Madiu 24:14 - Loina Tabu Auwauna NT

¹⁴ “Ta Yaubada 'ina loina tetelina 'ida 'elelewana nugana sena maibo'ana 'ediya, be muliyega tuta 'ana 'ebe losalowa 'ida apwesa.

Madiu 24:14 Σταυροειδείς Αναφορές

Madiu 10:7

be 'ediya wasimana apwesa 'aene Yaubada 'ina loina ni'atu 'imai saba.

Madiu 18:19

“Gete tuga yaeonami 'aene 'eguma yaisigedi siteluwa 'emiyega bale'uya sitatagwala 'ebweu yage manuna be manuna sisidasida Tamagu galewaya 'enaya, 'ida guinuwa tuga.

Madiu 24:3

Muliyega 'itauya Olibe 'oyana 'ena ga 'imiyatowaya, ta 'ina tononoyao 'ena simai ga taudimo simiyamiya ta 'enega sienaidena, sigwae, “'Inapwana, 'ueonama to tuta 'ena Anuwa Tabu nidi siligeidi, be 'imu tuta ilama, be tuta 'ana 'ebe losalowa manuna 'adi we'iwe'iyaya 'ue'itama be 'ada mwalatoni.”

Madiu 24:6

Wate ale 'etamo wanonodi saiyao selabemiya ta 'edasolaya manudi, ta geya'abo wa'ate'ate sa'ala, manuna yage getedi sida apwesa nugana ta esi bale'u 'ana 'ebe losalowa 'ana tuta ma'etamo.

Madiu 4:23

Yesu Galili maibo'ana 'iasakowasiyena, ta 'idi anuwa tapwalolo 'ediya 'iloguguya, ta tetela bobo'ana Yaubada 'ina loina manuna 'isimasimane, ta wate tomota 'adi le'oasao 'ediyega 'igiebobo'anedi maibo'adi.

Madiu 9:35

'Enega Yesu 'asa sinabwadi be gidalidi 'ediya 'isakowasi, ta 'idi anuwa tapwaloloyao 'ediya 'ie'ita ta 'iloguguya Yaubada 'ina loina tetelina manuna, ta wate le'oasa yaudi 'ediyega tomota 'igiebobo'anedi.

Maki 13:10

Ta tetela bobo'ana 'ida 'elelewana nugana sena maibo'ana 'ediya be muliyega tuta 'ana 'ebe losalowa 'ida apwesa.

Luke 2:1

Ta Yoni 'ina tuta gwama 'enaya 'ebweu toloina sinabwana 'ana esana Sisa Ogusito 'imiyami, ta 'ina loina 'isa'una be 'aene 'asa 'ebweuna 'ebweuna tomotenidi 'adi esanao sida 'etoladidi.

Luke 24:47

be 'enega 'ana esanega tetela bobo'ana, nuwa'ebuni be to'umalina 'ana nuwatau manudi sida guguyae. 'Idi guguya nina sida e'ale Yelusalema 'enega be 'ida sakowasi bale'u maibo'ana 'enaya.

Luke 4:5

'Enega Seitani Yesu 'i'au'ewa tu'eyena ga bale'u 'ina 'ebe loinao maibo'adi 'ie'itena tuta nina gote 'enaya, ga 'igwae,

Guinuwa 1:2

tuta nina bale'uya 'imiyami 'ana laba Yaubada 'i'au'ewa tu'eyena galewaya. Yesu nina 'ina mwawasa mulinaya, mayawasina 'iapwesa 'ana tosimanao esiesinuwadi 'ediya, ga Yaluyaluwa Tabuna 'ina waiwaiyega 'adi loina 'i'ebwa'edi.

Guinuwa 11:28

ta 'ebweuna 'ediyega, 'ana esana Agabu, 'idi deliegogona 'ena 'itoolo, ga Yaluyaluwa Tabuna 'ina waiwaiyega 'igimi simanena 'aene ma'etamo botana sinabwana 'ida apwesa sena yauyaudi 'ediya, ga muliyega Sisa Kalodiu 'ina tuta etoloina 'enaya botana sinabwana 'iapwesa.

