Madiu 1:22 - Loina Tabu Auwauna NT

²² Yage getedi ni'atu siapwesa manuna lowaenei palopita 'ebweu Yaubada 'ina ona 'igimisimanena ga Buki Tabu 'ena 'i'etoladina, 'igwae,

Madiu 1:22 Σταυροειδείς Αναφορές

Madiu 12:17

'Ina guinuwa nina gete lowa palopita Aisea Yaubada 'ina ona 'igimisimanena, 'igwae,

Madiu 13:21

ta nigeya lamudi 'ipa'apa'ala, 'enega tuta gidalina namo 'enaya sida miyami, be 'abo to tuta 'enaya tetela bobo'ana 'ana emisa manuna mwau nai etalauwala silobai, sibe'u manini.

Madiu 13:35

Gete 'enega palopita 'ina onaupaupa 'iapwesa, nate lowaenei 'igimisimanena, 'igwae, “Onasemalimaliyega yada simana be to'ase Yaubada 'ikwaiyena bale'u 'ana mweluluwa'unu 'enega yada onaei.”

Madiu 2:15

Ta 'enega Itipita 'ena simiyami ga 'ana laba Elodi 'imwawasa. 'Idi miya sugalagala nina be 'aene Yaubada 'ina ona 'ida apwesa, tauna 'ebweu palopita 'igimisimanena, 'igwae, “Itipita 'enega natugu yabwauyenama.”

Madiu 2:23

'Enega Nasaleta 'ena 'ilo'asa. Gete 'enega palopitao 'idi gimisimana 'iapwesa, sigwae, “Tauna sida eese goma Nasaleta.”

Madiu 5:17

Geya'abo wanuwanuwa 'aene 'abo'agu yamai be Mosese 'ina loinao nai palopitao 'idi e'itao ya'ewa yauledi. Ta esi yamai be 'aene loina nidi yagieapwesa 'ai'ailidi.

Madiu 8:17

Yage getedi ni'atu siapwesa ga 'enega palopita Aisea 'ina gimisimana 'iapwesa, nadigega Buki Tabu 'ena 'isimana, 'igwae, “Tauna 'ida 'elouya ta 'ada le'oasao 'ana to'ewayaula.”

Luke 21:22

'Asiyata getedi 'ediya Yaubada 'ina bwa'omatana 'ida apwesa tomota 'ediya, be 'enega Buki Tabu 'ina gimisimana maibo'ana 'ida apwesa.

Luke 24:44

Ta 'ieonedi, 'igwae, “Ona nidi ni'atu yaemwasalidi 'emiya tuta nina 'abo'agu ma'emi, maibo'ana manugu si'etoladina Mosese 'ina buki 'enaya be palopitao 'idi buki 'ediya ta wate wali Same 'ediya, be 'enega 'igu simana nina 'ana mwalatoi 'ai'aila 'ida apwesa.”

Yoni 10:35

Ta tamwalatonina 'aene Buki Tabu 'ina simana maibo'ana nigeya kabo, ta Buki Tabu nadigega 'ina simana be 'aene taudi Yaubada 'ina ona 'i'ebwa'ediya 'ieesedi yaubadao.

Yoni 15:25

Ta 'idi guinuwa nidi ni'atu 'iapwesa 'ai'aila manuna Buki Tabu 'ena 'ionaupaupa saba 'igwae, ‘'Idi guitoyasa manugu nigeya 'alenamo.’

Yoni 17:12

Ta tuta nina 'abo'agu ma'edi 'imu waiwai nina 'u'ebwa'eguya 'enega ya'ita'i'isidi, ta nigeya 'ebweu wate yaita 'ediyega yaloseloseye, nate namo tai nina lowa Buki Tabu 'ena tauna manuna 'ieonena be 'aene 'iesilae.

Yoni 18:9

Yesu ona nina gete nadigega 'i'inanena be 'enega 'ina sida nina ni'a Tamana 'enaya 'ida apwesa 'ai'aila, tuta nina 'igwae, “Tamagu, tomotai nidi 'u'ebwa'eguya nigeya 'ebweu wate yaita 'ediyega yaloseloseye.”

Guinuwa 3:18

Ta wanuwa'i'isi 'aene Yaubada 'ina palopitao 'ediyega 'igimi simanena 'aene To'etoseyana nina 'ina 'elouyao 'ida lobadi, 'enega ona nina 'ana 'ai'aila ni'atu 'iapwesa.

Loma 1:2

Tetela bobo'ana nina lowaenei Yaubada 'iona upaupaena 'ina palopitao 'ediya, ga si'etoladinaya Buki Tabu 'ena.

E'ita'ita 17:17

Manuna Yaubada ni'atu 'atediya 'ienuwa sa'uyedi be 'ina nuwanuwa sida guinuwe, nate 'idi guinuwa leleleya be 'idi waiwai ta 'idi loina yobai nina si'ebwa'ena, be tauna 'ida loina 'ana laba Yaubada 'ina onao nidi 'iguinuwedi.