Madiu 13:22 - Loina Tabu Auwauna NT

²² “Ta atu nidi kwakwakwala 'ediya sibe'uya taudi tetela bobo'ana sinonona, ta 'idi nuwanuwa bale'u be esaesa 'ana nuwanuwao 'ediyega tetela bobo'ana siloemwawasina, 'enega nigeya sawesawenaya be siuuwa.

Madiu 13:22 Σταυροειδείς Αναφορές

Madiu 12:32

“'Abo'agu Tomota Natuna be 'eguma yaita 'i'awa to'umaliyegu Yaubada 'iabe ona nina 'ida nuwatau, ta 'abo yaita Yaluyaluwa Tabuna 'i'awa to'umaliyei geya'abo sa'i Yaubada 'inuwanuwatau tuta gete 'enaya be tuta simeemai 'ediya.”

Madiu 13:39

ta pwatula 'ana tolelewana nate tauna Seitani, ta tuta sesoi nate tuta 'ana 'ebe losalowa, ta tosesoi taudi aniloseyao,

Madiu 13:40

be tuta 'ana 'ebe losalowa 'enaya toto'umalidi taudi 'atuwa pwatula sida egogonedi be sida gabu yauledi.

Madiu 13:7

“Ta 'aina atuna kwakwakwala 'ediya sibe'u ga sitabwa enoenowa, ta kwakwakwala 'iewaiwai ga 'ididi emwawasidi.

Luke 12:15

Ta wate 'ina ona nina 'itubwena ga boda maibo'adi 'ediya 'igwae, “Wada 'ita'i'isimi be geya'abo esaesa nuwami 'i'ewa'ewa, manuna nigeya sawesawenaya be esaesa 'enega yawasimi bobo'ana waloba.”

Luke 12:21

Ta Yesu 'ina ona 'ana 'ebe losalowa 'ena 'igwae, “Ona'ai'aila, 'eguma yaita esaesa manuna 'ipaisewa be 'imiya esaesa gwegwe bale'uya 'ediyega ta nigeya galewa 'ana esaesa 'ediyega, tauna uwauwana!”

Luke 21:34

“Ta wada 'ita'i'isimi be geya'abo 'emasula be bwasi waiwaidi 'adi numa 'ediya watautauya wawasae, ta wate geya'abo 'imi miya bale'uya manuna wanuwanuwa wawasae, 'abona nai 'asiyata nina 'ena Yaubada 'iloesalutuimi be nadigega gomana 'enega 'i'onami.

Luke 8:14

Ta atu nidi kwakwakwala 'ediya sibe'uya tomotai nidi taudi ona nina sinono, ta 'idi nuwanuwa maibo'ana 'itautauya esaesao be bale'u gwausowalinao ta wate yage yauna 'ediya, ta 'enega Yaubada 'ina ona 'ediya nigeya uwana 'ida apwesa.

Guinuwa 8:18

Ta Saimoni guinuwa gete 'i'itena 'aene Yesu 'ana tosimanao nimadi sisa'udi tomota 'ediya ga Yaluyaluwa Tabuna 'ediya 'ilugu, 'enega mani 'i'ewena be 'aene Pita be Yoni 'ida 'ebwa'edi,

Loma 12:2

Ta geya'abo bubuna bale'u 'ediya watagwatagwalemi, ta esi oomi maibo'ana wada tagwaledi Yaubada 'enaya, be 'enega Yaubada 'imi nuwanuwao 'ida gieauwaudi, be tauna 'ina nuwena bobo'adi, be gwaugwausowalidi, ta palupaludi wada mwalatonidi.

1 Kolinita 1:20

'Enega mwa'adega taudi tosinasinapuyao? nai taudi toe'itao? nai taudi tologuguyao gete tuga bale'uya simiyami? Ona'ai'aila, ni'atu Yaubada 'idi sinasinapuyao 'i'awa yage besobesoedi.

1 Kolinita 2:6

Mwalatoi 'ai'aila Yaubada 'enega yasimasimana toemisa pa'alidi 'ediya, ta sa'i bale'u gete 'ana mwalatoi nai toloinao gete tuga 'idi mwalatoi sawasawalidi tuga,

1 Kolinita 2:8

Ta bale'u gete 'ana toloinao mwalatoi nina nigeya simwalamwalatoni, ta 'eguma nai sida gimi mwalatonina, geya'abo sa'i 'ida 'Inapwana galewega sida loeloemwawasi kelose 'enaya.

1 Kolinita 3:18

Geya'abo yaita 'oyo tauyo 'ukaboeyo 'aene 'oyo 'ebweu tosinasinapu, manuna 'abo bale'u gete 'ana sinasinapu namo 'umwalamwalatoni, 'ilobweneyo be mwalatoi nina 'uguitoyase, be 'enega mwalatoi 'ai'aila Yaubada 'enega 'uloba.

2 Kolinita 4:4

Taudi nigeya siemiemisa, manuna bale'u gete 'ina 'inapwana ni'atu 'igiekebodi, be 'enega maedana geya'abo si'ita'ita, nate Keliso 'ina esaesa tetelina, tauna 'ana 'ita Yaubada nadigega.

Galetia 1:4

Manuna Tamada Yaubada 'ina nuwanuwa gete nadigega, ga Yesu tauna 'itagwalena ga 'imwawasa 'ida loegesiyao manudi, be 'enega tuta gete to'umalina 'ina waiwaiyega 'i'etoseyeda,

Epeso 2:2

Ona'ai'aila, lowa bubuna bale'u waguiguinuwedi, manuna yaluyaluwa to'umalidi ta waiwaidi 'idi 'inapwana, tauna tomiya mwatui waematamatanena. Tauna yaluyaluwa nina taudi tole'oa loina simulimuliye be 'atediya 'imiyami.

1 Timoti 6:17

Ta bale'u 'ana toesaesao 'uemataluwedi be geya'abo sinuwanuwa tu'e 'idi esaesa manudi, ta wate geya'abo siemiemisa 'aene ma'etamo 'ebe lema sinabwana 'idi esaesa 'ediyega silobaloba, manuna esaesa nidi sawasawalidi. Ta esi Yaubada namo 'ena sida emisa, manuna Yaubada tauna To'ebwaya bobo'ana, ta 'ida 'ebe gwausowala maibo'ana tauna 'enega siapweapwesama.

2 Timoti 4:10

Dimasa ni'atu 'iebesinegu, manuna bubuna bale'u nuwana 'i'ewena ga ni'atu 'itauya Tesalonaika. Kelesenisi wate ni'atu 'itauya Galetia, ta Taito ni'atu 'itauya Dalimetia. Taudi 'agu tolemao nidi maibo'adi ni'atu sipilisinegu.