Madiu 14:23 - Loina Tabu Auwauna NT

²³ 'Enega sigelu, ta Yesu pwalu 'ietunediya, ta muliyega tauna tebweuna 'oyaya 'itu'e sabi sidasida Yaubada 'ena. 'Enega ni'atu 'iboi, ta Yesu tebweuna namo 'imiyami.

Madiu 14:23 Σταυροειδείς Αναφορές

Madiu 26:36

'Enega Yesu 'ina tononoyao ma'enao sitauya 'ebweu sena 'ana esana Gedesemani 'ena, ta 'ieonedi, 'igwae, “Gete 'ena wamiyami, ta 'abo'agu yaalaga be yasisida Yaubada 'ena.”

Madiu 6:6

Ta 'oyo 'eguma 'usisida, 'ulugu nugana 'imu anuwa solanaya be 'awa 'ugibode ta 'enega 'usidasida kwaiya Tamayo 'enaya, be taunamo 'i'itayo be muliyega e'isa bobo'ana 'ida 'ebwa'eyo.

Maki 1:35

Ta 'enega gonamapumapuya Yesu 'itoolo ga anuwega 'iapwesa ga tebweuna 'itauya mwatui daitaya ga 'isidasida Yaubada 'ena.

Maki 6:46

'Enega sigelu ta Yesu pwalu 'ietunediya, ta muliyega 'itu'e 'oyaya sabi sidasida Yaubada 'ena.

Luke 3:21

Ta ni'atu Yoni boda maibo'adi 'igie bapitaisoedi, ga muliyega Yesu wate 'igie bapitaisoena, ta 'enega Yesu Yaubada 'ena 'isidasida, ga galewa 'i'egegena,

Luke 5:16

ta esi tuta yauyauna boda 'ediyega 'itautauya dumaduma be 'isidasida Yaubada 'enaya.

Luke 6:12

Tuta gote 'enaya Yesu 'itu'e 'oyaya ga nada boiboi maibo'ana Yaubada 'ena 'isidasida.

Luke 9:18

'Enega Yesu ma ina tononoyao sitauya, ga muliyega Yesu tebweuna 'imiyami, ga Yaubada 'ena 'isidasida. Ta 'ina sidasida 'igumwalaya ga 'ina tononoyao 'ienaida 'ediya, 'igwae, “Mwa'adega tomota 'idi ona manugu, 'aene 'abo'agu yaita?”

Luke 9:28

Ona nidi getedi sigumwala ga nadigega wiki 'ebweuna mulinaya, ga Pita be Yoni ta wate Yemesa Yesu 'i'au'ewedi ga ma'enao situ'e 'ebweu 'oya 'ena sabi sidasida Yaubada 'enaya.

Guinuwa 6:4

Ta 'abo'ama 'ada etapewa sidasida manuna, ta wate Yaubada 'ina ona 'ana e'ita manuna.”