Madiu 6:25 - Loina Tabu Auwauna NT

²⁵ 'Enega yaeonami 'aene geya'abo 'imi miya bale'u manuna wanuwanuwa sinabwana, 'ami 'e'ai be 'ami bwasi be 'ami 'oama manudi. Manuna yawasida yage sinabwana 'edaya, ta gwegwe nidi bwala manudi nigeya yage sinabwana.

Madiu 6:25 Σταυροειδείς Αναφορές

Madiu 10:19

“Ta 'abo matadiya sietoolomi geya'abo wa'ate'atesa'ala be 'aene mwa'adega wada ona'esa, manuna 'etamo tuta nina 'ena Yaubada 'imi ona 'i'ebwa'emi,

Madiu 13:22

“Ta atu nidi kwakwakwala 'ediya sibe'uya taudi tetela bobo'ana sinonona, ta 'idi nuwanuwa bale'u be esaesa 'ana nuwanuwao 'ediyega tetela bobo'ana siloemwawasina, 'enega nigeya sawesawenaya be siuuwa.

Madiu 6:31

'Enega geya'abo wanuwanuwa sinabwana be 'aene wagwaegwae, “To'ase 'ada 'ani?” nai “To'ase 'ada numa?” nai “To'ase 'ada 'ote?”

Madiu 6:34

'Enega geya'abo wanuwanuwa sinabwana gibwa'i manuna. Nate namo batuwa namo manuna wada nuwanuwa. 'Enega 'asiyata simeema 'adi mwau geya'abo 'asiyata batuwa 'ana mwau ma'iyana taloeloepopoe, ta esi 'asiyata 'ebweuna 'ebweuna taudi sa'i 'adi mwau manudi tada nuwanuwa 'adi 'asiyata nidi 'ediya.

Maki 13:11

“Ta 'abo toloinao matadiya sietoolomi sabi etala, geya'abo wa'ate'ate sa'ala be 'aene wada ona'esa, ta esi ma imi 'atepatu wada ona tuga, manuna nigeya 'omi 'imi ona wasimasimane, ta esiya Yaluyaluwa Tabuna tuta gote 'ena ona 'i'ebwa'emi be wasimana apwese.

Maki 4:19

ta esaesa be bale'u 'ina yageyao 'adi nuwanuwa 'ediyega Yaubada 'ina ona sinuwa pupulena, 'enega nigeya sawesawenaya be siuuwa.

Luke 12:11

“Ta 'abo tomota si'au'ewami anuwa tapwalolo 'ediya sabi etalaemi 'inapwanao be toloinao matadiya, geya'abo wa'ate'ate sa'ala nai wanuwanuwa mwa'adega 'idi enaida wae'isa'esa,

Luke 8:14

Ta atu nidi kwakwakwala 'ediya sibe'uya tomotai nidi taudi ona nina sinono, ta 'idi nuwanuwa maibo'ana 'itautauya esaesao be bale'u gwausowalinao ta wate yage yauna 'ediya, ta 'enega Yaubada 'ina ona 'ediya nigeya uwana 'ida apwesa.

Loma 8:32

Manuna Yaubada natu 'ai'ailina nigeya 'iegagale, ta esi maibo'ada manuda 'itagwalena ga 'i'ebwa'eda, 'enega yage maibo'ana wate 'iabe 'edaya 'ida 'ebwaya daisida.

1 Kolinita 7:32

'Enega nuwanuwagu be geya'abo yage bale'u manudi wanuwanuwa wawasae, ta esi wada bubuna nadigega taudi nigeya siaiai. Manuna taudi nigeya siaiai Yaubada 'ina guinuwa namo manuna sinuwanuwa sinabwana, ta nuwanuwadi be 'Inapwana sida giegwausowali.

Pilipai 4:6

Geya'abo 'ebweu to'ase manuna wanuwanuwa, ta esi ma imi lokagutoki yage maibo'adi manudi, Yaubada 'ena wada bwagobwago, be 'imi nuwanuwao manudi wada sidasida,

2 Timoti 2:4

'Unuwa'i'isi 'aene tolosaiya nuwanuwana be 'ana toloina namo 'ina nuwanuwao 'iguiguinuwedi, 'enega geya'abo 'ina 'asa 'ana paisewa manuna 'inuwanuwa.

1 Pita 5:7

Ta 'ami mwauyao maibo'adi Yaubada 'ena wada 'ebwaya, be 'enega 'ami mwau nidi 'i'ewayauledi, manuna Yaubada tauna 'i'atenuwa'ole'ole 'ai'ailemi.