Guinuwa 17:31

manuna 'ida 'asiyata bwa'omatana ma'etamo 'iupaena be me bale'u maibo'ada 'ada loina palupaluna 'ida 'ebwa'eda tai nina 'iesinuwena 'enega, ga tai nina mwawasega 'igietoolo limenaya, be 'enega tomota maibo'ada tetela gete tada 'awa'ai'aile.”

Guinuwa 17:6

Ta si'ebesa yogenedi, ga Yesoni ta 'aina toekalesiyao ma'enao sigiyaidi, ta 'enega si'au'ewedi 'asa 'ana toloinao 'ediya sabi etalaedi, ta sibwaubwau, sigwae, “Tai getedi sena maibo'adi 'adi togieto'umali ni'atu simai bada,

Guinuwa 19:27

“Gete 'enega yamatauta 'etamo nai tomota geya'abo 'ida gwegweyao sigimwagimwanedi, ta 'etamo nai wate 'ida yaubada sinabwana Dayana 'ana 'amayaba, be 'ina anuwa tapwalolo sieyage besobesoe. Manuna me Esia be me bale'u maibo'ada Dayana 'ana tobwagobwagoyao.”

Guinuwa 20:25

“Wanuwa'i'isi lowa tuta yauna 'ediya yasakosakowasi 'emiya ta Yaubada 'ina etoloina tetelina manuna yaloguloguguya, ta gete wanono, ma'etamo geya'abo wate wa'ita'ita limagu.

Loma 10:18

Ga mwa'adega me Yudia nidi ni'atu 'ina ona sinononaya, nai nigeya? Na, ni'atu sinonona, manuna ni'atu Buki Tabu 'ena 'isimana, 'igwae, “'Idi loguguya ni'atu sena maibo'adi sinonona manuna bale'u maibo'ana 'enaya ona nina 'i'elelewana.”

Kolose 1:23

nate 'eguma 'imi emisa geya'abo 'ineeneta, be 'eguma watoolo pa'ala tetela bobo'ana nina wanononaya 'ana emisa 'ena, ta nigeya wapilipilisine. Tetela nina 'ana loguguya tomota maibo'adi bale'uya sinononaya, ta 'abo'agu Paulo 'ana tologuguya 'ebweu.

Kolose 1:6

Tetela nina wanononaya sena yauyaudi 'ediya, gete tuga 'isinasinabwa ta 'iuwauwa, nadigega 'omi tuta nina Yaubada 'ina oboboma wagimi nononaya Epapila 'enega, ga wa'awa 'ai'ailena.

Ibeliu 1:6

Ta tuta nina 'ina tomatuwa 'ietunenama bale'uya, 'igwae, “Aniloseyao galewaya 'ilobwenedi be tauna 'ena sibwagobwago.”

Ibeliu 2:5

Ni'atu 'aeonemi sena nina 'etamo talobai manuna, ta Yaubada aniloseyao geya'abo 'idi loina 'i'ebwa'ebwa'edi sena nina 'enaya,

E'ita'ita 14:6

'Enega wate 'ebweu anilose ya'itena etanega 'itaetaeya, ta tetela bobo'ana ta miyamiya atayana 'ime'ena be 'ida simana me bale'u yauyaudi 'ediya, nate 'ebeloinao be susu be boda 'ebweuna 'ebweuna 'enaya.

E'ita'ita 16:14

Yaluyaluwa 'etoi nidi nate Taumudumudulele na 'ali'eiyao, taudi 'ebe nuwaowanao siguinuwedi, ga taudi getedi sitauya ga kiniyao bale'u maibo'ana 'enaya, 'aene 'idi bodao sida egogonedima be taudimo 'ediya sida losaiya, nate Yaubada Toewaiwai sana 'ina 'asiyata 'ebe losalowa 'enaya.

E'ita'ita 3:10

“Ta 'etamo tuta mwau 'ida apwesa bale'uya, be tomota yaudi 'ida toodi, ta 'omi esi mwau nina 'enaya yada 'ita'i'isimi, manuna 'igu ona waematamatanena, ga manugu wae'alama'i'itanemi.