Maki 10:1 - Loina Tabu Auwauna NT

¹ Ga Yesu sena nina 'ipilisinena ga Yudia 'ina senaya 'itauya ga 'iabala bwasi Yolidani mali esenaya, ga boda sinabwana siegogonama 'enaya, ta 'enega 'ina bubuna nadigega 'ie'ita 'ediya.

Maki 10:1 Σταυροειδείς Αναφορές

Madiu 26:55

Gote 'ena Yesu boda 'ieonedi, 'igwae, “Sana 'abo'agu to'ipwala, ga 'enega ma imi sisisaiya be ma imi wepasi wamai sabi giyaigu! Ta to'ase 'alena ga 'enega nigeya wagiyagiyaigu 'asiyata nidi yaudi Anuwa Tabu 'ena yamiyami ta yae'ie'ita tomota 'ediya?

Madiu 4:23

Yesu Galili maibo'ana 'iasakowasiyena, ta 'idi anuwa tapwalolo 'ediya 'iloguguya, ta tetela bobo'ana Yaubada 'ina loina manuna 'isimasimane, ta wate tomota 'adi le'oasao 'ediyega 'igiebobo'anedi maibo'adi.

Maki 1:21

Ga muliyega simai 'asa sinabwana 'ana esana Kapaneumi 'enaya, ga Sabateya Yesu anuwa tapwalolo 'ena 'ilugu ga 'ie'ita.

Maki 10:2

Ta Palisiyao simai ga nuwanuwadi be Yesu sitoo, 'enega 'ena sienaida, sigwae, “'Inapwana, mwa'adega 'ida loina sa'ila manuna? Kapekapeyana be tai mwanena 'isa'ilei?”

Maki 12:35

Ta 'enega Yesu Anuwa Tabu solanaya 'ie'ie'ita tomota 'ediya, ga 'ieonedi, 'igwae, “Mwa'adega ga 'enega 'aina loina 'ana toe'itao sigwae 'aene Debida 'ina susuyega To'etoseyana Keliso 'iapwesa,

Maki 14:49

Ta to'ase 'alena ga 'enega nigeya wagiyagiyaigu 'asiyata nidi yaudi gamwagamwanimiya yamiyami Anuwa Tabu 'ena ta yae'ie'ita tomota 'ediya? Ta tuwa tuga yage getedi siapwesama be 'aene palopitao 'idi gimisimana Buki Tabu solanaya sida apwesa.”

Maki 2:13

'Enega Yesu 'iapwesa limana Galili le'awinaya, ta wate pwalu siegogonama, ga 'ie'ita 'ediya.

Maki 4:2

Ta Yesu onasemalimali yauna 'ediyega 'ie'ita tomota 'ediya, 'igwaegwae,

Maki 6:2

Ga Sabateya 'idi anuwa tapwalolo 'ena 'ilugu ga 'itoolo ta 'ie'ie'ita ga tomota sinonona, ta yauyaudi nuwadi 'iowana 'ina mwalatoi be 'ina guinuwa manudi, ga sigwae, “Tai gete mane 'enega 'ina sinasinapu 'ilobena? Ta wate guinuwa nidi waiwaidi nimanega 'iguinuwedi, mane 'enega 'ina waiwai 'ilobena?”

Maki 6:34

Ta muliyega waga 'ilugu ga Yesu 'isuya dabalaya ga boda sinabwana kaukauya 'i'itedi, ta 'i'atenuwa 'ole'oleyedi manuna taudi 'atuwa nadigega sipiyao nigeya 'adi to'ita'i'itamo, 'enega 'ilolagata ga sinasinapu yauna 'ie'ie'ita 'ediya.

Maki 6:6

'Enega Yesu 'isakowasi 'asa 'ediya ta 'ie'ie'ita.

Yoni 10:40

'Enega 'itauya ga Yolidani bwasina 'iabala limena, nate Yoni 'ina 'ebe giebapitaiso lowa senanaya, ga nada 'ilo'asa,

Yoni 11:7

'Enega ni'atu 'asiyata sigumwala, 'ina tononoyao 'ediya 'igwae, “Gete tuga taila Yudia 'ena.”

Yoni 18:20

'Enega Yesu 'ieonena, ga 'igwae, “'Abo'agu 'igu e'ita apwesaya tomota 'ediya anuwa tapwalolo soladiya ta wate Anuwa Tabu solanaya, 'enega me Yudia maibo'adi tuta nina 'ena silugulugu ga ni'atu 'igu e'itao sinonodi, manuna nigeya 'ediyega yada e'ita kwaiya.