Maki 10:33 - Loina Tabu Auwauna NT

³³ 'igwae, “Gete tuga tatu'etu'e Yelusalema. 'Abo'agu Tomota Natuna ta 'agu tosipupu nina 'ida telesipupuyegu totaliyao sinabwadi be loina 'ana toe'itao 'ediya, be 'igu mwawasa manuna sida loina, be muliyega sida 'ebwayaegu taudi nigeya me Yudia 'ediya,

Maki 10:33 Σταυροειδείς Αναφορές

Madiu 16:21

Tuta gote 'enaya Yesu 'ie'ale ga 'ina tononoyao 'ie'itedi, 'igwae, “'Ilobwenena be yatatauya Yelusalema be nada 'elouya yaudi yada lobadi, 'inapwanao be totaliyao sinabwadi be loina 'ana toe'itao 'ediyega, be gote 'ena siloemwawasigu, ta 'asiyata 'etonina 'enaya Yaubada 'ida gietoolo limagu.”

Madiu 26:66

Mwa'adega 'imi nuwanuwa Yesu manuna?” Ga taudi sigwae, “'Ilobwenena be 'imwamwawasa.”

Madiu 27:2

'Enega Yesu nimana siyonidi ga sitauyena toloina sinabwana Pailato 'enaya be 'aene Pailato nina 'ida loine.

Maki 15:1

'Enega tomwa 'iulisina ga totaliyao sinabwadi be 'inapwanao be loina 'adi toe'itao be toloinao maibo'adi sideli egogonama ga siloiloina Yesu manuna, 'enega nimana siyonidi ga sitauyena Pailato 'ena be 'aene Pailato nina 'ida loine.

Maki 8:31

Ta wate 'ilolagata be to'ase ma'etamo 'ilobai 'ie'itaena 'ediya, 'igwae, “'Abo'agu Tomota Natuna ma'etamo 'elouya sinabwana yaloba. Manuna 'inapwanao be totaliyao sinabwadi be loina 'ana toe'itao 'iabe sie'idi'idiyegu be siloemwawasigu ta 'asiyata 'etoi mulinaya yada toololimana.”

Maki 9:12

Ta Yesu 'igwae, “O nadigega, Ilaitiya 'aene 'ida giminuganama be 'enega yage maibo'adi 'ida giepaepaludi. Ta sa'i Ilaitiya nina ni'atu 'imai saba, ta esi tomota siguinuwa besobeso 'enaya to'ase 'idi nuwena nadigega, nadigega Buki Tabu 'igimi simana'esena. Ta wate 'abo'agu Tomota Natuna, to'ase manuna Buki Tabu 'igimi simanegu 'aene 'elouya yaudi yalobadi be wate tomota sida guitoyasegu?”

Maki 9:31

ga 'ina tononoyao 'ie'itedi 'ina mwawasa manuna, 'igwae, “Ma'etamo Tomota Natuna 'ana totelesipupu 'ida 'ebwayae 'ana talauwalao 'ediya be siloemwawasi, be 'asiyata 'etoi muliyega 'ida toololimana.”

Luke 23:21

ta taudi sa'i sibwau toitoila, sigwae, “Kelose 'ena tada tutuepa'iye!”

Luke 9:22

'Enega wate 'ieonedi, 'igwae, “'Abo'agu Tomota Natuna be ma'etamo 'elouya sinabwana yaloba. Manuna 'Inapwanao be totaliyao sinabwadi ta wate loina 'ana toe'itao 'iabe sie'idi'idiyegu be siloemwawasigu, ta 'asiyata 'etonina 'enaya Yaubada 'ida gietoolo limagu.”

Yoni 18:28

'Enega Yesu Kaiyapa 'ina anuwega si'au'ewena ga sitauyena toloina sinabwana Pailato 'ina anuwaya. Ta ni'atu tomwa 'iulisina, 'enega nigeya sawesawediya be me Yudia nidi silulugu Pailato 'ina anuwaya, manuna to tuta 'ena Ataona masulina sida 'ani geya'abo me Loma 'idi anuwa 'ediya silugulugu. Nate 'idi tabu sinabwana.

Yoni 18:32

Ta ona getedi 'ina mwawasa manuna ni'atu Yesu lowa 'igimi simanedi, be 'enega tuta gete 'ida apwesa.

Yoni 19:11

Ta Yesu 'igwae, “Nigeya 'ebweu wate 'imu loina 'eguya 'imiyami 'abo nigeya Yaubada 'emuya 'itagwatagwala. Ta 'uda mwalatoni 'aene tai nina 'itagwalegu 'imu loina 'enaya, tauna 'ina to'umalina sinabwa wawasae, ta 'oyo tupwana.”

Guinuwa 13:27

Ta Yelusalema 'ana tomiyanao, be 'idi 'inapwanao, To'etoseyana nina nigeya sida mwalatonina, ta wate palopitao 'idi simanao Sabate 'ebweuna 'ebweuna sisawasawa totapwalolo 'ediya, ta esiya nigeya simwalamwalatonidi, ga 'enega To'etoseyana nina sisipupuyena, 'enega palopitao 'idi gimisimanao lowaenei 'adi 'ai'aila gete tuga sigieapwesena.

Guinuwa 20:22

“Ta gete tuga Yaluyaluwa Tabuna 'ina loinega yatautauya Yelusalema, ta nigeya tamwalamwalatoni to'ase nai 'iabe nada 'eguya 'iapwesa.

Yemesa 5:6

Manuna taudi topalupaludi wabwa'obwa'o matadi, nai waloemwawasidi, ta nigeya sawesawenaya be 'emiya sie'isa.