Madiu 11:1 - Loina Tabu Auwauna NT

¹ Yesu 'ina loguguya 'ina tononoyao site tuwelo 'ediya 'ilosaloninaya ta 'enega sena nina 'ipilisinena ga 'isakowasi 'asa nidi 'ebweuna 'ebweuna 'ediya, 'ie'ie'ita ta 'iloguloguguya.

Madiu 11:1 Σταυροειδείς Αναφορές

Madiu 28:20

Ta loina maibo'ana ni'atu ya'ebwa'emi wae'itadi be taudi wate sida muliyedi. Ona'ai'aila, 'abo'agu ma'emiya yada miyami tuta yauyauna, batuwa ga 'ana laba bale'u 'ana 'ebe losalowa 'enaya.”

Madiu 4:23

Yesu Galili maibo'ana 'iasakowasiyena, ta 'idi anuwa tapwalolo 'ediya 'iloguguya, ta tetela bobo'ana Yaubada 'ina loina manuna 'isimasimane, ta wate tomota 'adi le'oasao 'ediyega 'igiebobo'anedi maibo'adi.

Madiu 7:28

Tuta nina e'ita getedi Yesu 'ilosalonidi ga boda nidi nuwadi 'iowana,

Madiu 9:35

'Enega Yesu 'asa sinabwadi be gidalidi 'ediya 'isakowasi, ta 'idi anuwa tapwaloloyao 'ediya 'ie'ita ta 'iloguguya Yaubada 'ina loina tetelina manuna, ta wate le'oasa yaudi 'ediyega tomota 'igiebobo'anedi.

Maki 6:12

'Enega 'ina tononoyao nidi sisakowasi 'asa yaudi 'ediya, ga siguguya be 'aene tomota 'idi bubuna to'umalidi sida guitoyasedi be sida nuwa'ebuni,

Luke 23:5

Ta taudi tuga sie'ewa 'i'isina, sigwae, “'Ikabokaboeyo nate, manuna ni'atu 'alobena tomota 'ikabokaboedi be 'aene gabemaniyao 'ediyega 'iweyalidi. Manuna ni'atu Galili 'ena 'ina kabo 'ie'alena ga Yudia senanao maibo'adi 'iloegumwalidi ga ni'atu 'iapwesama sena gete 'ena.”

Luke 8:1

Ga muliyega Yesu 'itoolo ga 'itauya 'asa sinabwadi be gidalidi 'ediya, Yaubada 'ina loina 'ana tetela bobo'ana sabi loguguyaena, ta 'ina tononoyao nidi site tuwelo ma'enao.

Yoni 15:10

'Eguma 'igu loina wamuliya 'ai'ailidi, 'igu oboboma 'ena wamiyami. Nadigega 'abo'agu Tamagu 'ina loina yamuliya 'ai'ailidi, 'enega 'abo'agu wate 'ina oboboma 'ena yamiyami.

Yoni 15:14

“Ta 'omi wate nadigega 'abo 'igu loinao waematamatanedi, 'omi gosegwao.

Guinuwa 1:2

tuta nina bale'uya 'imiyami 'ana laba Yaubada 'i'au'ewa tu'eyena galewaya. Yesu nina 'ina mwawasa mulinaya, mayawasina 'iapwesa 'ana tosimanao esiesinuwadi 'ediya, ga Yaluyaluwa Tabuna 'ina waiwaiyega 'adi loina 'i'ebwa'edi.

Guinuwa 10:38

Tetela nina 'aene Yaubada Yesu goma Nasaleta 'igiewaiwaiyena Yaluyaluwa Tabuna 'enega, ga 'isakosakowasi ga tomota 'ilemelemedi, ta 'abo yaisigedi Seitani be yaluyaluwa to'umalidi sigiele'oasidiya, Yesu 'igiebobo'anedi, manuna Yaubada 'ina waiwai 'enaya 'imiyami.

Guinuwa 10:42

“Ga 'iloinema be tomota 'ediya 'aloguguya 'aene Yaubada Yesu nina 'iesinuwena be 'aene tuta 'ana 'ebe losalowa 'ena tauna bwa'omatana 'ida guinuwa, tomota taudi ni'atu simwawasa manudi, be wate 'abo'ada mayawasida manuda.

1 Tesalonaika 4:2

Ta wate 'Inapwana Yesu 'ina loinao nidi 'a'ebwa'emiya wamwalamwalatonidi.

2 Tesalonaika 3:10

Ta wate lowa 'omi ma'emao tamiyami, 'aloinemi 'aene 'abo yaita 'ilogwautoyasa geya'abo wate 'i'e'a.

2 Tesalonaika 3:6

Gosemao, 'aemataluwemi wate, 'ida 'Inapwana Yesu Keliso 'ana esanega, be 'eguma 'aina tasidao loogwautoyasidi, geya'abo wa'ita'ita naodi, manuna gwautoyasa 'ina 'eda 'abo'ama nigeya 'ae'ie'itami, ta gwaunuwa 'ina 'eda esi.

1 Timoti 6:14

Ta 'igu loina nina 'aene emataluwa getedi 'umuliya 'ai'ailidi, ta geya'abo 'ebweu 'ena 'uneeneta, be 'ana laba 'ida 'Inapwana Yesu Keliso 'iila limanama.