Madiu 1:16 - Loina Tabu Auwauna NT

¹⁶ Yekobe natuna Yosepa, tauna Meli mwanena, ta Meli natuna Yesu, ta Yesu nina sieesena To'etoseyana.

Madiu 1:16 Σταυροειδείς Αναφορές

Madiu 1:15

Eliyuda natuna Eliyesa, ta Eliyesa natuna Madani, ta Madani natuna Yekobe.

Madiu 16:16

'Enega Saimoni Pita 'ilolagata ga 'igwae, “'Oyo To'etoseyana Yaubada mayawasina natuna.”

Madiu 16:20

Gote 'ena Yesu 'ina tononoyao 'iloina pa'aledi, 'igwae, “Geya'abo 'ebweu yaita 'ena wasimasimanegu 'aene 'abo'agu To'etoseyana nina.”

Madiu 2:13

Tuta muliyega 'ebweu anilose madawalega Yosepa 'enaya 'iapwesa ga 'iemataluwena, 'igwae, “'Utoolo be gwama masinana 'u'au'ewadi be wadedena sena Itipita 'ena be nada wamimi be 'ana laba yaemataluweyo, ta 'enega waila limanama. 'Imi dena gete 'alena, manuna Elodi 'iabe gwama nate 'i'ebese be 'aene 'iloemwawasi.”

Madiu 27:17

'Enega tomota siegogonama Pailato 'enaya, ta Pailato 'ieonedi, 'igwae, “To tai nuwanuwami be manumi yali'ami? Balaba? nai Yesu, tauna sieesena To'etoseyana?”

Madiu 27:22

Ta Pailato 'igwae, “Ta mwa'adega yada loina'esa Yesu, tauna sieesena To'etoseyana?” 'Enega maibo'adi sigwae, “Kelose 'ena tada tutuepa'iye!”

Maki 6:3

Ta wate sigwae, “Tai gete to'abi'abi tuga aga? Ta sinana Meli, be tasinao Yemesa be Yosese be Yudasa be Saimoni be wate nuunao ma'edao tamiyami, aga?” 'Enega tomota Yesu siguitoyasena.

Luke 1:27

ga 'ebweu gomagweine nuwenuwebolana 'ena 'iapwesa, 'ana esana Meli. Gomagweine nina tauna Yosepa 'ena sisawa eyaiyena, ta tai nina Debida 'ina susuyega.

Luke 2:48

Ta wate tuta nina tamana be sinana si'itena nuwadi 'iowana, ga sinana 'ieonena, 'igwae, “Natugu, to'ase manuna gete nadigega 'uguinuwa'esa, ga 'enega ma ima nuwamwau tamayo ma'iyagu 'a'ebe'ebeseyo?”

Luke 2:7

'enega gwama nina 'oama 'ediyega 'iwaduna ga yobai 'idi 'ebe 'e'ai 'enaya 'isa'una. Manuna anuwa 'owaga ni'atu 'imaa, 'enega nigeya 'ebweu wate mwatui manudi be 'ena silulugu.

Luke 3:23

Ta tuta nina Yesu 'ana yakwala nadigega teti 'ilobena, 'ina guinuwa tomota 'ediya 'ie'alena. Ta tomota sinuwena 'aene tauna tamana Yosepa, ta Yosepa tamana Eli,

Luke 4:22

Ga taudi nuwadi 'iowana 'ai'aila, 'enega 'ina onao bobo'adi manudi situpuna sinabwana, sigwae, “Tai gete Yosepa natuna, aga? Ta mwa'adega sa'i?”

Yoni 4:25

Ta waine Yesu 'ieonena ga 'igwae, “Ni'atu yamwalatonina 'aene ma'etamo To'etoseyana nina 'imamai, tauna sieesena Keliso, ta 'abo 'imamai, tauna mwalatoi maibo'ana 'edaya 'ida simanedi.”