Maki 10:19 - Loina Tabu Auwauna NT

¹⁹ Ta Yaubada 'ina loinao ni'atu 'umwalamwalatonidi, nate 'aene: Geya'abo loemwawasa. Geya'abo loelata. Geya'abo 'ipwala. Geya'abo simana kabokabo. Geya'abo kaboega tomota 'idi gwegwe 'u'ewa'ewadi. Ta wate tamayo be sinayo 'uda 'amayabedi.”

Maki 10:19 Σταυροειδείς Αναφορές

Maki 10:18

Ga Yesu tai nina 'ieonena, 'igwae, “Mwa'adega ga 'enega 'u'awa bobo'anegu? Manuna nigeya 'ebweu yaita bobo'ana; nate namo Yaubada.

Luke 18:20

Ta Yaubada 'ina loinao ni'atu 'umwalamwalatonidi, nate 'aene: Geya'abo loelata, Geya'abo loemwawasa, Geya'abo 'ipwala, Geya'abo simana kabokabo, Ta wate tamayo be sinayo 'uda 'amayabedi.”

Loma 13:9

loina nidi nadigega geya'abo loelata be, geya'abo loemwawasa be, geya'abo 'ipwala be, geya'abo matagwegwe be, ta wate loinao 'aidi simiyami, ta esi loina nidi 'adi bwagila gete nadigega 'igwae, “Gosemwao 'uda obobomedi nadigega tauyo 'amu oboboma.”

Loma 3:20

Yaubada 'ina 'awapalupalu nigeya Mosese 'ina loinao 'adi ematamatana 'enega tada lobena, manuna loina 'ina guinuwa nate 'ida to'umalinao 'isimasimana apwesedi.

Galetia 4:21

'Omi nuwanuwami be Mosese 'ina loinao wada muliyedi, ta esi 'adi mwalatoi nigeya wamwalamwalatonidi.

Galetia 5:14

Manuna loina maibo'adi 'adi bwagila, loina 'ebweuna gete, 'igwae, “Gosemwao 'uda obobomedi nadigega tauyo 'amu oboboma.”

1 Tesalonaika 4:6

'Enega wate geya'abo mali tomota mwanediyao wa'ipwa'ipwalidi, 'abona nai 'Inapwana 'ina gamwasowala waloba. Yage nidi manudi lowa 'aemataluwemi.

Yemesa 2:11

Manuna loina maibo'adi 'adi To'ebwaya 'ebweuna namo tuga, tauna 'iona 'aene, “Geya'abo loelata besobeso,” ta wate 'igwae 'aene, “Geya'abo loemwawasa.” Ta 'abo nigeya waloyaloyawe besobeso ta waloemwawasa, nate ni'atu 'ina loinao wale'oedi.