Madiu 10:25 - Loina Tabu Auwauna NT

²⁵ Ta esi bobo'ana 'eguma 'aene 'omi 'agu tomuliyao ta 'abo'agu taeleleleya. Manuna 'abo'agu tonianuwa, ta 'abo ni'atu sieesegu Bielisibubi, 'omi 'igu bodao 'etamo si'awato'umali wawasaemi.

Madiu 10:25 Σταυροειδείς Αναφορές

Madiu 12:24

Ta sa'i Palisiyao guinuwa gete alena sinonona ga sigwae, “Nigeya, ta esi yaluyaluwa bi'i 'idi 'inapwana 'ana esana Bielisibubi 'ina waiwaiyega yaluyaluwa bi'i 'iula apwesedi.”

Madiu 12:27

Ni'atu waona 'aene 'abo'agu Bielisibubi 'ina waiwaiyega yaluyaluwa bi'i yaula apwesedi, ta yaita sana 'ina waiwaiyega 'omi waulaula apwesedi? Bielisibubi 'enega, nai Yaubada 'enega? Gete manuna wanuwanuwa be wada mwalatoni 'aene yaita 'abo'agu.

Madiu 9:34

Ta sa'i Palisiyao silolagata ga sigwae, “Yaluyaluwa bi'i 'idi 'inapwana 'ina waiwaiyega Yesu yaluyaluwa bi'i 'iulaula apwesedi, ta nigeya Yaubada 'ina waiwaiyega.”

Maki 10:39

'Enega sigwae, “Sawesawemaya.” Ta Yesu 'igwae, “Ona'ai'aila, keiga nina 'enega yanunuma 'omi wate 'enega wanunuma, be wate bapitaiso nina 'enega 'iabe yada bapitaiso 'omi wate 'enega wada bapitaiso,

Maki 3:22

Ta loina 'ana toe'itao 'aidi ni'atu Yelusalemega simwa'utama ga Yesu 'ina paisewa sinabwana si'itenaya ga sigwae, “Tai gete 'ietoguinuwa manuna Bielisibubi, yaluyaluwa bi'i 'idi 'inapwana 'ina waiwaiyega yaluyaluwa bi'i 'iula apwesedi.”

Luke 11:15

'Enega 'aidi sigwae, “Yaluyaluwa bi'i 'idi 'inapwana nina, Bielisibubi, 'ina waiwaiyega Yesu yaluyaluwa bi'i 'iula apwesedi.”

Luke 11:18

Seitani wate nadigega 'eguma ma ina bodao taudimo silosaiya, 'iabe 'ina 'ebeloina nina 'ibebe'u. Ta mwa'adega ga waona 'aene Bielisibubi 'ina waiwaiyega yaluyaluwa bi'i yaulaula apwesedi,

Luke 11:19

ta yaita sana 'ina waiwaiyega 'omi yaluyaluwa bi'i waula apwesedi? Bielisibubi 'enega, nai Yaubada 'enega? Gete manuna wanuwanuwa be wada mwalatoni 'aene yaita 'abo'agu.

Yoni 10:20

Ga tomota yau wawasae sigwae, “Tauna yaluyaluwa bi'i 'enaya, ga 'igiekabaleyena. Geya'abo 'ina ona wanoonodi.”

Yoni 7:20

Ga boda nidi 'ina ona sie'isena, sigwae, “Mwa'adega, yaluyaluwa bi'i debayo 'igiesakowasiyena, ga nadigega 'uona'esa? Ta yaita sana nuwanuwana be 'aene 'ida loemwawasiyo?”

Yoni 8:48

Gote 'ena me Yudia 'idi 'inapwanao Yesu 'ena sigwae, “'Ima ona lowa 'ana 'ai'aila ni'atu 'iapwesa, manuna 'agwae, 'aene 'oyo 'ebweu goma Samelia, 'enega yaluyaluwa bi'i 'emuya 'ipaipaisewa.”

Yoni 8:52

'Enega me Yudia nidi Yesu sieonena, sigwae, “Ni'atu 'amwalatoi 'ai'ailimu 'aene yaluyaluwa bi'i 'emuya 'ipaipaisewa, manuna Ebelaamo 'amwalatonina 'aene ni'atu 'imwawasa, ta wate palopitao 'amwalatonidi 'aene ni'atu simwawasa, ta 'ugwaegwae 'aene ‘'Eguma yaita 'igu ona 'imuliya 'ai'ailidi, geya'abo sa'i 'imwawamwawasa.’