Madiu 8:17 - Loina Tabu Auwauna NT

¹⁷ Yage getedi ni'atu siapwesa ga 'enega palopita Aisea 'ina gimisimana 'iapwesa, nadigega Buki Tabu 'ena 'isimana, 'igwae, “Tauna 'ida 'elouya ta 'ada le'oasao 'ana to'ewayaula.”

Madiu 8:17 Σταυροειδείς Αναφορές

Madiu 1:22

Yage getedi ni'atu siapwesa manuna lowaenei palopita 'ebweu Yaubada 'ina ona 'igimisimanena ga Buki Tabu 'ena 'i'etoladina, 'igwae,

Madiu 2:15

Ta 'enega Itipita 'ena simiyami ga 'ana laba Elodi 'imwawasa. 'Idi miya sugalagala nina be 'aene Yaubada 'ina ona 'ida apwesa, tauna 'ebweu palopita 'igimisimanena, 'igwae, “Itipita 'enega natugu yabwauyenama.”

Madiu 2:23

'Enega Nasaleta 'ena 'ilo'asa. Gete 'enega palopitao 'idi gimisimana 'iapwesa, sigwae, “Tauna sida eese goma Nasaleta.”

Maki 1:32

Ta sinala ni'atu 'isugusuguwa, ga tomota 'idi tole'oasao be taudi yaluyaluwa bi'i 'ediyega sile'oasa maibo'adi sime'edi Yesu 'enaya,

Luke 4:40

Ta ni'atu sinala 'isuguwa ga tomota 'idi tole'oasao 'adi le'oasao dumadumadi be dumadumadi si'au'ewedima Yesu 'enaya, ga maibo'adi 'ebweuna 'ebweuna 'igitoodi ga sibobo'ana.

2 Kolinita 12:10

'Enega Keliso manuna yatagwatagwala mwau yaudi 'ediya, nadigega neneta, 'awa to'umalina, tuta mwau, etalauwala, esilae. Manuna 'abo yaneneta gete 'igu 'ebe ewaiwai!

1 Pita 2:24

Ona'ai'aila, Keliso tauna oonega 'ida to'umalinao 'i'aalidi kelose 'enaya, be gote 'enega 'aene 'ida bubuna to'umalidi sigugumwala, ta bubuna palupaluna 'enega tatatauya. Tauna 'ana badi 'enega 'imi bobo'ana walobena.