Madiu 23:23 - Loina Tabu Auwauna NT

²³ “'Omi loina 'ana toe'itao be Palisiyao nuwa'ole'olemi sa'i, manuna 'omi tokabo. Ona'ai'aila 'imi 'ebwayadaita bobo'ana, manuna 'imi 'ebwayadaitao nidi 'imi yage maibo'adi 'ediyega, gwegwe sinabwadi ta wate yage gidalidi nadigega mali pai be mali pai 'ediyega, ta esi loina 'etoi sinabwadi wanuwa pupuledi, nate bubuna palupaluna be nuwa'ole'ole be emisa. 'Ilobwenemi be yage gete sinabwadi wada guinuwedi, ta wate geya'abo yage gidalidi wanuwanuwa pupuledi.

Madiu 23:23 Σταυροειδείς Αναφορές

Madiu 12:7

Yaubada 'ina ona 'aene ‘Taliya geya nuwagu ta 'atenuwa'ole'ole esiya.’ 'Eguma ona gete 'ana mwalatoi wamwalamwalatoni, geya'abo 'igu tononoyao wa'awa'awa to'umaliyedi, manuna nigeya siloeloegesi.

Madiu 23:13

“'Omi loina 'ana toe'itao be Palisiyao nuwa'ole'olemi sa'i, manuna 'imi kaboega tomota wa'etobodedi be 'enega Yaubada 'ina 'ebeloina 'ena geya'abo silugulugu. 'Omi geya'abo walugulugu, ta tomota wate yaisigedi nuwanuwadi be silulugu waegagaledi.

Madiu 9:13

'Enega 'ilobwenemi be Yaubada 'ina ona wanuwa sabwaleni Buki Tabu 'ena 'igwae: ‘Nuwanuwagu 'atenuwa'ole'ole, ta geya nuwagu taliya.’ Gete yamaiya nigeya topalupaludi manudi, ta esi toto'umalidi sabi lemedi.”

Luke 11:42

“Ta 'omi Palisiyao sa'i nuwa'ole'olemi! Ona'ai'aila 'imi 'ebwayadaita bobo'ana, manuna 'ebwayadaita nina 'ana loina maibo'ana wa'ita'i'ita 'ai'ailina, 'imi gwegwe sinabwadi be gidalidi 'ediyega tupwana Yaubada wa'ebwa'ebwa'e, nadigega mali pai be mali pai 'ediyega. Ta esiya loina 'eluwa sinabwadi wanuwa pupuledi, nate Yaubada 'ana oboboma ta loina palupalu. 'Ilobwenemi be yage gete sinabwadi wada guinuwedi, ta wate geya'abo yage gidalidi wanuwanuwa pupuledi.

Luke 18:12

manuna wiki 'ebweuna 'ebweuna 'asiyata 'eluwa 'ediya 'e'ai 'enega yaedidigula, ta wate 'igu gwegweyao maibo'ana 'enega tupwa ya'ebwa'ebwaya daite 'emuya.’