Madiu 25:42 - Loina Tabu Auwauna NT

⁴² manuna lowa ma 'agu botana ta nigeya wada e'enigu, wate tona'agu 'iyapasaya ta nigeya 'ebweu wate bwasi wada 'ebwa'egu,

Madiu 25:42 Σταυροειδείς Αναφορές

Madiu 12:30

“'Eguma yaisigedi taudi nigeya 'agu tolemao, taudi 'agu talauwalao. Ta wate yaisigedi taudi nigeya ma'egwao 'ada paisewa egogonaya, taudi 'igu paisewa sigiegie to'umaliye.

Madiu 25:35

Manuna 'omi lowa yabotanaya ta wae'enigu, ta wate tona'agu 'iyapasaya ta bwasi wa'ebwa'egu, wate yaeto'u'umala 'imi 'asaya ta wabwauyeguya 'imi anuwaya,

Madiu 25:41

“Ta taudi gegeumiguya simiyami yaeonadi, ‘'Omi toto'umalimi wapilisinegu be watatauya kaiwe sabesabelulu atayana 'enaya, tauna Yaubada 'igibubuna Seitani ma ina bodao manudi,

Madiu 25:43

ta yamiya to'u'umala 'imi 'asaya ta nigeya wada bwauyegu 'imi anuwaya, be nigeya 'agu 'oamamo ta nigeya wada e'oamegu, wate yale'oasaya ta wate deliya yamiyami ta nigeya wada ayausigu.’

Madiu 4:2

Ga 'asiyata poti solanaya nigeya 'i'e'ai, ga 'enega 'ibotana sinabwana.

Yoni 14:21

'Eguma yaita 'oyo 'igu loina 'usinapudi be 'uematamatanedi, 'oyo ni'atu 'uobobomegu. 'Enega Tamagu wate 'ida obobomeyo, ta 'abo'agu wate yada obobomeyo, ta yada e'itaegu taugu 'emuya.”

Yoni 5:23

'Enega maibo'ami wada 'amayabegu tuga nadigega 'imi 'amayaba Tamagu 'ena. Ta 'eguma yaisigedi taudi nigeya si'ama'amayabegu, taudi wate Tamagu tauna 'ietuneguma, nigeya si'ama'amayabe.

1 Kolinita 16:22

'Abo yaita nigeya 'Inapwana 'ioboobobomei 'ida miya mwau. 'Inapwana ye, nuwanuwagu be 'uda mai.

2 Tesalonaika 1:8

ta taudi 'ida 'Inapwana Yesu Keliso tetelina siguitoyasena, ga Yaubada siemwagemwageyena, 'adi e'isa mwauna 'ida 'ebwa'edi.

1 Yoni 4:20

'Eguma yaita 'igwae, “Yaubada yaobobomena,” ta 'abo tai nina tasina 'ietalauwale, tauna tokabo, manuna tasidai ta'ita'ita, 'enega 'abo tasidai nigeya taoboobobome, nigeya sawesawedaya be Yaubada taobobome, tauna nigeya tada 'itena.