Madiu 21:15 - Loina Tabu Auwauna NT

¹⁵ Ta totaliya sinabwadi be loina 'ana toe'itao Yesu 'ina guinuwa waiwaidi si'itedi, ta wate gogama sinonodi Anuwa Tabu solanaya sibwaubwau, sigwaegwae, “Debida tubuna ye, 'u'etoseyema.”

Madiu 21:15 Σταυροειδείς Αναφορές

Madiu 20:24

Ta tononoyao site sanau Yemesa be Yoni 'idi sida sinonona ga sigamwasowaledi.

Madiu 21:23

'Enega Anuwa Tabu 'ena 'ilugu ga 'ie'ie'ita, ta totaliyao sinabwadi be 'inapwanao simai ga Yesu sienaidena, sigwae, “Tai, yaita 'ina loinega ga gete nadigega 'uguiguinuwa'esa?”

Madiu 21:9

Ta 'aina boda Yesu sianuganena, ta 'aina boda siamuliya, ga maibo'adi silotuputupu ta sibwaubwau, sigwae, “Kamatoki Debida tubuna ye, 'Inapwana 'ana esanega 'umai sabi 'etoseyema, 'enega tauna Toloetana sana 'atuputupu.”

Madiu 22:42

Ta sigwae, “Debida.”

Madiu 26:3

'Enega totaliyao sinabwadi be me Isileli 'idi 'inapwanao sideli egogonama Kaiyapa 'ina anuwa sinabwana 'enaya, tauna totaliyao 'idi 'inapwana sinabwana.

Madiu 26:59

Ta totaliya sinabwadi be 'inapwanao nidi nuwanuwadi Yesu 'ana toe'ewa kabokabo sida loba be 'idi e'ewa 'enega Yesu sida loemwawasi.

Madiu 27:1

Tomwa 'iulisina ga totaliyao sinabwadi be 'inapwanao maibo'adi siloiloina be 'aene Yesu siloemwawasi.

Madiu 27:20

Ta esi totaliyao sinabwadi be 'inapwanao tomota siloa'etu'etunedi be 'aene sisisida Pailato 'ena be Balaba 'ili'ami 'ediya ta Yesu sida loemwawasi.

Madiu 9:27

Sena gote 'enega Yesu 'itautauya ta tomata kebokebo 'eluwa simulimuliyei ta sibwaubwau 'enadi sinabwana 'enega sigwaegwae, “Debida tubuna ye, 'uda 'atenuwa 'ole'oleyema!”

Maki 11:18

Ta totaliyao sinabwadi be loina 'ana toe'itao Yesu 'ina guinuwa gete tetelina sinonona, 'enega sigamwasowalena ga sinuwa edaedadama be sida loemwawasi, ta nigeya sawesawediya, manuna simatautena, ta wate Yesu 'ina e'itao tomota yauyaudi nuwadi 'i'ewena.

Luke 20:1

'Ebweu tuta 'enaya, Yesu 'ie'ie'ita Anuwa Tabu 'enaya, nate Tetela Bobo'ana 'isimasimana tomota 'ediya, ta totaliyao be loina 'ana toe'itao be wate 'inapwanao simai ga Yesu sienaidena,

Luke 22:2

Tuta nina 'ena totaliyao sinabwadi be loina 'ana toe'itao sinuwanuwa edaedadama mwa'adega be Yesu sigiyai 'ana loemwawasa manuna, ta nigeya sawesawediya manuna pwalu sinabwana simatautedi.

Luke 22:66

tomwa 'iulisina, ta 'enega me Yudia 'idi 'inapwanao, nate totaliyao sinabwadi be loina 'ana toe'itao sideli egogona, ga Yesu sime'ena, ga gamwagamwanidiya sietoolona,

Yoni 11:57

Ona gete tomota 'awadiyega 'iapwesa, 'idi 'inapwanao 'idi loina pa'alina manuna. Manuna taudi totaliyao 'idi 'inapwanao be wate Palisiyao tomota 'ediya siemataluwaya 'aene 'eguma to sena 'ena Yesu silobai sida simana manini 'inapwanao nidi 'ediya, be Yesu sigiyai.

Yoni 12:19

Gote 'ena Palisiyao taudimo 'ediya sigwae, “Wada 'ita, 'ida waiwai ni'atu 'igumwala, manuna tomota maibo'adi Yesu 'ina boda 'ena sitautauya.”

Yoni 4:1

Yesu 'ina giebapitaisoega 'ana tomuliyao yaudi 'ilobedi ta Yoni 'ana tomuliyao nigeya yaudi.