Madiu 5:22 - Loina Tabu Auwauna NT

²² Ta 'abo'agu yaloinemi 'abo yaita tasina 'igamwasowale, loina 'ida loba. Ta 'eguma 'i'awa to'umaliye, loina 'ida loba toloinao 'ediyega. Ta wate 'eguma 'i'awa uwauwae, ma'etamo 'ilulugu 'asagabugabu 'enaya.

Madiu 5:22 Σταυροειδείς Αναφορές

Madiu 10:17

“'Enega wa'ita'i'isimi, manuna tomota 'etamo sitauyemi etala manuna, be anuwa tapwalolo 'ediya 'etamo sisapisapimi,

Madiu 10:28

“Ta taudi oomi siloeloemwawasi geya'abo wamatamatautedi, manuna taudi oomi namo sawesawenaya be siloemwawasi, ta yaluyaluwami geya'abo. Ta esi Yaubada wada mataute, manuna tauna sawesawenaya be 'asagabugabu 'enaya oomi ta yaluyaluwami 'iloemwawasa luwedi.

Madiu 12:24

Ta sa'i Palisiyao guinuwa gete alena sinonona ga sigwae, “Nigeya, ta esi yaluyaluwa bi'i 'idi 'inapwana 'ana esana Bielisibubi 'ina waiwaiyega yaluyaluwa bi'i 'iula apwesedi.”

Madiu 17:5

Pita 'ina ona ma'etamo nigeya 'ilosalosaloni ta pwana maedanina 'italaekabobodi, ta pwana 'enega 'enana 'ebweu sinonona, 'igwae, “Gete natugu bobo'ai'ailina, tauna manuna yagwausowala sinabwana, 'enega 'ina onao wada nonodi.”

Madiu 18:21

'Enega Pita 'imai ga Yesu 'ieonena, 'igwae, “'Inapwana, 'eguma tasigu tuta yauna 'eguya to'umalina 'iguiguinuwei, ma'eisa sawesawenaya be 'ina to'umalina nina yanuwataudi, masebeni, nai 'eisa?”

Madiu 18:35

'Enega Yesu 'ina ona 'ilosalonina, 'igwae, “Tamagu galewaya wate 'emiya 'ida guinuwa nadigega, 'eguma tasimiyao geya'abo wa'ate'atenuwa 'ole'oleyedi be 'idi loegesiyao wanuwanuwataudi.”

Madiu 23:15

“'Omi loina 'ana toe'itao be Palisiyao nuwa'ole'olemi sa'i, manuna 'ebweu wate gete 'imi loegesi. Tuta yauna wa'ada'adau sakowasi 'asa yaudi 'ediya be 'aene 'ami tomuliya 'ebweu wada loba, be muliyega tomotai nina wae'ita be nadigega 'omi waguiguinuwa Seitani 'enaya, tauna nadigega 'ida guinuwa, ta 'ida guinuwa wawasae.

Madiu 23:33

'Omi mwata natunao, ta nigeya sawesawenaya be 'asagabugabu 'enega wadedena.

Madiu 25:41

“Ta taudi gegeumiguya simiyami yaeonadi, ‘'Omi toto'umalimi wapilisinegu be watatauya kaiwe sabesabelulu atayana 'enaya, tauna Yaubada 'igibubuna Seitani ma ina bodao manudi,

Madiu 26:59

Ta totaliya sinabwadi be 'inapwanao nidi nuwanuwadi Yesu 'ana toe'ewa kabokabo sida loba be 'idi e'ewa 'enega Yesu sida loemwawasi.

Madiu 3:17

Ta sa'i 'ebweu 'enana galewega 'ionama 'igwae, “Nate natu'ai'ailigu. Tauna manuna yagwausowala sinabwana.”

Madiu 5:34

Ta 'abo'agu 'imi sawatamatamana maibo'adi ya'etobodedi. 'Enega geya'abo galewa manuna wasawasawa tamatamana, manuna Yaubada 'ina 'ebemiya.

Madiu 5:44

Ta 'abo'agu yaloinemi 'ami talauwalao waobobomedi, be taudi sigie 'elouyaemi manudi wasisida be Yaubada 'ida lemedi.

Maki 14:55

'Enega totaliya sinabwadi be 'inapwanao nidi nuwanuwadi Yesu 'ana toe'ewao sida lobadi be 'idi e'ewa 'enega Yesu sida loemwawasi, ta nigeya 'ebweu wate silobaloba.

Maki 15:1

'Enega tomwa 'iulisina ga totaliyao sinabwadi be 'inapwanao be loina 'adi toe'itao be toloinao maibo'adi sideli egogonama ga siloiloina Yesu manuna, 'enega nimana siyonidi ga sitauyena Pailato 'ena be 'aene Pailato nina 'ida loine.

