Madiu 2:13 - Loina Tabu Auwauna NT

¹³ Tuta muliyega 'ebweu anilose madawalega Yosepa 'enaya 'iapwesa ga 'iemataluwena, 'igwae, “'Utoolo be gwama masinana 'u'au'ewadi be wadedena sena Itipita 'ena be nada wamimi be 'ana laba yaemataluweyo, ta 'enega waila limanama. 'Imi dena gete 'alena, manuna Elodi 'iabe gwama nate 'i'ebese be 'aene 'iloemwawasi.”

Madiu 2:13 Σταυροειδείς Αναφορές

Madiu 1:20

Ta Yosepa 'ina nuwanuwa ma'etamo 'ipaipaisewa, 'enega 'ina tuta 'enoya madawalega Yaubada 'ina anilose 'ebweu 'ieonena, 'igwae, “Yosepa, 'oyo Debida tubuna, geya'abo 'unuwanuwa mwau Meli 'ina 'euwana manuna, nate Yaluyaluwa Tabuna 'enega, 'enega tuwa tuga 'uda 'au'ewa mwaneyo.

Madiu 10:23

“Ta 'eguma 'ebweu sena 'ena siunuunumi wadedena mali 'asa 'enaya. Ona'ai'aila, ma'etamo geya'abo 'asa maibo'ana Isileli solanaya waguiguinuwa egumwali ta 'abo'agu Tomota Natuna yailama.

Madiu 2:12

Ta muliyega madawalega Yaubada 'iemataluwedi be 'aene geya'abo Elodi 'enaya siilaila, 'enega sitoolo ga mali 'edega sitauya 'idi 'asaya.

Madiu 2:14

'Enega boiboi nina 'enaya Yosepa 'itoolo ga gwama masinana 'i'au'ewedi ga sitauya Itipita.

Madiu 2:16

Ta tuta nina Elodi tosinasinapuyao 'iyamwa yogenediya, manuna nigeya siilailama. 'Idi kabo manuna 'igamwasowala sinabwana, 'enega 'ina loina 'isa'una be tolosaiyao 'ietunedi Bedileema be 'asanao 'ediya, be 'aene gogama me'olotodi taudi 'adi yakwala 'eluwa 'enega 'imwa'utama sida loemwawasidi. Gogama nidi gete nadigega 'adi loina Elodi 'isa'una, manuna tosinasinapuyao 'idi ona 'enega ni'atu 'isinapuna to tutaya gwama nina 'itutubuwa.

Madiu 2:22

Ta tuta nina siilama ga Yosepa ale 'inonona 'aene Elodi natuna Alekeleo 'ielopa'eluna ga 'ietoloina sena Yudia 'enaya, 'enega Yosepa 'imatauta ga geya nuwana be 'itatauya Yudia 'enaya, ta madawalega mwalatoi Yaubada 'i'ebwa'ena ga 'isakowasi ga 'itauya sena Galili 'enaya.

Guinuwa 10:22

Ta sigwae, “Konilio 'ietunema, tauna 'ima tolosaiyao 'adi toanugana, ta tai palupaluna ta Yaubada 'ana to'amayaba, ta wate me Yudia maibo'adi si'awa tai bobo'anena, ga 'ana emataluwa 'inonona anilose 'enega, be 'aene 'oyo 'ibwauyeyo tauna 'ina anuwaya, be 'imu ona 'ida nono.”

Guinuwa 10:7

Anilose nina 'ina ona 'igumwala ga 'itauya, 'enega Konilio 'ina toguinuwao 'ediyega 'eluwa 'ibwauyedi ma ina tolosaiya 'ebweuna, tauna wate Yaubada 'ana to'amayaba sinabwana.

Guinuwa 12:11

'Enega Pita 'inuwa sabwalena, ta 'igwae, “Ni'atu yamwalatoni 'ai'ailina 'aene 'Inapwana 'ina anilose 'ietunenama, ga 'i'etoseyegu Elodi 'ina loina 'enega, be geya'abo me Yudia 'idi nuwanuwao sida guiguinuwedi.”

Guinuwa 12:7

Ga Yaubada 'ina anilose 'ebweu manini 'iapwesa ga deli solana 'imaedana, ga anilose nina Pita lesulesuna 'isapina, ta 'ilowanowanona, ga 'igwae, “'Utoolo manini,” ga 'ana 'ebe yonao nimanega sibe'u.

Guinuwa 16:36

'Enega to'ita'i'ita nina deli solanaya 'ilugu ga ale nina 'isimanena Paulo 'ena, 'igwae, “Toloinao ale sietunenama 'aene yada li'amimi, 'enega waapwesama be ma imi gwausowala watatauya.”

Guinuwa 5:19

Ta boiboiya, 'Inapwana 'ina anilose 'ebweuna deli 'ana 'awa 'igigegena, ga 'i'au'ewa apwesedi,

Guinuwa 7:19

ga 'ina susuyao 'ikaboedi manuna tubudao nidi 'iloinedi ga natudiyao gidagidalidi siuledi 'atamanaya be sida mwawasa.

E'ita'ita 12:14

Ta waine nina magisubu sinabwana papenao Yaubada 'i'ebwa'ena, be 'enega 'itataeya 'ina sena mwatui daitaya, be gote 'ena Yaubada 'ida 'ita'i'isi yakwala 'etoi ta tupwana 'ediya, be geya'abo mwata nina 'igiyagiyai.

E'ita'ita 12:4

Ta yuyunega kwadima yaudi 'iunudi ga 'iuledi bale'uya. 'Eguma kwadima maibo'adi taweyalidi 'etoi sena 'ediya, 'ebweu sena 'ena 'iunu egumwalidi ta 'eluwa sena 'ediya situpwa. Ta yobai nina bweyabweyalina waine matanaya 'itootoolo, be 'abo 'ienatuna, gwama nina 'i'a'ani.

E'ita'ita 12:6

Ta waine nina sena mwatui daita 'ena 'idena. Gote 'ena waine 'ina sena Yaubada 'igibubuna, be 'ena 'ida 'ita'i'isi 'asiyata 'ana dudula nadigega tuwelo analedi be sikisiti.