Madiu 6:5 - Loina Tabu Auwauna NT

⁵ 'Imi sidasida wate nadigega, 'eguma wasisida Yaubada 'enaya geya'abo tokabokabo nadigega wasidasida, manuna taudi nuwanuwadi be tomota matadiya tapwalolo solanaya nai 'asa 'ediya sitoolo be sisidasida. Ona'ai'aila 'adi tupu tuta gete namo silobaloba, ta tuta 'imeemai nigeya.

Madiu 6:5 Σταυροειδείς Αναφορές

Madiu 21:22

Be 'abo ma imi emisa Yaubada 'ena wasisida, ma'etamo waloloba.”

Madiu 23:13

“'Omi loina 'ana toe'itao be Palisiyao nuwa'ole'olemi sa'i, manuna 'imi kaboega tomota wa'etobodedi be 'enega Yaubada 'ina 'ebeloina 'ena geya'abo silugulugu. 'Omi geya'abo walugulugu, ta tomota wate yaisigedi nuwanuwadi be silulugu waegagaledi.

Madiu 23:5

“'Idi guinuwa maibo'ana siguiguinuwedi be 'aene tomota si'itadi be situpudi, nate onao Buki Tabu 'enega 'eto'etoladidi debadiya be nimadiya sigiepa'iyedi, ta 'adi 'oamao duduladi si'ote'otedi,

Madiu 23:6

ta sagali 'adi tutaya nuwanuwadi be bwaimaya sida miyatowa, be wate anuwa tapwalolo 'ediya 'ebemiya bobo'adi nuwanuwadi,

Madiu 6:1

Yesu wate 'igwae: 'Abo tuta nina nuwanuwami be wa'ebwayadaita taudi gomagomabesodi 'ediya, geya'abo tomota matadiya waguiguinuwe. 'Eguma nadigega waguiguinuwa'esa, geya'abo tupu nai e'isa walobaloba Tamami galewaya 'enega.

Madiu 6:16

Wate 'abo tuta nina 'ena tapwalolo manuna 'e'ai 'enega waedidigula, geya'abo maninimi watuetue goegowa 'atuwa tonuwamwau. Gete tokabo 'idi guinuwa nadigega, manuna taudi 'adi 'ita sigie to'umaliyedi be 'aene 'idi edidigula tomota sida mwalatoni. Ona'ai'aila 'adi tupu tuta gete namo silobaloba, ta ma'etamo nigeya.

Madiu 6:2

'Enega tuta nina wa'ebwayadaita gomagomabesodi 'ediya, geya'abo yoguli wamu'emu'e, nadigega tokaboyao taudi anuwa tapwalolo nai 'asa 'ediya 'idi 'ebwayadaita mulinaya yoguli simu'edi be 'aene tomota sida tupudi. Ona'ai'aila 'adi e'isa tuta gete namo 'enaya silobaloba, ta esi tuta 'imeemai geya'abo e'isa silobaloba.

Madiu 9:38

'enega Tonibagula 'enaya wasisida be topaisewao 'ida etunedi 'ina bagulaya sabi sesoi.”

Maki 11:25

Wate 'abo wasidasida Yaubada 'ena, gosemiyao 'idi loegesiyao wanuwataudi 'abo to'ase 'idi bubuna 'emiya, be gete 'enega Tamami galewaya 'omi wate 'imi loegesiyao 'ida nuwataudi.”

Maki 12:38

'Enega Yesu 'ieonedi, 'igwae, “Geya'abo loina 'ana toe'itao 'idi bubuna wamulimuliye. Manuna taudi adelidi tuga nadigega tuta yauna nuwanuwadi be 'adi 'oamao duduladi si'otedi be tomota gamwagamwanidiya sisakosakowasi be 'aene sida 'amayabedi.

Luke 11:43

“'Omi Palisiyao nuwa'ole'olemi, manuna anuwa tapwalolo 'ediya nuwanuwami be 'aene 'ebemiya bobo'adi 'ediya wada miyatowa, ta wate nuwanuwami be 'aene tuta nina 'abo watautauya 'asaya tomota maibo'adi sida 'amayabemi.

Luke 18:1

'Enega 'ebweu ona semalimali Yesu 'i'ebwa'edi be 'aene geya'abo sidasida 'enega sineeneta.

Luke 18:13

“Ta esi takisi 'ana to'ewa nina ma'alenega 'itoolo ga ma ina omayamaya lumalumana 'itutuna, ta 'ikopu sanamwa'uta ga 'isidasida, 'igwae, ‘Yaubada ye, ni'atu 'umwalatonigu 'aene 'abo'agu toto'umaligu, 'enega 'uda 'atenuwa 'ole'oleyegu!’

Luke 20:47

Ta wate tuta yauna tomota matadiya Yaubada 'ena sisidasida dudulana, ta esi 'idi sida nina nigeya bobo'ana, manuna 'atediya sinuwanuwa mwa'adega 'iabe kwabulao sikabo'esedi be 'idi gwegweyao si'ewadi. 'Enega ma'etamo Yaubada e'isa to'umalina 'i'ebwa'edi.”

Luke 6:24

Ta 'abo 'omi ni'atu waeesaesa nuwa'ole'olemi, manuna 'imi esaesa ni'atu walobena, ta ma'etamo nigeya.

Yoni 16:24

Ta lowaenei ga batuwa nigeya wate 'ebweu to'ase manuna 'agu esanega wasidasida. 'Enega gete tuga wasisida be 'ida 'ebwa'emi, 'enega wada gwausowala 'ai'aila.”

Epeso 6:18

Tuta maibo'ana Yaluyaluwa Tabuna 'ina lema 'enega wada sidasida, be wada 'awa'awanoi Yaubada 'enaya, be ma imi toolopa'ala wa'ita'i'isimi be wasidasida toekalesiyao maibo'adi manudi,

1 Tesalonaika 5:17

Nadigega wate sidasida Yaubada 'enaya geya'abo walosalosa'u.

Yemesa 4:6

Ta esi Yaubada 'ina lema 'edaya sinabwa wawasae, manuna Buki Tabu 'ena 'isimana, 'igwae, “Yaubada togagasa 'ediya 'i'etoboda, ta esi tonuwamwa'uta 'ediya 'itagwala be 'ida lemedi.”