Luke 12:5

Ta esiya Yaubada wada mataute, manuna tauna ma ina loina be 'iloemwawasa nuganemi, ta muliyega 'ida ulamwa'utemi 'asa gabugabu 'enaya. Ona'ai'aila, Taunamo wada mataute!

Luke 22:66

tomwa 'iulisina, ta 'enega me Yudia 'idi 'inapwanao, nate totaliyao sinabwadi be loina 'ana toe'itao sideli egogona, ga Yesu sime'ena, ga gamwagamwanidiya sietoolona,

Yoni 11:47

'Enega Palisiyao nidi be totaliyao 'idi 'inapwanao be wate toloinao maibo'adi siegogona, ga sigwae, “Tai nina to'ase 'ena tada guinuwe? Manuna guinuwa waiwaidi 'iguiguinuwedi.

Yoni 15:25

Ta 'idi guinuwa nidi ni'atu 'iapwesa 'ai'aila manuna Buki Tabu 'ena 'ionaupaupa saba 'igwae, ‘'Idi guitoyasa manugu nigeya 'alenamo.’

Yoni 7:20

Ga boda nidi 'ina ona sie'isena, sigwae, “Mwa'adega, yaluyaluwa bi'i debayo 'igiesakowasiyena, ga nadigega 'uona'esa? Ta yaita sana nuwanuwana be 'aene 'ida loemwawasiyo?”

Yoni 8:48

Gote 'ena me Yudia 'idi 'inapwanao Yesu 'ena sigwae, “'Ima ona lowa 'ana 'ai'aila ni'atu 'iapwesa, manuna 'agwae, 'aene 'oyo 'ebweu goma Samelia, 'enega yaluyaluwa bi'i 'emuya 'ipaipaisewa.”

Guinuwa 17:18

Ta 'aidi tosinasinapuyao wate, taudi sieesedi Epikulo, be 'aidi Sitoike wate, Paulo ma'enao sieonaona, ga 'aidi taudimo 'ediya siemwaemwasala, sigwae, “Na! Kabaleya nina to'ase 'ioneone?” Ta 'aidi sigwae, “Nai mali yaubadao manudi 'iloguloguguya.” Manuna sinononaya Yesu 'ina toololimana mwawasega manuna 'iloguloguguya.

Guinuwa 22:30

Ta tomwa 'iulisina ga boda saiya 'ana toloina nina 'inuwanuwa be 'aene 'ale 'ai'aila sida 'ebese, to'ase manuna me Yudia Paulo sie'ewena, 'enega Paulo 'igieapwesena, ta 'iloina 'aene totaliya sinabwadi be me Yudia 'idi toloinao maibo'adi sida mai, ta 'enega toloina nina Paulo 'i'au'ewenama ga matadiya 'ietoolona.

Guinuwa 23:1

'Enega Paulo me Yudia 'idi toloinao nidi 'iduneduneyedi, ta 'ieonedi, “'Inapwanao be tasigwao, lowaenei ga batuwa to'ase yanuwena 'aene Yaubada 'ina loina yamuliya 'ai'ailena.”

Guinuwa 24:20

“'Enega taudi ni'atu simai gete matamuya, 'ilobwenedi be to'ase 'igu loegesi si'italobena, tuta nina 'idi toloinao sietalaeguya, sida simana 'emuya.

Guinuwa 4:15

Ta sietunedi ga siapwesa be 'aene taudimo anuwaya sida loina, 'enega Pita be Yoni siapwesa, ta toloinao nidi siloina,

Guinuwa 5:21

'Enega anilose 'ina ona sinononaya ta tomwa 'iulisina, ga Anuwa Tabu 'ena siluguya, ga boda sie'itedi. 'Enega wate totaliya sinabwana ma ina bodao sideli egogonama, ga me Isileli 'idi 'inapwanao be 'adi toloinao maibo'adi sibwauyedima, ga 'idi 'ali'eiyao deliya 'aidi sietunedi be 'aene Yesu 'ana tosimanao sime'edi, be sida etala matadiya.

Guinuwa 5:27

'Enega maoonuwadi sime'edi ga toloinao nidi matadiya sietoolodi. Ta totaliya sinabwana 'ienaidedi,

Guinuwa 6:12

Ta wate tomota sienuwa sa'uyedi ga Sitibeni nina sietalauwalena, 'enega boda yaudi be 'inapwanao be wate loina 'ana toe'itao simai ga sigiyaina, ga si'au'ewena toloinao 'idi deliegogona 'enaya,

Guinuwa 6:15

Ta todeliegogona nidi maibo'adi Sitibeni maninina siduneyena, 'ana 'ita anilose maninina nadigega.

