Madiu 25:46 - Loina Tabu Auwauna NT

⁴⁶ 'Enega taudi sida tauya 'elouya ataya 'enaya, ta topalupaludi esi yawasi ataya sida loba.”

Madiu 25:46 Σταυροειδείς Αναφορές

Madiu 13:43

“Be muliyega topalupaluyao Tamadi 'ina 'ebeloina solanaya sida tuyayala, sinala nadigega. “'Eguma yaita matenana 'ida nono.

Madiu 19:16

Muliyega 'ebweu tai Yesu 'ena 'imai ga 'igwae, “Toe'ita, to guinuwa bobo'ana yada guinuwe be 'enega yawasigu ataya yada loba?”

Madiu 19:29

Be 'eguma yaisigedi 'omi 'imi anuwao nai tasimiyao nai nuumiyao nai tamamiyao be sinamiyao nai natumiyao nai 'imi tanowayao wapilisinedi, ma'etamo yage nidi wapilisinediya 'adi lopa'elu ma 'adi loeposeyana analedi wada lobadi, yawasimi ataya ma'iyana.

Madiu 25:41

“Ta taudi gegeumiguya simiyami yaeonadi, ‘'Omi toto'umalimi wapilisinegu be watatauya kaiwe sabesabelulu atayana 'enaya, tauna Yaubada 'igibubuna Seitani ma ina bodao manudi,

Madiu 25:45

“Be yada eonadi, ‘Ona'ai'aila, tuta nidi 'ediya 'abo tomota gidalidi getedi 'ebweuna nigeya walemelemei, nate 'ena nigeya walemelemegu.’

Luke 16:26

Ta wate 'uda mwalatoni 'aene gamwagamwanidaya sa'ala sinabwana 'imiyami ga 'enega 'iweyalida, 'enega nigeya sawesawemaya be gete 'enega 'aabalawa 'emiya. 'Omi wate, nigeya sawesawemiya be waabalama 'emaya.’

Yoni 17:2

Manuna 'oyo loina 'u'ebwa'egu tomota maibo'adi manudi, be 'enega 'abo'agu yawasi ataya yada 'ebwaya taudi maibo'adi 'u'ebwa'eguya 'ediya.

Yoni 3:36

be 'enega 'abo yaita tauna 'iemisena yawasina ataya 'ida loba, ta 'abo yaita tauna 'iguitoyasena geya'abo wate yawasina ataya 'ilobaloba, ta esi Yaubada 'ina gamwasowala 'enaya geya'abo 'isawasawala.”

Yoni 4:14

ta 'eguma 'ebweu yaita bwasi nina 'eguyega 'inumai, geya'abo wate tona'ana 'iyapayapasa limana. Manuna bwasi nina tauna yada 'ebwa'e 'atenaya be 'ida ewewelupwa ta yawasina ataya 'enega 'ida loba.”

Yoni 5:24

“'Enega yasimana 'ai'aila 'emiya 'abo yaisigedi 'igu ona sinonodi be tauna 'ietuneguma siemisei yawasidi ataya sida loba, be geya'abo 'asiyata bwa'omatana 'ena silugulugu, manuna ni'atu mwawasa 'ina sena sipilisinena ga siabala yawasi auwauna 'enaya.

Yoni 5:29

be 'ali'aliyega sida apwesama, be taudi 'idi bubuna bobo'ana yawasidi sida loba, ta taudi 'idi bubuna to'umalina bwa'omatana sida loba.

Yoni 6:27

'Omi geya'abo masula gumwagumwalina manuna waguiguinuwa ta esi masula tauna yawasimi ataya manuna. 'Abo'agu Tomota Natuna be masula gete yada 'ebwa'emi, manuna Yaubada Tamagu tauna 'iesinuweguya 'ina guinuwa gete manuna.”

Yoni 6:40

Ta gete Tamagu 'ina nuwena nadigega 'aene 'eguma yaisigedi taudi 'abo'agu natunana si'itagu, be wate siemisegu, yawasidi ataya siloba, ta tuta 'ana 'ebe losalowa 'enaya 'abo'agu mwawasega yada gietoolodi.”

Guinuwa 13:46

'Enega Paulo be Banaba ma idi 'atepatu siona apwesa me Yudia nidi 'ediya, sigwae, “'Ilobwenena be Yaubada 'ina ona 'agimisimana 'emiya, ta gete tuga waguitoyasena, nai 'omi taumi waloinemi 'aene nigeya sawesawemiya be yawasimi ataya wada loba, 'enega 'aguitoyasemi, be mali bodao 'ediya 'ada loguguya, taudi nigeya me Yudia 'ediya.

Guinuwa 13:48

'Enega taudi nigeya me Yudia Paulo be Banaba 'idi ona gete sinonona, ga sigwausowala sinabwana, ga Yaubada tetelina si'awa bobo'anena, ga taudi yaisigedi Yaubada 'iesinuwedi be yawasi miyamiya atayana sida loba, taudi ona nina siemisena.

Guinuwa 24:15

ta wate yaemisa 'aene Yaubada tokwaiyao 'igietoolo limedi, tobobo'adi be toto'umalidi, nadigega taudi wate 'idi emisa.

Loma 5:21

'Enega tamwalatonina 'aene to'umalina uwana nate mwawasa 'iewaiwai tomota 'ediya, ta Yaubada 'ina 'ebwayadaita uwana 'iewaiwai wawasae, nate miya bobo'ana be yawasi ataya, 'ida 'Inapwana Yesu Keliso 'enega.

Loma 6:23

Manuna to'umalina 'ana e'isa mwawasa, ta esi Yaubada 'ina oboboma 'ida 'Inapwana Yesu Keliso 'enega, nate yawasida ataya.

Galetia 6:8

'Eguma bubuna bwala 'enega 'iasowa, ma'etamo sesoi to'umalina 'iloba, ta 'eguma Yaluyaluwa Tabuna 'enega 'iasowa, ma'etamo yawasi ataya 'ida sesoni.

2 Tesalonaika 1:9

'Enega sida miya dumaduma, ta sida esilae ataya 'asa gabugabu 'enaya, be 'Inapwana maninina be 'ina waiwai ta 'ana tupu geya'abo si'ita'ita.

1 Yoni 2:25

be yawasida nina 'iona upaupaenaya 'ida 'ebwa'emi, nate yawasi ataya.

Yude 1:21

ta wate oboboma Yaubada 'enega wagiyai'i'isi, be wayamwayamwa be to tuta 'ena 'ida 'Inapwana Yesu Keliso 'ina 'atenuwa 'ole'oleyega yawasimi ataya 'ida 'ebwa'emi.

E'ita'ita 20:10

'Enega 'adi tokabo Seitani nina, si'ewena ga siulena yaiyai sinabwana solanaya, lowa 'ena yobai nina be palopita kabokabo nina siuledi, be sena nina 'ena si'elo'elouya 'asiyata be boiboi 'ediya, ta geya'abo 'igumwagumwala.

E'ita'ita 20:15

Ta 'abo yaisigedi nigeya 'adi esanao 'ilobaloba yawasida bukina 'enaya 'iuledi yaiyai nina sinabwana 'enaya.

E'ita'ita 21:8

Ta esi taudi 'ate nenetadi be taudi nigeya siemiemisa be tosogalao be toloemwawasao be toloyaweyao be Taumudumudulele magosenao be gulewa 'adi toemisao, be toekabokaboyao, taudi getedi 'idi sena yaiyai sinabwana, nate mwawasa 'eluwena.”