Maki 1:32 - Loina Tabu Auwauna NT

³² Ta sinala ni'atu 'isugusuguwa, ga tomota 'idi tole'oasao be taudi yaluyaluwa bi'i 'ediyega sile'oasa maibo'adi sime'edi Yesu 'enaya,

Maki 1:32 Σταυροειδείς Αναφορές

Madiu 4:24

'Enega Yesu tetelina 'i'elelewana Silia 'asanao maibo'adi 'ediya, 'enega tole'oasao yaudi sime'eme'edi 'enaya, taudi sile'oasa sinabwana ta oodi si'elo'elouya, be taudi yaluyaluwa bi'i sigie kabaleyedi be taudi 'adi le'oasa lobwebwai, be wate tokweno, ga Yesu 'igiebobo'anedi maibo'adi.

Madiu 8:16

'Enega boi'unuya toni'asao 'aina tomota sime'edi, taudi yaluyaluwa bi'i 'ediya simiyami, 'enega Yesu yaluyaluwa nidi 'ina onega 'iula apwesedi ta wate tole'oasao maibo'adi 'igiebobo'anedi.

Madiu 8:17

Yage getedi ni'atu siapwesa ga 'enega palopita Aisea 'ina gimisimana 'iapwesa, nadigega Buki Tabu 'ena 'isimana, 'igwae, “Tauna 'ida 'elouya ta 'ada le'oasao 'ana to'ewayaula.”

Maki 1:21

Ga muliyega simai 'asa sinabwana 'ana esana Kapaneumi 'enaya, ga Sabateya Yesu anuwa tapwalolo 'ena 'ilugu ga 'ie'ita.

Maki 1:31

Ga Yesu 'ilugu 'enaya ga nimanaya 'igiyaina ga 'igietoolona, ga 'ina le'oasa 'isaligogo. 'Enega waine nina 'iapwesa ga 'adi masula 'igibubuna.

Maki 3:2

Ta Palisiyao Yesu silomata'i'isi, be 'eguma tai nina 'igiebobo'ane Sabate 'enaya ma'etamo 'enega sida e'ewa.

Luke 4:40

Ta ni'atu sinala 'isuguwa ga tomota 'idi tole'oasao 'adi le'oasao dumadumadi be dumadumadi si'au'ewedima Yesu 'enaya, ga maibo'adi 'ebweuna 'ebweuna 'igitoodi ga sibobo'ana.

Luke 4:41

Ta wate yaudi 'ediyega yaluyaluwa bi'i siapweapwesa ta sibwaubwau, sigwae, “Ona'ai'aila sa'i, 'oyo Yaubada Natuna!” Ga Yesu 'i'etobodedi be geya'abo nadigega sionaona'esa, manuna ni'atu simwalatonina 'aene tauna To'etoseyana nina Yaubada 'enega.