Guinuwa 7:37

“Gete Mosese nina me Isileli 'ieonedi 'igwae, ‘Yaubada ma'etamo tasimiyao 'ediyega 'ebweu palopita 'ida esinuwe manumi, nadigega lowa 'iesinuwegu.’

Loma 12:10

Gosemiyao wada oboboma 'ai'ailedi be wada 'amayabedi,

1 Kolinita 6:10

be to'ipwalao be tolomatagwegweyao be tonuma bwasi waiwai be tolo'aegilao be tokaboyao.

1 Kolinita 6:6

Ta esi 'omi 'imi guinuwa nigeya palupaludi, manuna taudi nigeya Keliso 'ana toemisao matadiya waetaetala.

1 Tesalonaika 4:6

'Enega wate geya'abo mali tomota mwanediyao wa'ipwa'ipwalidi, 'abona nai 'Inapwana 'ina gamwasowala waloba. Yage nidi manudi lowa 'aemataluwemi.

Taito 3:2

Ta geya'abo lo'aegila be egewagewana, ta esi tomota 'ediya sida bubuna oonuwega ma idi 'amayaba.

Ibeliu 12:25

'Enega wa'ita'i'isimi be tauna galewega 'ionaona 'edaya geya'abo 'enana waguiguitoyase. Manuna lowa tomota 'aidi bale'uya Mosese 'ina guguya 'ediya siguitoyasena ga mwau silobena. Ta gete tuga Yaubada galewega 'iloguloguguya 'edaya, 'enega 'abo 'enana taguitoyasei mwau sinabwa wawasae taloba.

Ibeliu 5:9

ga 'enega 'ina bubuna maibo'ana palupaluna. 'Enega 'abo'ada wate 'abo taematamatanei, 'etoseyana ataya Yesu nina 'enega taloba,

Yemesa 2:20

'Oyo uwauwayo. Gete 'ebe e'ita ya'ebwa'eyo 'aene 'abo emisa namo, ta nigeya guinuwa, nate yage besobeso.

Yemesa 3:6

Ta 'awada nadigega kaiwe 'ina bubuna, manuna yage maibo'adi to'umalidi 'idi 'ebe e'ale. 'Enega ooda maibo'ana tagieto'umaliye 'awa nina gidalina 'enega. Ona'ai'aila, to'umalina maibo'ana 'imeema Seitani tauna 'enega, be yage maibo'adi 'awadega 'igieto'umaliyedi.

1 Pita 2:23

Ta tuta nina si'awa to'umaliyena nigeya wate 'ediya 'ie'ie'isa, ta wate sigie'elouyaena ta nigeya 'igamwagamwasowaledi, ta esi Yaubada 'iemisa 'ai'ailena, manuna tauna Toloina palupaluna.

1 Pita 3:9

Ta 'abo 'aidi 'emiya siguinuwa to'umalina, geya'abo 'ediya wae'ie'isa, ta 'abo wate sieliyemi geya'abo waelieliyadi. Ta esi wada e'isadi ona bobo'ana 'enega, ta Yaubada 'ionaupaupa saba be 'aene 'ida obobomemi, 'abo 'omi ona obobomega 'ediya wae'isa.

1 Yoni 2:9

'Enega 'eguma yaita tasina 'ietalauwale be 'ionaona 'aene tauna maedana 'ena 'imiyami, nate 'ikabokabo, manuna tauna 'etamo tuga guguyoi 'ena 'imiyami.

1 Yoni 3:10

'Enega taudi ta'inanedi 'aene yaisigedi Yaubada natunao, ta yaisigedi Seitani 'ina bodao, manuna taudi Seitani 'ina boda geya'abo sa'i siguiguinuwa palupalu, manuna nigeya situbutubuwama Yaubada 'enega, ta wate geya'abo sieobooboboma matasidiyao.

1 Yoni 5:16

'Aina loegesi 'adi e'isa mwawasa ta 'aidi nigeya, 'enega 'eguma yaita 'oyo tasiyo 'u'ita 'iloegesi, ta loegesi nina gidalina ta nigeya 'ana e'isa mwawasa, 'enega 'eguma toloegesi nina manuna 'usisida Yaubada 'enaya, Yaubada 'imu sida 'ida nono, be tasiyo yawasina 'ida tagwale. Ta esi loegesi nidi 'adi e'isa mwawasa, geya'abo manudi wasidasida Yaubada 'enaya.

Yude 1:9

Ta aniloseyao 'idi toanugana Maikeli lowaenei 'iegewagewana Seitani 'enaya, Mosese kokowana manuna, ta Maikeli nina nigeya Seitani 'iba'eba'e. Nate namo 'igwae, “'Inapwana 'i'etobodeyo.”

E'ita'ita 20:14

'Enega Mwawasa be wate 'idi sena nina 'iula mwa'utedi yaiyai sinabwana solanaya, ta yaiyai nina nate mwawasa 'eluwena.