Madiu 3:2 - Loina Tabu Auwauna NT

² “'Imi bubuna to'umalina 'ediyega wada nuwa'ebuni manuna Yaubada 'iabe be 'edaya 'ietoloina.”

Madiu 3:2 Σταυροειδείς Αναφορές

Madiu 10:7

be 'ediya wasimana apwesa 'aene Yaubada 'ina loina ni'atu 'imai saba.

Madiu 11:20

'Enega Yesu 'asa nidi 'ina guinuwa waiwaidi si'itediya ta nigeya sinuwanuwa 'ebuni 'idi loegesiyao 'ediyega, taudi manudi 'ilolagata ga 'iba'edi, 'igwae,

Madiu 12:41

“Ma'etamo 'asiyata bwa'omatana 'enaya 'iabe me Ninibe sida toolo be 'epata nimi gete sida e'ewami, manuna Yona 'ediya 'iloguguyaya ga 'idi bubuna to'umalina 'ediyega sisanaila, ta 'omi gete tuga loguguya bobo'ana wawasae ni'atu wanonodi ta nigeya wada sanaila.

Madiu 13:11

'Enega Yesu 'igwae, “'Omi ni'atu Yaubada 'emiya 'itagwala be 'ina loina sola'ai'ailidi 'ana tomwalatoiyao, ta boda getedi nigeya.

Madiu 13:24

'Enega onasemalimali 'ebweu wate Yesu 'i'ebwa'edi, 'igwae, “Yaubada 'ina loina 'atuwa nadigega 'ebweu tai witi atuna bobo'adi 'ina bagulaya 'ilelewanedi.

Madiu 13:31

'Ebweu wate onasemalimali 'i'ebwa'edi, 'igwae, “Yaubada 'ina etoloina 'atuwa nadigega beno atuna 'ebweuna tai 'i'ewena ga bagulaya 'iasona.

Madiu 13:33

'Ebweu wate onasemalimali 'i'ebwa'edi, 'igwae, “Yaubada 'ina etoloina 'atuwa nadigega pwalawa 'ana 'ebe gieseseya. Gidalina tuga waine 'i'ewena ga pwalawa sinabwana ma'iyana 'i'einisina, 'enega maibo'ana 'iseseya.”

Madiu 13:47

“Ta wate Yaubada 'ina loina 'atuwa nadigega gomana tomota siyauyena olaya, ga mali iyana be mali iyana si'onedi,

Madiu 13:52

'Enega 'ieonedi, “Gete tuga wada mwalatoni 'aene loina 'ana toe'itao 'eguma ni'atu Yaubada 'ina loina sipanaita 'ai'ailena, taudi 'atuwa nadigega 'ebweu tonianuwa 'ina gwegwe kadekadelidi ta auwaudi soladiya esaesa 'imiyami.”

Madiu 18:23

Manuna Yaubada 'ina loina 'atuwa kini 'ebweuna, tauna nuwanuwana be 'ina toguinuwao 'idi lowaga siyotuli 'enaya.

Madiu 20:1

“Yaubada 'ina loina 'atuwa tai 'ebweuna ma ina bagula. Tai nina gonamapumapuya 'itoolo ga 'itauya 'asaya ga 'aina toguinuwao 'ibwauyedima sabi paisewa 'ina bagulaya.

Madiu 22:2

“Yaubada 'ina loina 'atuwa kini 'ebweuna 'emasula 'iguinuwena natuna me'olotona 'ina ai manuna.

Madiu 23:13

“'Omi loina 'ana toe'itao be Palisiyao nuwa'ole'olemi sa'i, manuna 'imi kaboega tomota wa'etobodedi be 'enega Yaubada 'ina 'ebeloina 'ena geya'abo silugulugu. 'Omi geya'abo walugulugu, ta tomota wate yaisigedi nuwanuwadi be silulugu waegagaledi.

Madiu 25:1

Ta Yesu 'ieonedi wate, 'igwae, “Yaubada 'ina loina gete nadigega: Gomagweine site sanau 'idi mayale si'ewedi ga sitauya toai me'olotona sabi aesotena 'ina ai sagalina 'ina mai 'ena manuna.

Madiu 25:14

“Yaubada 'ina loina wate nadigega 'eguma 'ebweu 'inapwana 'iabe 'itatauya mali esenaya, ta 'ina toguinuwao 'ibwauyedima ta 'iloinedi be 'aene 'ina 'ebeloina sida 'ita'i'isi.

Madiu 4:17

Tuta gote 'enega Yesu 'ina guguya 'ie'ale ga 'igwae, “'Imi guinuwa to'umalidi 'ediyega wada nuwa'ebuni, manuna 'iabe be Yaubada 'ietoloina 'edaya.”

