'iyana.”

Madiu 9:27

Sena gote 'enega Yesu 'itautauya ta tomata kebokebo 'eluwa simulimuliyei ta sibwaubwau 'enadi sinabwana 'enega sigwaegwae, “Debida tubuna ye, 'uda 'atenuwa 'ole'oleyema!”

Maki 1:24

'igwae, “Yesu, 'oyo goma Nasaleta, to'ase 'alena ga 'umai 'emaya? Nuwanuwayo be 'aene 'uda pe'uma, aga? Ta 'oyo sa'i ni'atu yamwalatonimu, 'oyo tuga Yaubada Natuna.”

Luke 4:16

Ga muliyega Yesu 'imai Nasaleta 'enaya, tauna gote 'ina 'asa 'ai'aila. Ga 'ebweu Sabate 'ena Yesu 'ilugu anuwa tapwaloloya, 'ina bubuna nadigega. 'Enega 'itoolo be Buki Tabu 'ida sawa,

Yoni 1:46

Ga Nataniela Pilipi 'ena 'igwae, “Nasaleta nigeya 'ebweu to'ase bobo'ana 'enega 'ida apwesa.” Ga Pilipi 'igwae, “Tuwa tuga, 'uda mai be tai nina 'uda 'ita.” 'Enega Yesu 'ena simai.

Yoni 19:19

Pailato 'ebweu pwepwai ni'atu 'i'etoladina ga kelose debanaya sigiepa'iyena, 'ana 'etoladi nadigega 'igwae, “Me Yudia 'idi kini gete, tauna Yesu goma Nasaleta.”

Yoni 7:41

Ta 'aidi wate sigwae, “Tauna esi To'etoseyana nina.” Ta wate 'aidi 'ediyega sigwae, “'Aene To'etoseyana nina Galiliyega 'imamai? Nigeya, aga? Manuna Buki Tabu 'ena ni'atu 'isimanena be To'etoseyana Debida 'ina susu 'enega 'imamai, be Debida 'ina 'asa Bedileema 'ena 'itutubuwa.”

Yoni 7:52

Ga 'inapwanao nidi Nikodimo si'ena pa'alina, sigwae, “Nai 'oyo sana goma Galili aga? Ta Buki Tabu 'usawa be 'umwalatoni 'aene nigeya 'ebweu wate palopita Galili 'enega 'imeema.”

Guinuwa 6:14

ta wate 'ina ona 'anononaya 'igwae, ‘Yesu tauna goma Nasaleta ma'etamo Anuwa Tabu gete 'ida ligeiyaule, be 'ida guinuwao nidi Mosese 'i'ebwa'eda 'ida sa'ugelasedi, be dumadumadi 'isa'udi.’ ”

E'ita'ita 22:16

“'Abo'agu Yesu, ta 'igu anilose ni'atu yaetunenawa 'emiya, be yage getedi 'ida simanedi toekalesiyao 'emiya. 'Abo'agu Debida 'ina susuyega, ta 'abo'agu wate 'ubwana nina tuyayaligu.”