Madiu 26:63 - Loina Tabu Auwauna NT

⁶³ Ta Yesu tuga 'i'alaenono. 'Enega totaliya sinabwana Yesu 'ieonena, “'Uona 'ai'aila Yaubada matanaya, mwa'adega 'oyo To'etoseyana niyo, ta Yaubada natuna, nai nigeya?”

Madiu 26:63 Σταυροειδείς Αναφορές

Madiu 16:16

'Enega Saimoni Pita 'ilolagata ga 'igwae, “'Oyo To'etoseyana Yaubada mayawasina natuna.”

Madiu 26:62

'Enega totaliyao 'idi 'inapwana sinabwana 'itoolo, ga 'igwae, “Nigeya 'imu e'isamo, aga? Tomota gotedi 'idi e'ewa 'emuya ni'atu 'unononaya?”

Madiu 27:12

'Enega totaliyao sinabwadi be 'inapwanao Yesu sie'ewena Pailato matanaya, ta Yesu nigeya 'ebweu to'ase 'ie'ie'isa.

Madiu 27:14

Ta Yesu nigeya wate 'ie'ie'isa, ta tuga 'i'ala enonomo. 'Enega Pailato nina nuwana 'iowana sinabwana.

Madiu 27:40

sigwae, “Nuwa'ole'oleyo! 'Uona 'aene sawesawemuya Anuwa Tabu 'uligei be 'asiyata 'etoi soladiya 'u'abilima. Baga 'uda 'etoseyeyo tauyo be keloseyega 'uebusima, 'eguma 'oyo Yaubada natuna.”

Madiu 27:43

Tauna 'aene Yaubada 'ana toemisa, ta 'igwae, ‘'Abo'agu Yaubada natuna.’ 'Enega 'eguma Yaubada nuwanuwana tauna 'ida 'etoseye, aga?”

Madiu 27:54

Ta tolosaiyao nidi ma idi toanugana ma'etamo Yesu si'ita'ita'i'isi, ga mwani'ini'i be yage maibo'ana siapwesaya si'itedi, ga simatauta sinabwana, ta sigwae, “Ona'ai'aila, tai gete Yaubada natuna.”

Madiu 4:3

Ta totoona nina 'iapwesama ga 'igwae, “'Eguma 'oyo Yaubada natuna, gulewa getedi 'uloinedi be sida emasula.”

Maki 14:61

Ta Yesu tuga 'i'alaenono, ga nigeya 'ionaona. Ta 'enega totaliya sinabwana Yesu 'ena 'ienaida limana, 'igwae, “Mwa'adega 'oyo Yaubada natuna To'etoseyana niyo, nai nigeya?”

Yoni 1:34

Ta Yoni wate 'ieonedi, “'Abo'agu tai nina mata 'ai'ailiguyega ya'itena, 'enega gete yasimasimana apwesa 'aene tauna Yaubada natu'ai'ailina.”

Yoni 1:49

Gote 'ena Nataniela nuwana 'iowana ga Yesu 'ieonena, 'igwae, “'Inapwana, 'oyo ona'ai'aila Yaubada Natuna, ta 'oyo wate me Isileli 'ima kini.”

Yoni 10:24

Ga gote 'ena me Yudia nidi Yesu siasakowasiyena ga sieonena, sigwae, “'Oyo tuta yauna 'ugiegie nuwanaluwema, ta to tuta 'ena be 'enega 'emaya 'uda simana 'ai'aila 'aene 'oyo To'etoseyana nina?”

Yoni 10:30

'Abo'agu be Tamagu 'ebweuna tuga.”

Yoni 10:36

'Enega to'ase 'alena tuta nina yagwae, 'aene 'abo'agu Yaubada natuna, ga 'igu ona nina manuna wanuwena 'aene ona oopa'ala? Ta 'abo'agu 'iesinuwegu ta 'ietuneguma ga bale'uya yamai be 'ina guinuwa yada guinuwei.

Yoni 18:37

'Enega Pailato 'ienaidena, 'igwae, “'Aene 'oyo 'ebweu kini, aga?” Ta Yesu 'igwae, “'Oyo 'uona 'aene 'abo'agu 'ebweu kini, aga? Ta 'abo'agu tuga yatubuwa ga yamai bale'uya be 'aene yada etosimana ona palupaluna manuna, ta 'abo yaisigedi taudi ona palupaluna 'ina sena 'ena simiyami, taudi nate 'enagu 'ana tononoyao.”

Yoni 19:7

Ta me Yudia nidi siona limana, sigwae, “'Ima loina nadigega be 'ida mwawasa, manuna 'ikabo 'aene tauna Yaubada natuna.”

Yoni 19:9

'Enega Yesu 'i'au'ewa limena 'ina anuwaya ga 'ienaidena, 'igwae, “'Oyo mane 'enega 'umai?” Ta Yesu nigeya 'ie'ie'isa.

Yoni 20:31

ta tuwa tuga pu'epu'edimo ya'etoladidi be wada sawadi be wada mwalatoni be wate Yesu wada emise 'aene tauna To'etoseyana nina, Yaubada natuna, be 'enega Yesu 'ana esanega yawasimi ataya wada 'ewa.

Yoni 6:69

Ta 'abo'ama ni'atu 'aemisemu, ga 'amwalatonimu 'aene 'oyo tuga To'etoseyana niyo Yaubada 'enega.”

Yoni 8:25

'Enega sienaidena, “Ta yaita 'oyo?” Ta wate 'ieonedi, 'igwae, “Nadigega tuga lowa yasimanena 'emiya.”

2 Kolinita 1:19

Nadigega Yaubada Natuna Yesu Keliso, tauna manuna Silibenosi ta Timoti ma'egwao 'aloguguya 'emiya, Yesu nina nigeya 'ida tagwala kabokabo, ta esi tuta maibo'ana 'itagwala 'ai'ailena.

1 Pita 2:23

Ta tuta nina si'awa to'umaliyena nigeya wate 'ediya 'ie'ie'isa, ta wate sigie'elouyaena ta nigeya 'igamwagamwasowaledi, ta esi Yaubada 'iemisa 'ai'ailena, manuna tauna Toloina palupaluna.