Madiu 20:22 - Loina Tabu Auwauna NT

²² 'Enega Yesu tai nidi 'ieonedi, “'Omi 'imi sida gete 'ana mwalatoi nigeya wamwalamwalatoni. Mwa'adega, 'elouya keigana 'enega yanunuma kapekapeyana be 'omi wate 'enega wanunuma?” Ta sigwae, “Sawesawemaya.”

Madiu 20:22 Σταυροειδείς Αναφορές

Madiu 26:35

Ta Pita 'igwae, “'Inapwana, geya'abo sa'i yaeyaseyaseyeyo! 'Eguma siloemwawasiyo 'abo'agu wate ma'iyayo siloemwawasida.” Tomuliyao maibo'adi wate nadigega sionaona.

Madiu 26:39

Ta Yesu 'ialaga tupwana ga bale'uya 'ibe'u sanamwa'uta ta 'isidasida, 'igwae, “Tamagu ye, 'eguma kapekapeyana 'elouya keigana gete 'eguyega 'u'ewayaulei, ta geya'abo 'abo'agu 'igu nuwena 'enega, ta 'oyo esi 'imu nuwena 'enega 'uda guinuwa.”

Madiu 26:42

'Enega Yesu 'ilaga limana ga 'isidasida, 'igwae, “Tamagu, keiga gete geya nuwagu be 'enega yanunuma, ta 'abo 'imu nuwena nadigega, ta nigeya 'ebweu wate 'eda 'imiyami, bobo'ana yanunuma tuga.”

Madiu 26:56

Ta yage getedi sida apwesa be 'enega palopitao 'idi gimisimana Buki Tabu solanaya sida apwesa.” 'Enega Yesu 'ina tononoyao maibo'adi sidena sinena.

Maki 14:36

'igwaegwae, “Tamagu ye, guinuwa yauna sawesawemuya, 'enega nuwanuwagu be 'elouya keigana gete 'eguyega 'u'ewayaule, ta geya'abo 'abo'agu 'igu nuwena 'enega ta 'oyo esi 'imu nuwena 'enega 'uda guinuwa.”

Luke 12:50

Ta esi tuta gidalina be bapitaiso to'umalina yaloba, 'enega ma igu 'atesa'ala be 'ana laba bapitaiso nina 'eguya siguinuwe.

Luke 22:42

'igwae, “Tamagu ye, 'abo nuwanuwayo, 'elouya keigana gete 'eguyega 'uda 'ewayaule. Ta geya'abo 'abo'agu 'igu nuwena 'enega, ta 'oyo esi 'imu nuwena 'enega 'uda guinuwa.”

Yoni 18:11

'Enega Yesu 'iona Pita 'enaya, 'igwae, “'Imu sisisaiya 'usa'ulima, geya'abo 'igu 'elouya keigana 'u'eto'etobode, manuna keiga nina Tamagu 'i'ebwa'egu be yada numa.”

Loma 8:26

Yaluyaluwa Tabuna wate 'ida neneta 'ediyega 'ilemelemeda, manuna 'ida 'awanoi 'ediya nigeya tamwalamwalatoni mwa'adega tasidasida'esa, ta esi Yaluyaluwa Tabuna manuda 'ietaetapewa, ta ma 'enana 'isida waiwai Yaubada 'enaya.

Yemesa 4:3

Ta 'abo wasidasida manudi, ta nigeya 'adi e'isa wada lobedi, 'alena gete 'imi sidasida nina nigeya bobo'ana, ta 'aene yage nidi manudi wasidasida nate taumimo 'imi gwausowala manuna.