Madiu 6:28 - Loina Tabu Auwauna NT

²⁸ 'Enega to'ase manuna wanuwanuwa sinabwana 'ami 'oama manudi? Ta 'ebweuna wate gete 'ebe'ita, seninao 'idi tabwa 'asaya manuna wada nuwaedaedadami. Tuta yauna nigeya sida paisewa, ta wate nigeya 'adi 'oama sida guinuwedi.

Madiu 6:28 Σταυροειδείς Αναφορές

Madiu 10:10

Geya'abo wate tana wa'ewa'ewa. Geya'abo watei 'ami 'oama 'eluwena, nai 'ami 'aelawa 'eluwena, nai 'imi 'etoguna 'eluwena wa'ewa'ewadi, manuna topaisewa 'ana masula sawesawenaya be 'iloba.

Madiu 6:25

'Enega yaeonami 'aene geya'abo 'imi miya bale'u manuna wanuwanuwa sinabwana, 'ami 'e'ai be 'ami bwasi be 'ami 'oama manudi. Manuna yawasida yage sinabwana 'edaya, ta gwegwe nidi bwala manudi nigeya yage sinabwana.

Madiu 6:27

Ta 'eisa 'emiyega 'ina nuwenuwega 'ina tuta bale'uya 'igieduduli? Nigeya, aga?

Madiu 6:31

'Enega geya'abo wanuwanuwa sinabwana be 'aene wagwaegwae, “To'ase 'ada 'ani?” nai “To'ase 'ada numa?” nai “To'ase 'ada 'ote?”

Luke 10:41

Ta Yesu 'igwae, “Malida, mwa'adega ga yage yaudi manudi 'unuwanuwa,

Luke 12:11

“Ta 'abo tomota si'au'ewami anuwa tapwalolo 'ediya sabi etalaemi 'inapwanao be toloinao matadiya, geya'abo wa'ate'ate sa'ala nai wanuwanuwa mwa'adega 'idi enaida wae'isa'esa,

Luke 12:22

'Enega 'ina tononoyao 'ediya 'igwae, “Geya'abo 'imi miya bale'u manuna wanuwanuwa sinabwana, 'ami 'e'ai be 'ami 'oama manudi.

Luke 12:27

“Ta 'ebweuna wate gete 'ebe'ita, seninao 'idi tabwa manuna wada nuwa edaedadama. Tuta yauna nigeya sida paisewa, ta wate nigeya 'adi 'oama sida guinuwedi. Ta ona'ai'aila, Solomoni 'ana 'oamao be 'ana iyaiyalao 'adi 'ita bobo'adi, ta esi senina 'adi 'ita bobo'ana wawasae.

Luke 3:11

Ga Yoni nina 'igwae, “'Abo yaisigedi 'omi 'ami 'oamao 'eluwa ta gosemiyao nigeya 'adi 'oamamo, 'ebweu wa'ebwa'edi. Ta wate nadigega 'abo 'ami masulao sinabwana, tupwana tobotanao 'ediya wada eguyaiyedi.”

Pilipai 4:6

Geya'abo 'ebweu to'ase manuna wanuwanuwa, ta esi ma imi lokagutoki yage maibo'adi manudi, Yaubada 'ena wada bwagobwago, be 'imi nuwanuwao manudi wada sidasida,

1 Pita 5:7

Ta 'ami mwauyao maibo'adi Yaubada 'ena wada 'ebwaya, be 'enega 'ami mwau nidi 'i'ewayauledi, manuna Yaubada tauna 'i'atenuwa'ole'ole 'ai'ailemi.