Madiu 11:29 - Loina Tabu Auwauna NT

²⁹ Ta 'omi wada etotowanegu be ma'egwao tada paisewa, be 'enega yaluyaluwami 'idi eyawai'ata sida loba, manuna 'abo'agu 'igu bubuna menuna ta tonuwamwa'uta.

Madiu 11:29 Σταυροειδείς Αναφορές

Madiu 17:5

Pita 'ina ona ma'etamo nigeya 'ilosalosaloni ta pwana maedanina 'italaekabobodi, ta pwana 'enega 'enana 'ebweu sinonona, 'igwae, “Gete natugu bobo'ai'ailina, tauna manuna yagwausowala sinabwana, 'enega 'ina onao wada nonodi.”

Madiu 21:5

“Sayoni tomoteninao waeonadi, wagwae, ‘Wa'ita 'imi toloina sinabwana 'imeemai 'emiya, Tauna tonuwamwa'uta sana, ta ase 'igeluna, Ta ase nina me'olotona ta mwaneyauna.’”

Madiu 28:20

Ta loina maibo'ana ni'atu ya'ebwa'emi wae'itadi be taudi wate sida muliyedi. Ona'ai'aila, 'abo'agu ma'emiya yada miyami tuta yauyauna, batuwa ga 'ana laba bale'u 'ana 'ebe losalowa 'enaya.”

Madiu 7:24

'Igu ona getedi 'abo yaita 'inonodi be 'iematamatanedi tauna 'atuwa 'ebweu to'abi anuwa sinasinapuna, 'ina 'autui gulewa 'ena 'i'abina,

Luke 8:35

'Enega tomotai nidi simai be 'aene taudi matadiyega sida 'ita to'ase 'iapwesa. 'Enega Yesu 'ena simai ga tai nina si'itena lowa yaluyaluwa bi'i solanaya simiyami ni'atu 'ibobo'ana ga 'oama 'i'otena ta Yesu 'aena selabenaya 'imiyatowa. Gote 'ena maibo'adi simatauta.

Yoni 13:15

tuga to'ase nadigega yaguinuwena 'emiya wada etotowanegu be wada guinuwa nadigega gosemiyao 'ediya.

Yoni 13:17

Ta ni'atu e'ita nidi getedi wamwalamwalatonidi, ta 'abo waguinuwedi 'ebe gwausowala wada loba.

Guinuwa 7:37

“Gete Mosese nina me Isileli 'ieonedi 'igwae, ‘Yaubada ma'etamo tasimiyao 'ediyega 'ebweu palopita 'ida esinuwe manumi, nadigega lowa 'iesinuwegu.’

1 Kolinita 9:21

Ta wate taudi Mosese 'ina loina nigeya simwalamwalatoni, 'eguma ma'egwao 'amiyami, yabubuna taudi nadigega be 'aene yalemedi, ta esi geya'abo 'agu loina Keliso 'enega yale'oale'oa.

2 Kolinita 10:1

'Abo'agu Paulo taugu yasidasida 'emiya, 'atuwa Keliso 'ina bubuna nuwana 'enega, manuna 'omi wagwae, “Paulo 'ina bubuna nuwana 'eguma ma'edai tada onaona, ta esi 'edasolega 'i'ena pa'alida.”

2 Kolinita 10:5

'Ida gwegwe nidi 'ediyega sawesawedaya taewaiwaisine bubuna to'umalina, egewagewana be onalaga, nate yage nidi Yaubada 'ana emisa si'etobodena, ta esi tomota 'idi nuwanuwao tagibunidi be Keliso 'ina ona sida ematamatanedi.

Pilipai 2:5

'Ilobwenemi be 'imi nuwanuwao Yesu Keliso 'ina nuwanuwa nadigega.

1 Tesalonaika 4:2

Ta wate 'Inapwana Yesu 'ina loinao nidi 'a'ebwa'emiya wamwalamwalatonidi.

2 Tesalonaika 1:8

ta taudi 'ida 'Inapwana Yesu Keliso tetelina siguitoyasena, ga Yaubada siemwagemwageyena, 'adi e'isa mwauna 'ida 'ebwa'edi.

Ibeliu 5:9

ga 'enega 'ina bubuna maibo'ana palupaluna. 'Enega 'abo'ada wate 'abo taematamatanei, 'etoseyana ataya Yesu nina 'enega taloba,

1 Yoni 2:6

'Enega 'eguma yaita 'oyo 'ugwae, “'Abo'agu Yaubada gosiyagu ta ma'iyagu 'amiyami,” 'ilobwene 'ai'ailiyo be 'uda bubuna nadigega Yesu 'ina bubuna.