Madiu 23:13 - Loina Tabu Auwauna NT

¹³ “'Omi loina 'ana toe'itao be Palisiyao nuwa'ole'olemi sa'i, manuna 'imi kaboega tomota wa'etobodedi be 'enega Yaubada 'ina 'ebeloina 'ena geya'abo silugulugu. 'Omi geya'abo walugulugu, ta tomota wate yaisigedi nuwanuwadi be silulugu waegagaledi.

Madiu 23:13 Σταυροειδείς Αναφορές

Madiu 23:16

“Nuwa'ole'olemi sa'i, manuna 'omi toanuganao matakebokebomi, wagwae, ‘'Eguma yaita Anuwa Tabu 'ana esanega 'isawa tamatamana nate nigeya 'ebweu to'ase, ta esi 'eguma yaita goula nidi Anuwa Tabu solanaya 'ediyega 'isawa tamatamana nate yage sinabwana, 'enega 'ilobwenena be yage nina 'ida guinuwe.’

Madiu 23:23

“'Omi loina 'ana toe'itao be Palisiyao nuwa'ole'olemi sa'i, manuna 'omi tokabo. Ona'ai'aila 'imi 'ebwayadaita bobo'ana, manuna 'imi 'ebwayadaitao nidi 'imi yage maibo'adi 'ediyega, gwegwe sinabwadi ta wate yage gidalidi nadigega mali pai be mali pai 'ediyega, ta esi loina 'etoi sinabwadi wanuwa pupuledi, nate bubuna palupaluna be nuwa'ole'ole be emisa. 'Ilobwenemi be yage gete sinabwadi wada guinuwedi, ta wate geya'abo yage gidalidi wanuwanuwa pupuledi.

Madiu 23:25

“'Omi loina 'ana toe'itao be Palisiyao nuwa'ole'olemi sa'i, manuna 'imi kaboega keiga be gaeba apwesaya wagie'esasedi ta esi soladi baibailidi, nate 'ipwala be bubuna to'umalidi siloemaedi.

Madiu 23:27

“'Omi loina 'ana toe'itao be Palisiyao nuwa'ole'olemi manuna 'omi tokabo, 'atuwa nadigega 'ali'ali wakewakekedi ta 'esasedi, etanaya 'adi 'ita kausala wawasae, ta esi soladiya tomota luludi ta yage baibailidi simiyami.

Madiu 23:29

“'Omi loina 'ana toe'itao be Palisiyao nuwa'ole'olemi ta tokabo, manuna gimi palopitao 'adi 'ali'ali 'ediya 'adi 'ebe nuwa'i'ita wa'abidi ta wate topalupaludi lowaenei 'adi 'ebe nuwa'i'itao wagibubudi,

Madiu 3:7

Ta Palisiyao be Sadusiyao yaudi wate simai sabi bapitaiso, ga Yoni 'i'itedi ga 'ieonedi, 'igwae, “Tokabo 'omi nadigega mwata! Ta wanuwena 'aene 'iabe Yaubada 'ina gamwasowala 'enega wadedena, aga?

Luke 11:52

“Ta 'omi loina 'ana toanuganao sa'i nuwa'ole'olemi, manuna sinasinapu 'ana 'awa wa'etobodena, 'enega 'omi nigeya sawesawenaya be walulugu, ta wate taudi nuwanuwadi be 'aene silulugu wa'etobodedi.”

Yoni 9:22

Tamana be sinana ona gete si'inanena manuna 'idi 'inapwanao 'ediya simatauta, manuna 'inapwanao nidi 'idi loina sisa'una be 'aene 'eguma yaita Yesu 'ida 'awa to'etoseyanei taudi anuwa tapwaloloega sida e'idi'idiyedi.

Yoni 9:24

'Enega wate tomata kebokebo nina sibwau limena ga sieonena, sigwae, “'Usimana palupalu 'emaya, manuna tai nina 'amwalamwalatoni 'aene tauna toto'umalina.”

Yoni 9:34

'Enega Palisiyao tai nina sieonena, sigwae, “'Oyo tuga toto'umaliyo 'imu tuta gwamega ga batuwa, ta 'aene 'utoo be 'ue'itama, aga? Yaita sana 'oyo?” Ga gote 'enega sipa'ina ga anuwa tapwaloloega 'iapwesa.

Guinuwa 13:8

ta esi to'oba 'i'etobodedi, manuna geya nuwana be toloina nina Yesu 'ena 'ida emisa. To'oba nina 'ana esana 'ana gibui Elaimasi, nate tobalau.

Guinuwa 5:28

'igwae, “Lowa 'emiya 'aloina pa'ala 'aene geya'abo Yesu 'ana esanega wae'ie'ita 'ediya, ta mwa'adega ga 'enega Yelusalema maibo'ana solanaya tomota wae'ie'ita Yesu manuna, 'aene 'abo'ama 'ima loinega siloemwawasina?”

Guinuwa 5:40

'Enega Gamelieli 'ina loina simuliyena, ga tosimanao wate sibwauyedima 'ediya, ga sisapidi, ta sigwae, “Geya'abo wate Yesu 'ana esanega waonaona tomota 'ediya.”

Guinuwa 8:1

Ta Saulo boda nidi 'i'awa bobo'anedi, Sitibeni 'ana loemwawasa manuna. 'Asiyata gote 'ena toekalesiyao sena Yelusalema 'ena 'adi talauwalao sie'ale be silosaiyedi, 'enega si'elelewana Yudia be Samelia senanao 'ediya, ta Yesu 'ana tosimanao site tuwelo dimo Yelusalema 'ena simiyami.

2 Timoti 3:8

Ona'ai'aila, tomotai nidi e'ita 'ai'aila sietalauwalena, nadigega lowa taudi Yanisi be Yamilisi Mosese sietalauwalena. Taudi 'adi 'ita 'atuwa toemisa, ta soladiya kabo be nuwanuwa to'umalina simiyami.

2 Timoti 4:15

Alekisana nina 'ida e'ita 'ietalauwala wawasaena. 'Enega 'oyo tauna 'enega wate 'u'ita'i'isiyo.