Madiu 25:41 - Loina Tabu Auwauna NT

⁴¹ “Ta taudi gegeumiguya simiyami yaeonadi, ‘'Omi toto'umalimi wapilisinegu be watatauya kaiwe sabesabelulu atayana 'enaya, tauna Yaubada 'igibubuna Seitani ma ina bodao manudi,

Madiu 25:41 Σταυροειδείς Αναφορές

Madiu 13:40

be tuta 'ana 'ebe losalowa 'enaya toto'umalidi taudi 'atuwa pwatula sida egogonedi be sida gabu yauledi.

Madiu 13:42

sida ula apwesedi kaiwe 'ala'alasina solanaya, nate sena nina 'enaya tomota sida dedoi be sida esala'i'ita 'elouya 'enega.

Madiu 13:50

be sida ula apwesedi kaiwe 'ala'alasina solanaya, be 'ena sida dedoi ta siesala'i'ita 'elouya 'enega.”

Madiu 18:8

“Ta 'eguma nimayo nai 'aeyo 'igie be'uyeyo 'ilobwenena be 'u'upwa yauledi. Nigeya 'ana to'umalinamo 'eguma manima 'upwa'upwayo nai ma imu lopegoi ta yawasiyo bobo'ana 'uloba. Ta esi to'umali wawasae 'emuya 'eguma manima luwaluwayo be ma'ae luwaluwayo siula mwa'uteyo kaiwe 'ala'alata atayana 'enaya.

Madiu 25:42

manuna lowa ma 'agu botana ta nigeya wada e'enigu, wate tona'agu 'iyapasaya ta nigeya 'ebweu wate bwasi wada 'ebwa'egu,

Madiu 25:46

'Enega taudi sida tauya 'elouya ataya 'enaya, ta topalupaludi esi yawasi ataya sida loba.”

Madiu 3:12

Ta tai gete 'ina inawega 'iabe witi 'ida sabutudi be uwana sisasagu be muliyega uwana bobo'adi 'iedodo 'ina anuwa masulaya, ta sumwasumwa nidi 'awesabelulu ataya 'ena 'igabudi.”

Madiu 4:10

'Enega Yesu 'i'enapa'alina, 'igwae, “Seitani, 'upilisinegu! Buki Tabu solanaya loina 'imiyami 'aene, ‘'Imu 'Inapwana Yaubada namo 'ena 'uda bwagobwago be taunamo 'ina ona 'uda ematamatanedi.’”

Madiu 5:22

Ta 'abo'agu yaloinemi 'abo yaita tasina 'igamwasowale, loina 'ida loba. Ta 'eguma 'i'awa to'umaliye, loina 'ida loba toloinao 'ediyega. Ta wate 'eguma 'i'awa uwauwae, ma'etamo 'ilulugu 'asagabugabu 'enaya.

Madiu 7:23

'Enega 'ediya yada ona, “Nigeya yamwalamwalatonimi yaisigedi 'omi. Waila ta geya'abo waluguluguma, manuna 'omi toto'umalimi.”

Luke 13:27

Ta 'enega 'iabe 'Inapwana nina 'ieonami be 'ida gwae, ‘Ona'ai'aila, nigeya yamwalamwalatonimi. Mane 'enega wamai? Waila ta geya'abo waluguluguma, manuna 'omi toto'umalimi.’

Luke 16:24

'Enega 'ibwautoila ga 'igwae, ‘Tamagu ye! 'Uda 'atenuwa 'ole'oleyegu be Lasalo 'uda etunenama be bwasi gonitu nimanega meyagu 'ida giegonitu, manuna gete tuga ya'elo'elouya sinabwana kaiwe sabelulu 'enaya.’

Yoni 8:44

Yamwalatonimi 'omi Seitani natunao, 'enega nuwanuwami be tamamiya 'ina nuwanuwa wada guinuwe. Tuta 'ana 'ebe e'ale 'enega ga batuwa, tauna toloemwawasa, ta nigeya 'ebweu wate 'eda palupaluna 'enega 'ida tauya, manuna tauna nigeya 'ebweu 'eda palupaluna 'ena 'imiyami. Tuta yauna kaboega 'ionaona, manuna tauna tuga adelina nadigega, ta wate tokaboyao maibo'adi tamadiya.

2 Tesalonaika 1:7

'Omi tomiyamwau yaeonami 'aene ma'etamo 'ida 'Inapwana Yesu galewega 'ida mwa'uta maninima, ma ina aniloseyao ta 'awe sabelulu wate 'ida me'e, be 'omi ta 'abo'ama 'ida 'ebe eyawai'ata 'ida 'ebwa'eda,

2 Tesalonaika 1:9

'Enega sida miya dumaduma, ta sida esilae ataya 'asa gabugabu 'enaya, be 'Inapwana maninina be 'ina waiwai ta 'ana tupu geya'abo si'ita'ita.

Ibeliu 6:8

Ta esi 'eguma bwa'a nina 'ena pwatula be kwakwakwala sitatabwa, bwa'a nina ma 'ana ba'e Yaubada 'enega, ta tuina namo 'ilobwenena.

2 Pita 2:4

Manuna Yaubada aniloseyao to'umalidi nigeya 'i'ate'atenuwa 'ole'oleyedi, ta esi gaula guguyoi 'ena 'iula mwa'utedi, ga simiyami be 'ana laba bwa'omatana 'ana tuta.

1 Yoni 3:10

'Enega taudi ta'inanedi 'aene yaisigedi Yaubada natunao, ta yaisigedi Seitani 'ina bodao, manuna taudi Seitani 'ina boda geya'abo sa'i siguiguinuwa palupalu, manuna nigeya situbutubuwama Yaubada 'enega, ta wate geya'abo sieobooboboma matasidiyao.