Madiu 8:6 - Loina Tabu Auwauna NT

⁶ 'igwae, “'Inapwana, 'igu 'ali'ei 'ebweu 'ile'oasa ga anuwaya ma ina 'elouya sinabwana 'i'eno'eno, ta nigeya sawesawenaya be 'iloniu.”

Madiu 8:6 Σταυροειδείς Αναφορές

Madiu 4:24

'Enega Yesu tetelina 'i'elelewana Silia 'asanao maibo'adi 'ediya, 'enega tole'oasao yaudi sime'eme'edi 'enaya, taudi sile'oasa sinabwana ta oodi si'elo'elouya, be taudi yaluyaluwa bi'i sigie kabaleyedi be taudi 'adi le'oasa lobwebwai, be wate tokweno, ga Yesu 'igiebobo'anedi maibo'adi.

Madiu 8:7

'Enega Yesu 'igwae, “'Iabe yawawa be yagiebobo'ane.”

Madiu 9:2

'Enega 'ebweu tokweno boda si'aalina 'ina 'ebe'eno 'enega ga sime'ena Yesu 'enaya. Boda nidi 'idi emisa Yesu 'imwalatonina ga tokweno nina 'ieonena, 'igwae, “Natugu, 'uda gwausowala, 'imu bubuna to'umalidi 'adi nuwatau ni'atu 'ulobedi.”

Guinuwa 10:7

Anilose nina 'ina ona 'igumwala ga 'itauya, 'enega Konilio 'ina toguinuwao 'ediyega 'eluwa 'ibwauyedi ma ina tolosaiya 'ebweuna, tauna wate Yaubada 'ana to'amayaba sinabwana.

Guinuwa 8:7

'eguma yaisigedi sile'oasa yaluyaluwa bi'i 'ediyega 'iula apwesedi ma bwaubwaudi, ta wate tokwenoyao be tolopegoiyao 'igiebobo'anedi. 'Enega boda nidi sitagwatagwala leleleya Pilipi 'ina loguguya 'enaya,

Guinuwa 9:33

ga 'ebweu tai tokweno 'ilobena, 'ana esana Inia, tauna yakwala eita 'ina 'ebe'eno 'ena 'i'eno'eno, ta nigeya sawesawenaya 'iadadana.

Kolose 3:11

'Enega nigeya 'ebweu wate weyala 'imiyami be wada gwae, “Me Yudia mali boda ta 'abo'ama mali boda”, nai wagwae, “Taudi bwaladi sidabedi mali boda, ta taudi nigeya, mali boda”, nai “'Owagao be to'u'umalao mali bodao”, nai “'Ali'eiyao mali boda be 'inapwanao mali boda”, ta tuwa tuga Keliso 'ina boda maibo'ada, ga 'atedaya Keliso namo 'iloegogoneda.

Kolose 4:1

Ta 'omi 'inapwanao, wada loina palupalu 'imi toguinuwao 'ebweuna 'ebweuna 'ediya, manuna wanuwa'i'isi 'aene 'omi wate 'imi 'Inapwana 'imiyami galewaya.

1 Timoti 6:2

Wate 'ali'eiyao nidi 'eguma 'idi 'inapwanao ma'ediyao si'awatasina Keliso 'ana emisa 'enaya, be 'enega geya'abo 'idi 'inapwanao 'adi 'amayaba silosalosa'u, ta esi sida etapewa waiwai manudi, be 'idi guinuwa bobo'ana 'ida sinabwa, manuna 'idi 'inapwanao nidi taudi Keliso 'ana toemisao, 'enega obobomega 'ediya sida paisewa. E'ita getedi 'uloguloguguyaedi tomota 'ediya.

Pilimoni 1:16

Lowa tauna 'imu toguinuwa, ta gete tugai nigeya 'aene 'ietoguinuwa namo, ta tauna wate tada 'awatasina Yesu Keliso 'enega. 'Abo'agu ni'atu ya'awa tasinena, ta 'oyo 'ilobweneyo be 'u'awa tasina 'ai'aile, manuna tauna 'imu toguinuwa ta tasiyo wate 'ida 'Inapwana 'enega.