Madiu 10:16 - Loina Tabu Auwauna NT

¹⁶ “Wanuwa'i'isi 'aene 'abo'agu yaetuetunemi 'omi nadigega sipi panapanaisimi watautauya kedewa bosasa gamwagamwanidiya, 'enega 'ilobwenemi be wada nuwasinapu mwata 'atuwa, ta esi wada bubuna nuwana bunebune 'atuwa.

Madiu 10:16 Σταυροειδείς Αναφορές

Madiu 24:25

Ta 'omi yage gete manuna ni'atu yagimisimana 'emiya.

Madiu 24:45

“Toguinuwa bobo'adi ta sinasinapudi 'idi bubuna gete nadigega: 'Abo yaita tauna 'ina 'inapwana 'iesinuwena be anuwa 'ida 'ita'i'isi be gosenao 'adi masula 'i'ebwa'edi 'asiyata 'ebweuna 'ebweuna 'ediya,

Madiu 25:2

'Ediyega site nima uwauwadi ta site nima sinasinapudi.

Madiu 25:4

ta esi taudi tosinasinapu nidi ma idi bwasi 'ana loeposeyana si'ewedi 'idi mayaleyao ma'ediyao.

Madiu 25:9

“Ta tosinasinapu nidi sigwae, ‘Nai nigeya 'ima bwasi sawesawenaya be tupwana 'a'ebwa'emi, 'enega 'omi watatauya toegimwaneyao 'ediya be 'imi mayale 'adi bwasi wagimwanedi.’

Luke 10:3

Ta wada nuwa'i'isi 'aene 'abo'agu yaetuetunemi 'omi nadigega sipi panapanaisimi watautauya kedewa bosasa gamwagamwanidiya.

Luke 21:15

manuna 'abo'agu 'etamo ona palupaludi ta mwalatoi ya'ebwa'emi, be 'enega 'ami talauwalao geya'abo si'awa'awa kabokaboemi.

Guinuwa 20:29

“Yamwalamwalatoni wate 'iabe 'igu tauya mulinaya toe'ita to'umalidi, 'atuwa kedewa bosasa, simamai be 'imi sipiyao sida gieto'umaliyedi.

1 Kolinita 14:20

Gosegwao, geya'abo 'imi nuwanuwa gogama nadigega, ta esi wada nuwanuwa tai sinabwadi nadigega. Ta geya'abo guinuwa to'umalina manudi wanuwanuwa be 'aene wamwalatonidi.

2 Kolinita 1:12

'Ebweu yage manuna yagwausowala sinabwana, ta yanuwena ona'ai'aila 'ima bubuna 'esasena ta palupaluna tomota 'ediya, nigeya sinasinapu bale'u 'ediyega, ta esi Yaubada 'ina oboboma 'emaya 'enega, ta wate nadigega 'aguinuwa sinabwana 'emiya.

2 Kolinita 11:14

Manuna gete Seitani adelina toto'umalina 'ina 'eda, be 'ana 'ita 'isa'ugelasa nadigega anilose maemaedanina.

2 Kolinita 11:3

Ta esi ya'atesa'ala manumi 'abona nai 'imi nuwanuwa sikwakwani be 'imi 'atetagwala Keliso 'ena wapilisine, nadigega lowa mwata Ibe 'ikaboena 'ina ona dibidibi 'enega, ga Ibe nina 'ineneta.

2 Kolinita 8:20

Geya nuwama be 'ebweu yaita 'ida lomugiyema 'ima 'ewa 'ebwayadaita gete sinabwana manuna,

Pilipai 2:15

be 'aene 'omi Yaubada natunao bobo'ami ta 'esasemi, ta nigeya 'ebweu wate 'imi to'umalinamo, be me bale'u 'idi mayale 'omi. Manuna taudi 'idi bubuna guguyoi ta taudi adelidi toto'umalidi.

Kolose 1:9

Tuta nina tetelimi 'agimi nonona ga 'ana laba batuwa, nigeya 'ima sidasida manumi 'ada losa'u, ta esi Yaubada 'ena 'a'awa'awanoi be 'aene Yaluyaluwa Tabuna 'ida gienuwa sabwalenimi, be 'enega wada mwalatoi 'ai'aila to'ase 'ina nuwena manumi,

Kolose 4:5

Wate taudi nigeya Keliso 'ana toemisao 'ediya wada guinuwa palupalu, be geya'abo 'imi tuta wamudamudali.

1 Tesalonaika 2:10

'Omi Keliso 'ana toemisao, ta 'abo'ama 'ima bubuna 'emiya wamwalatonina, ta Yaubada wate 'imwalatonima 'aene 'esasema, ta palupaluma, ta bobo'ama.

1 Tesalonaika 5:22

ta 'abo to'umalina, maibo'ana waguitoyase.