Luke 9:20 - Loina Tabu Auwauna NT

²⁰ 'Enega wate 'ienaidedi, 'igwae, “Ta 'omi mwa'adega 'imi nuwanuwa 'aene 'abo'agu yaita?” Ga Pita 'igwae, “'Oyo To'etoseyana, Yaubada 'enega.”

Luke 9:20 Σταυροειδείς Αναφορές

Madiu 22:42

Ta sigwae, “Debida.”

Madiu 26:63

Ta Yesu tuga 'i'alaenono. 'Enega totaliya sinabwana Yesu 'ieonena, “'Uona 'ai'aila Yaubada matanaya, mwa'adega 'oyo To'etoseyana niyo, ta Yaubada natuna, nai nigeya?”

Madiu 5:47

Wate 'eguma tasimiyao dimo waegosigosiyanedi nigeya 'imi bubuna mali tomota 'idi bubuna 'ida bobo'ana sinedi, manuna taudi nigeya me Yudia gosediyao dimo siegosigosiyanedi, 'enega taudi be 'omi tuga 'imi bubuna leleleya.

Maki 14:61

Ta Yesu tuga 'i'alaenono, ga nigeya 'ionaona. Ta 'enega totaliya sinabwana Yesu 'ena 'ienaida limana, 'igwae, “Mwa'adega 'oyo Yaubada natuna To'etoseyana niyo, nai nigeya?”

Maki 8:29

'Enega wate 'ienaidedi, 'igwae, “Ta 'omi mwa'adega 'imi nuwanuwa 'aene 'abo'agu yaita?” 'Enega Pita 'ilolagata ga 'igwae, “'Oyo Keliso, To'etoseyana niyo.”

Luke 22:67

ta sienaidena, sigwae, “'Usimana palupalu 'emaya mwa'adega 'oyo To'etoseyana niyo, nai nigeya?” 'Enega Yesu 'ieonedi, 'igwae, “Nigeya waemiemisegu, 'enega geya'abo yasimasimana 'emiya,

Luke 9:19

Ta tonono nidi sigwae, “Tomota 'aidi siona 'aene 'oyo Yoni togiebapitaiso, ta 'aidi sigwae 'aene 'oyo Ilaitiya, ta 'aidi sigwae 'aene 'oyo 'ebweu gimipalopita mwawasega 'utoolo limanama.”

Yoni 1:41

Anidulu 'ilomanini ga tasina 'ilobena ta 'ieonena, 'igwae, “Saimoni, ni'atu Mesaiya nina 'alobena.” (Mesaiya 'ana gibui Keliso, nate 'ena Gilisi, ta 'ana mwalatoi To'etoseyana.)

Yoni 1:49

Gote 'ena Nataniela nuwana 'iowana ga Yesu 'ieonena, 'igwae, “'Inapwana, 'oyo ona'ai'aila Yaubada Natuna, ta 'oyo wate me Isileli 'ima kini.”

Yoni 11:27

Ta Malida 'igwae, “'Inapwana, nadigega yaemisemu 'aene 'oyo To'etoseyana niyo, Yaubada natuna bale'uya 'umai.”

Yoni 20:31

ta tuwa tuga pu'epu'edimo ya'etoladidi be wada sawadi be wada mwalatoni be wate Yesu wada emise 'aene tauna To'etoseyana nina, Yaubada natuna, be 'enega Yesu 'ana esanega yawasimi ataya wada 'ewa.

Yoni 4:29

'igwae, “Wamai be tai nina wada 'ita, tauna ni'atu 'ieonegu 'igu bubuna maibo'ana manuna. Nai tauna gete To'etoseyana nina.”

Yoni 4:42

ga waine nina sieonena, sigwae, “Ni'atu 'a'awa 'ai'ailemu, nigeya 'aene 'imu ona namo manuna, ta esi 'abo'ama taumamo 'ina ona 'anonona, ga 'enega 'amwalatoi 'ai'ailina 'aene tauna To'etoseyana nina me bale'u maibo'ada manuda.”

Yoni 7:41

Ta 'aidi wate sigwae, “Tauna esi To'etoseyana nina.” Ta wate 'aidi 'ediyega sigwae, “'Aene To'etoseyana nina Galiliyega 'imamai? Nigeya, aga? Manuna Buki Tabu 'ena ni'atu 'isimanena be To'etoseyana Debida 'ina susu 'enega 'imamai, be Debida 'ina 'asa Bedileema 'ena 'itutubuwa.”

Guinuwa 17:3

ta Paulo nina mwalatoi 'i'ebwa'edi, 'igwae, “To'etoseyana nina 'ilobwenena be 'elouya 'iloba be 'ida mwawasa, be wate mwawasega 'ida toolo limana.” Ta wate 'igwae, “Yesu nina yasimasimanena 'emiya, tauna tuga To'etoseyana nina.”

Guinuwa 8:36

Ga 'eda nina sitautauya ga bwasi si'ita lobena, ta tai nina 'igwae, “Gote bwasi! Mwa'adega, kapekapeyana be 'ugie bapitaisoegu, aga?”

Guinuwa 9:22

Ta Saulo 'ina guguya gote 'ena 'iewaiwai wawasae, ga me Yudia nidi Damasiko 'ena simiyami 'ie'itedi 'aene Yesu tauna To'etoseyana nina, ta nigeya wate 'idi 'ebe onamo.

1 Yoni 5:1

'Eguma maibo'ada Yesu taemise 'aene tauna To'etoseyana, 'abo'ada Yaubada natunao. Ta wate 'eguma Tamana taobobome, natunao nadigega taobobomedi.