Madiu 6:33 - Loina Tabu Auwauna NT

³³ 'Enega 'ilobwenemi be nugana Yaubada 'ina loina ta 'ina 'eda palupaluna wada 'ebese be wada muliye, be 'enega 'ami masula ta 'ami 'oama wate 'i'ebwa'emi.

Madiu 6:33 Σταυροειδείς Αναφορές

Madiu 19:28

Ta Yesu 'ieonedi, “Ona'ai'aila, ma'etamo bale'u 'ana gieauwau 'enaya 'abo'agu Tomota Natuna 'igu 'ebemi esaesa 'ena yada miyatowa, ta wate 'omi 'igu tononoyao wate tuwelo 'imi 'ebemiya tuwelo 'ediya wate wamiyatowa be me Isileli 'idi susuyao tuwelo wada loinedi.

Madiu 19:29

Be 'eguma yaisigedi 'omi 'imi anuwao nai tasimiyao nai nuumiyao nai tamamiyao be sinamiyao nai natumiyao nai 'imi tanowayao wapilisinedi, ma'etamo yage nidi wapilisinediya 'adi lopa'elu ma 'adi loeposeyana analedi wada lobadi, yawasimi ataya ma'iyana.

Madiu 3:2

“'Imi bubuna to'umalina 'ediyega wada nuwa'ebuni manuna Yaubada 'iabe be 'edaya 'ietoloina.”

Madiu 4:17

Tuta gote 'enega Yesu 'ina guguya 'ie'ale ga 'igwae, “'Imi guinuwa to'umalidi 'ediyega wada nuwa'ebuni, manuna 'iabe be Yaubada 'ietoloina 'edaya.”

Madiu 5:6

Ta 'abo 'omi bubuna bobo'ana nuwanuwami sinabwana, wada gwausowala, manuna bubuna bobo'ana 'atemiya 'ida sinabwa.

Luke 1:6

Ta siteluwa nidi Yaubada matanaya sibubuna palupaluna, manuna Yaubada 'ina loina maibo'ana siematamatana 'ai'ailena.

Luke 12:31

Ta 'ilobwenemi be nugana Yaubada 'ina loina 'ena wada tagwalemi, be 'enega 'ami masula be 'ami 'oama wate 'i'ebwa'emi.

Yoni 5:4

(-)

Yoni 6:27

'Omi geya'abo masula gumwagumwalina manuna waguiguinuwa ta esi masula tauna yawasimi ataya manuna. 'Abo'agu Tomota Natuna be masula gete yada 'ebwa'emi, manuna Yaubada Tamagu tauna 'iesinuweguya 'ina guinuwa gete manuna.”

Guinuwa 20:25

“Wanuwa'i'isi lowa tuta yauna 'ediya yasakosakowasi 'emiya ta Yaubada 'ina etoloina tetelina manuna yaloguloguguya, ta gete wanono, ma'etamo geya'abo wate wa'ita'ita limagu.

Guinuwa 28:31

ta Yaubada 'ina loina manuna 'iloguguyedi ta 'ie'ie'itedi 'Inapwana Yesu Keliso manuna, ta nigeya 'ebweu yaita 'itoo be 'ina loguguya 'i'etobode.

Loma 1:17

Ona'ai'aila, tetela gete 'ie'iteda 'aene 'ida emisa namo 'enega Yaubada 'ida 'awa palupaluyeda. Manuna Buki Tabu wate 'ina simana nadigega, 'igwae, “Topalupaluyao 'idi emisega yawasidi sida loba.”

Loma 10:3

'Eda nina siemwagemwageyena, 'enega taudimo 'idi nuwanuwa simuliyena, be 'enega Yaubada 'ida 'awapalupaluyedi, ta sa'i sitooyogena, manuna Yaubada 'ina nuwanuwa nina 'adi 'awapalupalu manuna nigeya siemiemise.

Loma 14:17

Ta esi wada nuwa'i'isi 'aene Yaubada 'ina 'ebeloina nigeya masula be bwasi manudi, ta esi bubuna bobo'ana be nuwasiwalowa be gwausowala, Yaluyaluwa Tabuna 'enega, manudi.

Loma 8:31

Ona'ai'aila, Yaubada 'ina oboboma manuna geya'abo tagwaegwae, manuna 'abo Yaubada ma'edai 'ilemeda, nigeya yaita sawesawenaya 'ilosaiyeda, nai 'igie to'umaliyeda.

1 Kolinita 1:30

Manuna Yaubada tauna 'ina guinuwega Yesu Keliso ma'eda tae'ebweu, 'enega Yaubada 'ina sinasinapu Yesu nina 'isa'u balenaya 'edaya, manuna Yesu tauna 'italiyaena manuda, ga 'enega 'igie'esaseda, ta 'igiepaepaluyeda.

1 Kolinita 3:22

nadigega 'abo'agu be Apolosa ta Pita watei, 'isa'uma 'ami tolemao, ta bale'u wate maibo'ana 'i'ebwa'emi, ta wate yawasimi be 'imi mwawasa, ta wate yage maibo'ana tuta gete 'enaya ta tuta simeema 'ediya 'i'ebwa'emi,

2 Kolinita 5:21

Yaubada nina 'abo'ada manuda Keliso 'iloinena, tauna nigeya 'ebweu wate 'ina to'umalinamo, ta Yaubada 'itagwalena be Keliso nina 'atuwa tai to'umalina, be tauna 'enega 'abo'ada Yaubada 'ina bubuna palupaluna tada lowa'elu.

Pilipai 3:9

ta wate nuwanuwagu Keliso ma'iyagu 'ada miyami, nigeya 'aene taugu 'igu bubuna palupalunega, nai Mosese 'ina loinao 'ediyega, ta esi emisa Keliso 'enaya 'enega, nate 'ida bubuna palupaluna Yaubada 'i'ebwa'eda 'ida emisa Keliso 'enaya manuna.

2 Tesalonaika 1:5

Gete 'ebe'ita be 'enega Yaubada 'ina loina palupaluna tada mwalatoni, manuna 'imi miyamwau nidi 'ediyega 'igiepa'alimi, be 'enega 'ina 'ebeloina 'ana lugu 'ida lobwenemi.

1 Timoti 4:8

Ona'ai'aila, yage nidi taguiguinuwedi bwalada 'ana 'abi manuna, nate yage bobo'ana, ta esi yaluyaluwada 'ana 'abi yage bobo'ana wawasae, manuna tauna 'ilemeda 'ida tuta bale'uya manuna, ta wate tuta 'imeemai manuna.

2 Pita 1:1

'Abo'agu Yesu Keliso 'ina toguinuwa, nai 'ana tosimana, 'imi leta ya'etoladinawa, manuna 'omi be 'abo'agu 'ida emisa leleleya, tauna 'ida Yaubada be 'ada To'etoseyana Yesu Keliso 'idi loina bobo'ana 'enega talobena. Gete yage nina 'edaya yage sinabwana.

2 Pita 1:11

be 'enega muliyega ma imi gwausowala walulugu 'ida 'Inapwana ta 'ada To'etoseyana Yesu Keliso 'ina 'ebeloina 'enaya, be nada wamiya ataya.