Madiu 4:23

Yesu Galili maibo'ana 'iasakowasiyena, ta 'idi anuwa tapwalolo 'ediya 'iloguguya, ta tetela bobo'ana Yaubada 'ina loina manuna 'isimasimane, ta wate tomota 'adi le'oasao 'ediyega 'igiebobo'anedi maibo'adi.

Madiu 5:10

'Eguma 'omi 'imi guinuwa bobo'ana manudi tomota sietalauwalemi, wada gwausowala manuna Yaubada nimanaya wamiyami.

Madiu 5:3

'Omi ma imi nuwamwa'uta wagwausowala, manuna Yaubada nimanaya wamiyami.

Madiu 6:10

be 'enega 'imu nuwena 'ada guinuwe nadigega taudi me galewa siguiguinuwa'esa.

Madiu 6:33

'Enega 'ilobwenemi be nugana Yaubada 'ina loina ta 'ina 'eda palupaluna wada 'ebese be wada muliye, be 'enega 'ami masula ta 'ami 'oama wate 'i'ebwa'emi.

Maki 1:15

'igwae, “Tuta ni'atu 'iapwesama be Yaubada 'ida etoloina 'edaya. 'Enega 'imi guinuwa to'umalidi 'ediyega wada nuwa'ebuni be Tetela bobo'ana wada emise.”

Maki 1:4

'Enega Yoni togiebapitaiso nina 'iapwesa sena mitawa daitaya ga 'iguguya tomota 'ediya, 'igwae, “'Imi bubuna to'umalidi 'ediyega wada nuwa'ebuni be 'enega yada giebapitaisoemi ta Yaubada 'imi bubuna nidi 'ida nuwataudi.”

Maki 6:12

'Enega 'ina tononoyao nidi sisakowasi 'asa yaudi 'ediya, ga siguguya be 'aene tomota 'idi bubuna to'umalidi sida guitoyasedi be sida nuwa'ebuni,

Luke 1:16

Be 'enega tauna me Isileli yaudi 'ida 'au'ewa limedima 'idi 'Inapwana Yaubada 'enaya.

Luke 11:20

Ta 'abo'agu esi Yaubada 'ina waiwaiyega yaluyaluwa bi'i yaula apwesedi, 'enega wada mwalatoni 'aene Yaubada 'ina loina ni'atu 'iapwesama 'emiya.

Luke 13:3

“Ta 'omi wate ma'etamo wamwamwawasa 'atuwa taudi nadigega, 'abo 'imi bubuna to'umalina 'ediyega nigeya wanuwanuwa 'ebuni.

Luke 13:5

Nigeya sa'i! Ta esi 'omi 'abo nigeya 'imi bubunao 'ediyega wanuwanuwa 'ebuni, ma'etamo wamwamwawasa site eitini nidi nadigega.”

Luke 15:10

Nadigega wate 'abo 'ebweu toto'umalina 'inuwa'ebuni, 'iabe Yaubada 'ina aniloseyao manuna sigwausowala sinabwana.”

Luke 15:7

'Enega nadigega wate 'abo 'ebweu toto'umalina 'inuwa'ebuni, me galewa manuna sida gwausowala sinabwana, ta esi tobobo'adi site nainiti naini nidi manudi 'idi gwausowala tupwana namo.

Luke 16:30

Ta esi toesaesa nina 'iona, ‘Tamagu, natei nigeya sawesawenaya. Ta 'abo yaita mwawasega 'itoolo limana be 'itatauya 'ediya, be tauna si'itai, 'enega sida nuwa'ebuni 'ai'aila.’

Luke 21:31

Nadigega wate 'abo we'iwe'iyaya nidi wa'italobadi wada mwalatoni 'aene ni'atu be Yaubada 'ina loina 'iapwesama.

Luke 24:47

be 'enega 'ana esanega tetela bobo'ana, nuwa'ebuni be to'umalina 'ana nuwatau manudi sida guguyae. 'Idi guguya nina sida e'ale Yelusalema 'enega be 'ida sakowasi bale'u maibo'ana 'enaya.

Luke 6:20

'Enega Yesu 'ina tononoyao nidi 'iduneyedi ga 'ieonedi, 'igwae, “'Abo 'omi gomagomabesomi, wada gwausowala manuna Yaubada nimanaya wamiyami.

Luke 9:2

'Enega 'ietunedi be 'aene Yaubada 'ina etoloina tomotai 'ediya sida loguguyae, ta wate le'oasao sida giebobo'anedi.

