Maki 10:17 - Loina Tabu Auwauna NT

¹⁷ Ga Yesu 'itoolo be 'aene 'itatauya, ta 'ebweu tai 'ipilima ga 'i'aetulasa Yesu matanaya ta 'igwae, “'Inapwana, yamwalamwalatoni 'aene 'oyo toe'ita bobo'ana, 'enega to'ase yada guinuwe be 'enega yawasigu ataya yaloba?”

Maki 10:17 Σταυροειδείς Αναφορές

Madiu 17:14

'Enega Yesu ma ina tononoyao simwa'uta boda 'ediya, ta 'ebweu tai 'imai ga 'i'aetulasa Yesu matanaya,

Madiu 25:34

be 'enega toloina 'abo'agu taudi 'ataiguya yada eonadi be yada gwae, ‘'Omi Tamagu 'ina obobomega wada gwausowala, wamai be 'imi 'ebeloina nina bale'u 'ana mweluluwa'unu 'enega 'igibubunaya manumi wada 'ewa.

Madiu 28:8

'Enega iine nidi ma idi matauta ta wate ma idi gwausowala 'ali'ali sipilisinena ga sipili manini be 'aene Yesu 'ina tononoyao 'ediya yage gete sida simana.

Maki 1:40

Ta tolepelo 'ebweuna Yesu 'ena 'imai ga 'i'aetulasaya ta 'isidena, 'igwae, “'Eguma 'imu nuwanuwa nadigega, kapekapeyana be 'ugie bobo'anegu.”

Maki 10:18

Ga Yesu tai nina 'ieonena, 'igwae, “Mwa'adega ga 'enega 'u'awa bobo'anegu? Manuna nigeya 'ebweu yaita bobo'ana; nate namo Yaubada.

Maki 12:14

'Enega Yesu 'ena simai ga sieonena, sigwae, “'Inapwana, ni'atu 'amwalatonimu 'aene 'oyo toe'ita 'ai'aila, ta tomota 'idi waiwai manuna nigeya 'umatamatauta, ta tuga ona 'ai'aila 'usimana leleleya tomota maibo'adi 'ediya, nate Yaubada 'ina 'eda 'ue'ita 'ai'aila. 'Enega mwa'adega? Sawesawenaya be Kini Sisa manuna takisi tasa'u, nai nigeya?

Maki 9:25

Ta Yesu boda yauyaudi sipilipilima 'i'itedi, 'enega yaluyaluwa bi'i 'i'enapa'alina, 'igwae, “'Oyo yaluyaluwa to'umaliyo 'imu lobwebwai 'enega gwama 'ieuwauwa, yaloineyo be 'upilisine atae be geya'abo wate 'ebweu tuta 'ulugulugu limana 'ena.”

Luke 10:25

Ta 'ebweu loina 'ana toanugana 'imai ga Yesu 'ena 'ienaida sabi toona, 'igwae, “'Inapwana to'ase yada guinuwe be yawasigu ataya yada loba?”

Yoni 3:2

ga boiboiya 'imai Yesu 'enaya ga 'ieonena, 'igwae, “'Inapwana, 'amwalamwalatoni 'aene 'oyo toe'ita Yaubada 'enega, manuna nigeya 'ebweu yaita 'ina guinuwa 'ana waiwai nadigega 'oyo, 'abo Yaubada nigeya ma'iyana.”

Yoni 5:39

“Tuta yauyauna Buki Tabu wasawasawa ga wanuwena 'aene ma'etamo yawasimi ataya wada loba, ta nigeya wanuwanuwa sabwaleni 'aene Buki Tabu nina 'isimasimanegu.

Yoni 6:40

Ta gete Tamagu 'ina nuwena nadigega 'aene 'eguma yaisigedi taudi 'abo'agu natunana si'itagu, be wate siemisegu, yawasidi ataya siloba, ta tuta 'ana 'ebe losalowa 'enaya 'abo'agu mwawasega yada gietoolodi.”

Guinuwa 16:30

Ta muliyega 'itoolo ga 'i'au'ewa apwesedi, ta 'igwae, “'Inapwanao, waeonagu to'ase yada guinuwa be 'enega Yaubada 'ida 'etoseyegu?”

Guinuwa 2:37

Tomota nidi Pita 'ina ona gete ni'atu sinonona, ga manuna sinuwanuwa sinabwana, ga Pita magosenao 'ediya sienaida, sigwae, “Tasimao, ni'atu 'aloegesi. Mwa'adega 'ada guinuwa'esa?”

Guinuwa 20:32

“Wate yaemataluwemi tuta simeemai manudi, 'aene Yaubada tauna 'ida 'ita'i'isimi, ta wate tauna 'ina oboboma tetelina sawesawenaya be 'igiepa'alimi, be 'enega 'ina bodao, taudi 'igie'esasediya 'ediya, 'omi wate walulugu.

Guinuwa 9:6

Ta esi 'utoolo be 'ululugu 'asaya be nada 'amu emataluwa 'uda nono, be 'uda guinuwa.”

Loma 2:7

Ta 'eguma 'aida guinuwa bobo'ana 'ena tuta yauna tae'alama'i'itana, be nadigega tuga taguiguinuwa be 'aene 'awabobo'ana be yawasi ataya tada loba Yaubada 'enega, ona'ai'aila ma'etamo yawasida miyamiya atayana 'ida 'ebwa'eda.

Loma 6:23

Manuna to'umalina 'ana e'isa mwawasa, ta esi Yaubada 'ina oboboma 'ida 'Inapwana Yesu Keliso 'enega, nate yawasida ataya.

Epeso 1:18

be wate 'atemiyega yage nidi bobo'adi manudi 'ibwauyemiya wada mwalatonidi, be wada emisa 'aene ma'etamo walobadi, be wada mwalamwalatoni wate 'ina eguyai sinabwana 'ina tomotaiyao 'edaya, nate tauna 'ina esaesa 'enega,

Taito 3:7

Ta taunamo 'ina obobomega 'i'awa palupaluyeda ga yawasida ataya 'ana nuwayaina 'i'ebwa'eda.

Ibeliu 1:14

Ta aniloseyao taudi yaluyaluwa tuga ta toepilialeale, taudi Yaubada 'isa'udi be 'aene silemeda 'abo'ada, yaisigedi 'abo 'etoseyana manuna 'iesinuweda.

1 Pita 1:4

Gote 'ena oboboma nidi 'isa'u 'ai'ailidi manumi, be geya'abo sidaudaula, nai sito'uto'umali, nai sisawasawala.

1 Yoni 2:25

be yawasida nina 'iona upaupaenaya 'ida 'ebwa'emi, nate yawasi ataya.