Madiu 17:27 - Loina Tabu Auwauna NT

²⁷ Ta geya'abo taloogwautoyasa, 'abona nai 'edaya sinuwamwau. 'Enega gete tuga bani 'u'ewa be 'udolo le'awaya be 'abo gimiiyana 'ulisi, 'awana 'ugigege be solanega mani 'u'ewenama be 'u'ebwa'edi, nate 'oyo be 'abo'agu 'ida takisi, sawesawedaya.”

Madiu 17:27 Σταυροειδείς Αναφορές

Madiu 17:26

'Enega Pita 'igwae, “Mali tomota 'ediyega.” Ga Yesu wate 'iona limana, 'igwae, “Ona'ai'aila! Ta esi taudi natudiyao nigeya 'adi mwaumo.

Madiu 18:6

Ta esi 'eguma yaita 'itoo be 'agu toemisao gogama getedi 'ediyega 'ebweuna 'igie be'uyei, tai nina nai waine nina 'ilobwenena be gulewa sinabwana 'otonaya silosipwa be magulewana siula mwa'ute ni'uya be 'idalala.

Madiu 18:8

“Ta 'eguma nimayo nai 'aeyo 'igie be'uyeyo 'ilobwenena be 'u'upwa yauledi. Nigeya 'ana to'umalinamo 'eguma manima 'upwa'upwayo nai ma imu lopegoi ta yawasiyo bobo'ana 'uloba. Ta esi to'umali wawasae 'emuya 'eguma manima luwaluwayo be ma'ae luwaluwayo siula mwa'uteyo kaiwe 'ala'alata atayana 'enaya.

Madiu 5:29

'Enega 'eguma mata'ataiyo 'ina duneyega 'igiebe'uyeyo, 'ilobwenena be 'uiwa yaule. 'Elouya nigeya sinabwana 'eguma welawela'ayo 'ebweuna namo 'uloseye, ta esi 'elouya sinabwana 'eguma matayo manuna Yaubada ooyo maibo'ana 'iula mwa'ute 'asagabugabu 'enaya.

Madiu 5:30

Nadigega wate 'eguma nima'ataiyo 'ina guinuwega 'igiebe'uyeyo, 'ilobwenena be 'u'upwa yaule. 'Elouya nigeya sinabwana 'eguma welawela'ayo 'ebweuna namo 'uloseye, ta esi 'elouya sinabwana 'eguma nimayo manuna Yaubada ooyo maibo'ana 'iula mwa'ute 'asagabugabu 'enaya.

Maki 9:42

“Ta esi 'eguma yaita 'itoo be 'agu toemisao gogama getedi 'ediyega 'ebweuna 'igie be'uye, tai nina nai waine nina 'ilobwenena be gulewa sinabwana 'otonaya silosipwa be magulewana siula mwa'utedi ni'uya.

Maki 9:43

“Wate 'eguma nimayo 'igie be'uyeyo 'ilobwenena be 'u'upwa yaule. Nate nigeya 'ana to'umalinamo 'eguma manima 'upwa'upwayo ta yawasiyo bobo'ana 'uloba. Ta esi to'umali wawasae 'emuya 'eguma manima luwaluwayo siula mwa'uteyo kaiwe 'ala'alata atayana 'enaya.

Luke 17:2

'Enega 'abo yaita togiebe'u nina, 'ilobwenena be gulewa sinabwana sida losipwa 'otonaya be ni'u gaigaiya sida ulamwa'ute be 'enega geya'abo gogama simulimuliye.

Yoni 6:61

Ta Yesu ni'atu tauna 'igimi mwalatonidi 'aene ona gete manudi silomulomugi, ga 'ediya 'igwae, “Ona gete manuna nuwami 'imwauya.

Loma 14:21

'Enega gete tugai 'ilobweneda be yage nidi manudi gosedao siedidigula, esiyo nai oine, geya'abo tagitogitoodi, 'abona nai tagiebe'uyedi.

1 Kolinita 8:13

Ta 'abo'agu sa'i geya nuwagu be 'ebweu tasidai yagiebe'uye, 'enega masula nidi yaguitoyasa 'ai'ailidi, be geya'abo yalotolotoodi, 'abona nai 'ediyega tasidao yagie be'uyedi.

1 Kolinita 8:9

'Enega masula maibo'ana sawesawenaya be ta'enidi ta esi wada nuwa'i'isi be geya'abo 'ami masula 'eto'etobodana 'ediyega toekalesiyao nenetadi wagiegie be'uyedi.

2 Kolinita 6:3

'Etoseyana gete tomota maibo'adi manudi. Geya nuwama be 'ebweu yaita 'ilomulomugiyema 'ima guinuwao manudi. Nigeya 'ebweu wate 'ebe 'etoboda 'asa'usa'u,

2 Kolinita 8:9

'Omi 'ida 'Inapwana Yesu Keliso 'ina oboboma wamwalatonina, tauna 'ina esaesa sinabwana 'ipilisinena ga 'iegomabeso sabi 'etoseyemi, be 'aene 'ina egomabeso 'enega 'omi wada eesaesa.

1 Tesalonaika 5:22

ta 'abo to'umalina, maibo'ana waguitoyase.

Yemesa 2:5

Tasigwao, 'igu ona gete wada nonodi, 'aene Yaubada togomabeso bale'uya 'iesinuwedi be emisa 'enega sida eesaesa. Manuna Yaubada 'ina 'ebeloina 'iona upaupaena be 'ena sida apwesa, 'abo tauna siobobomena.