Madiu 24:21 - Loina Tabu Auwauna NT

²¹ “Ona'ai'aila tuta gote mwau wawasae, manuna bale'u 'ana mweluluwa'unu 'enega ga batuwa nigeya 'ebweu wate mwau gete nadigega, ta muliyega mwau gete geya'abo wate 'iapweapwesa limana.

Madiu 24:21 Σταυροειδείς Αναφορές

Madiu 24:20

'Enega wada sidasida be tuta bobo'ana Yaubada 'ida 'ebwa'emi 'imi tuta dena 'enaya, ta geya'abo gogai 'ana tutaya, nai Sabate 'ena.

Madiu 24:29

“Ta tuta mwau nina 'igugumwala be muliyega sinala 'iguguyoi, be wate nawalae 'ina maedana 'ikwekweu, be kwadimao galewega sibebe'u, be yage yauyaudi galewaya simiyami 'idi waiwai sida neneta.

Maki 13:9

“Ta 'omi esi wa'ita'i'isimi, manuna tomota sida giyaimi be sitauyemi etala manuna, be Anuwa Tapwalolo 'ediya 'etamo sisapisapimi, ta wate 'iabe toloinao be kiniyao matadiya si'au'ewami be watoolo ta sietalaemi, manuna 'omi 'aene 'igu bodao, be teteligu 'ediya wada simane.

Luke 21:24

Gote 'ena tolosaiyao 'aina tomota siloemwawasidi, ta 'aidi sigiyaidi be mali sena be mali sena 'ediya sitauyedi, ta tolosaiyao nidi taudi nigeya me Yudia ma'etamo siewaiwai be Yelusalema maibo'ana siloine, be 'ena sida sakosakowasi 'ana laba tolosaiyao nidi 'idi loina 'ilosa'u.

1 Tesalonaika 2:16

ta 'ima simana 'omi sena yauyauna tomoteninao 'emiya sitootoo be sida 'etobode, manuna geya nuwadi be Yaubada 'i'etoseyemi. 'Enega 'idi to'umalinao sisinabwa 'ai'aila, ta 'ana e'isa nate 'elouya sinabwana Yaubada 'i'ebwa'edi.

E'ita'ita 16:18

Ga gote 'ena namala be dudu be wepalala be wate mwani'ini'i sinabwadi siapwesa. Lowaenei ga batuwa tomota 'idi tuta 'ena, nigeya 'ebweu mwani'ini'i 'ana sinabwa gote nadigega 'iapweapwesa'esa. Ta gete ona'ai'aila to'umali wawasae.

E'ita'ita 7:14

Ga 'ena yagwae, “'Inapwana 'oyo 'umwalamwalatonidi, 'abo'agu nigeya.” 'Enega 'ieonegu, 'igwae, “Gete tomota nidi bale'u 'elouyanao 'ediyega situpwa, ta 'adi 'oamao nidi Lami nina lalanega si'utudi ga siwakekedi.