Madiu 26:40 - Loina Tabu Auwauna NT

⁴⁰ 'Enega 'iila ga 'ina tononoyao site toi nidi 'ilobedi ni'atu si'eno mwataya, ga Pita 'ilowanowanona ga 'igwae, “Pita, nigeya sawesawemuya be 'umatapa'ala be 'ulemegu tuta gidalina namo manuna, aga?”

Madiu 26:40 Σταυροειδείς Αναφορές

Madiu 25:5

“Ta toai me'olotona 'iso'iso'i, 'enega maibo'adi siyamwayamwana ga si'eno mwataya.

Madiu 26:35

Ta Pita 'igwae, “'Inapwana, geya'abo sa'i yaeyaseyaseyeyo! 'Eguma siloemwawasiyo 'abo'agu wate ma'iyayo siloemwawasida.” Tomuliyao maibo'adi wate nadigega sionaona.

Madiu 26:38

'igwae, “'Ategu 'iuyauya sinabwana, nai 'iabe yamwamwawasa, 'enega bada wamiyami ta walomata'i'ita, be 'enega walemegu.”

Madiu 26:41

Ga wate 'ieonedi maibo'adi, 'igwae, “'Ilobwenemi be wamatapa'ala be wasidasida, be 'enega geya'abo Seitani 'itootoomi. Ona'ai'aila yaluyaluwami nuwanuwana, ta tuga manuna oomi sitaba.”

Madiu 26:43

Ta Yesu wate 'iila 'ina tononoyao 'ediya ga 'ilobedi wate si'eno mwataya, manuna matadi ni'atu si'eno'eno.

Maki 14:37

'Enega 'iila ga site toi nidi 'ilobedi ni'atu si'eno mwataya, ga Pita 'iloanoanona, 'igwae, “Saimoni, mwa'adega 'u'eno'eno. Nigeya sawesawemuya be tuta gidalina namo manuna 'umata pa'ala, aga?”

Luke 22:45

Yesu 'ina sidasida 'ilosalonina 'enega 'itoolo ga 'iila limana 'ina tononoyao 'ediya, ta nuwamwau 'enega ni'atu si'eno mwataya,

Luke 9:32

Ta Pita magosenao ni'atu si'eno mwataya, ta muliyega si'enotoolo, ga maedana sinabwana si'itena 'isae Yesu magosenao 'ediya.