Guinuwa 11:18

Pita 'ina ona gete sinononaya, ta nigeya 'idi 'ebe onamo, ga Yaubada situpuna, sigwae, “Ona'ai'aila, Yaubada ni'atu 'itagwatagwala taudi nigeya me Yudia 'ediya, be 'idi nuwa'ebuniyega yawasi ataya sida loba.”

Guinuwa 17:30

“Tuta nidi lowa tomota Yaubada siemwagemwageyena, 'enega nigeya 'ida gamwasowaledi, ta esi gete tuga sena maibo'adi tomotenidiyao 'iloineda be 'ida loegesi 'ediyega tada nuwa'ebuni,

Guinuwa 2:38

'Enega Pita 'igwae, “'Imi guinuwa to'umalina 'ediyega wada nuwa'ebuni, be maibo'ami To'etoseyana Yesu 'ana esanega 'ada giebapitaisoemi, be 'imi to'umalinao 'ida nuwataudi, be wate Yaluyaluwa Tabuna 'ida 'ebwa'emi.

Guinuwa 20:21

ta 'igu e'ita 'emiya leleleya tuga, 'omi me Yudia, be 'omi mali sena tomoteninao, maibo'ami yaloguguya 'emiya be 'aene 'imi bubuna to'umalidi 'ediyega wada sanaila Yaubada 'ena, be 'Inapwana Yesu wada emise.

Guinuwa 26:20

ta esiya Damasiko 'enaya yagimi simanena, ga muliyega Yelusalema wate 'ena, ta Yudia senanao maibo'adi 'ediya, ta taudi nigeya me Yudia wate 'ediya yasimana, be 'aene 'idi bubuna to'umalina 'ediyega sida sanaila Yaubada 'enaya, be 'idi bubuna bobo'ana 'ediyega 'idi nuwa'ebuni sida e'itae.

Guinuwa 3:19

'Enega 'ilobwenemi be wanuwa'ebuni be 'imi loegesiyao 'ida 'ewayauledi, be 'ami lotoona bobo'ana wada loba 'Inapwana tauna 'enega,

2 Kolinita 7:10

Ona'ai'aila, nuwamwau Yaubada 'enega yage bobo'ana, ta 'igienuwa 'ebunida, be 'enega 'etoseyana taloba. 'Enega geya'abo nuwamwau nina taguiguitoyasei. Ta esi mali nuwamwau bale'u 'enega ma'etamo 'iloemwawasida.

Kolose 1:13

Ona'ai'aila, sena guguyoi 'enega 'i'etoseyeda, ga 'isa'u gelaseda Natuna bobo'ana 'ina 'ebeloina 'enaya,

2 Timoti 2:25

Ta wate 'ada talauwalao 'ediya 'ida bubuna ma'anuwaena 'enega tagiepaludi, be 'enega Yaubada, 'abo kapekapeyana, 'ilemedi be sinuwa'ebuni, be e'ita 'ai'aila simuliyedi,

Ibeliu 6:1

Gimi e'ita Keliso manuna ni'atu wanonodi ga wamwalatonidi, 'enega nuwanuwagu mwalatoi auwaudi Keliso manuna yae'itami be 'imi nuwanuwa 'ediya waetai. E'ita nidi ni'atu tanonodi ta tamwalatonidiya geya'abo talolimalimadi. Yage nidi getedi: 'ida bubuna lowa to'umalidi 'adi guitoyasa, 'ida emisa Yaubada 'ena,

2 Pita 3:9

'Aina tomota 'idi nuwanuwa 'aene Yaubada geya'abo 'iguiguinuwedi yage nidi lowa 'iona upaupaediya. Ta 'omi geya'abo Yaubada 'ina guinuwa so'iso'i manudi wanuwanuwa, ta sa'i ma ina e'alama'i'ita 'iyamwayamwami be maibo'ami wada nuwa'ebuni, ta geya nuwana be 'ebweu yaita 'iloseye.

E'ita'ita 2:21

Ta ni'atu waine nina 'ina tuta ya'ebwa'ena be 'aene 'ina to'umalina nidi 'ediyega 'ida nuwa'ebuni, ta sa'i geya nuwana be 'ina loyawe nina 'ida guitoyase.

E'ita'ita 2:5

Lowa bobo'ami, ta wada nuwa'i'isi mane 'enega wabe'u, 'enega wada nuwa'ebuni limana be wada guinuwa bobo'ana, nadigega lowa. Ta 'abo sa'i geya'abo wanuwanuwa'ebuni, 'emiya yawawai be 'imi mayale 'emiyega ya'ewayaule.