Madiu 18:31 - Loina Tabu Auwauna NT

³¹ “Ta toguinuwao nidi gosediyao yage nina si'itena, 'enega sinuwamwau sinabwana, 'enega sitauya 'idi 'inapwana 'enaya ga siteluwa nidi sisimanedi.

Madiu 18:31 Σταυροειδείς Αναφορές

Madiu 14:9

'Enega Elodi 'inuwamwau sinabwana, ta tuwa tuga 'ina sawatamatamana 'inuwa'i'isina, ta boda ni'atu 'ina ona sinonona, 'enega 'itagwala,

Madiu 18:28

“'Iapwesa ga gosiyana 'ebweuna 'ilobena, ta gosiyanana 'ina lowaga toea analedi namo, ga gosiyana 'otonaya 'igiyaina ga 'ididigena, 'igwae, ‘Gete tuga 'imu lowaga 'eguya 'uyotuli!’

Madiu 18:30

Ta gosiyana 'enana nigeya 'inoono ta deliya 'isa'una be 'aene nada 'ida miyami be 'ana laba 'ina lowaga maibo'ana 'iyotuli.

Madiu 18:32

'Enega 'inapwana nina 'ina toguinuwa 'ibwauyenama ga 'ieonena, 'igwae, ‘'Oyo toguinuwa to'umaliyo, manuna 'imu sida 'atenuwa 'ole'oleyega 'imu lowaga maibo'ana yanuwataudi,

Maki 3:5

Ta Yesu 'idune masimasiyedi ma ina gamwasowala ta ma ina nuwamwau 'idi debapa'ala manuna, ga tai nina 'ieonena, 'igwae, “Nimayo 'uyasitoto,” ga tai nimana 'iyasitotona ga 'ibobo'ana.

Luke 14:21

“'Enega 'ali'ei nina 'iila ga 'ina 'inapwana 'enaya 'isimana, 'igwae, ‘Maibo'adi geya nuwadi.’ Ga tonianuwa nina 'igamwasowala, 'enega 'ina 'ali'ei nina 'ena 'iona, ‘'Utauya manini 'asa sinabwana 'edanao maibo'adi 'ediya be 'eguma 'eisa tomotai 'ulobadi, 'anabwa'ayoi nanaewadi nai nenetadi nai matakebokebodi nai bwalobwalogodi, tuga maibo'adi 'u'au'ewedima be sida 'a.’

Luke 19:41

Ni'atu Yesu 'ilogedo Yelusalema selabenaya ta 'asa nina sinabwana 'i'itena ga nuwana 'imwau ga 'idedoi, 'igwae,

Loma 12:15

Ta 'abo togwausowalao wa'itadi, ma'emiyao wada egwausowala. Wate nadigega 'abo todedoi wa'itadi, ma'emiyao wada dedoi,

2 Kolinita 11:21

Ta 'abo'agu nenetagu 'enega nigeya yada sapimi, ta gete 'ebe omayamaya 'eguya. Ta 'abo 'imi tologuguyao nidi to'ase manudi sida onaonagagasa, tuwa tuga 'abo'agu yada etoeuwauwa, be sa'i yada onagagasa yage nidi wate manudi.

Ibeliu 13:17

'Imi toanuganao 'ediya wada ematamatana be watagwalemi 'idi loinao 'ediya, manuna yaluyaluwami si'ita'i'isidi, be 'enega tuta 'imeema 'enaya 'imi bubuna manuna sida emwasala Yaubada 'enaya. 'Enega 'ilobwenemi be wada too be tetelimi manuna ma idi gwausowala Yaubada 'enaya sida simanemi, ta esi geya'abo ma idi omayamaya, 'abona nai loina mwauna waloba.

Ibeliu 13:3

Wate gosemiyao wada nuwa'i'isidi taudi deliya simiyami, be wada lemedi 'atuwa 'omi nadigega deliya ma'emiyao wamiyami. Ta wate gosemiyao taudi simiyamwau wada nuwa'i'isidi be wada lemedi, manuna 'omi tomota tuga, taudi nadigega!