Luke 9:18 - Loina Tabu Auwauna NT

¹⁸ 'Enega Yesu ma ina tononoyao sitauya, ga muliyega Yesu tebweuna 'imiyami, ga Yaubada 'ena 'isidasida. Ta 'ina sidasida 'igumwalaya ga 'ina tononoyao 'ienaida 'ediya, 'igwae, “Mwa'adega tomota 'idi ona manugu, 'aene 'abo'agu yaita?”

Luke 9:18 Σταυροειδείς Αναφορές

Madiu 14:23

'Enega sigelu, ta Yesu pwalu 'ietunediya, ta muliyega tauna tebweuna 'oyaya 'itu'e sabi sidasida Yaubada 'ena. 'Enega ni'atu 'iboi, ta Yesu tebweuna namo 'imiyami.

Madiu 26:36

'Enega Yesu 'ina tononoyao ma'enao sitauya 'ebweu sena 'ana esana Gedesemani 'ena, ta 'ieonedi, 'igwae, “Gete 'ena wamiyami, ta 'abo'agu yaalaga be yasisida Yaubada 'ena.”

Luke 11:1

'Ebweu tuta Yesu tebweuna sena 'ebweuna 'ena 'isidasida. 'Ina sidasida mulinaya 'ina tononoyao sieonena, sigwae, “'Inapwana, sidasida 'ue'itama, nadigega Yoni 'ina tononoyao sidasida 'ie'ita'esedi.”

Luke 3:21

Ta ni'atu Yoni boda maibo'adi 'igie bapitaisoedi, ga muliyega Yesu wate 'igie bapitaisoena, ta 'enega Yesu Yaubada 'ena 'isidasida, ga galewa 'i'egegena,

Luke 6:12

Tuta gote 'enaya Yesu 'itu'e 'oyaya ga nada boiboi maibo'ana Yaubada 'ena 'isidasida.

Luke 9:19

Ta tonono nidi sigwae, “Tomota 'aidi siona 'aene 'oyo Yoni togiebapitaiso, ta 'aidi sigwae 'aene 'oyo Ilaitiya, ta 'aidi sigwae 'aene 'oyo 'ebweu gimipalopita mwawasega 'utoolo limanama.”

Luke 9:28

Ona nidi getedi sigumwala ga nadigega wiki 'ebweuna mulinaya, ga Pita be Yoni ta wate Yemesa Yesu 'i'au'ewedi ga ma'enao situ'e 'ebweu 'oya 'ena sabi sidasida Yaubada 'enaya.

Luke 9:29

Ta 'etamo tuga Yesu 'isidasida ga maninina 'ana 'ita maibo'ana 'idumaduma, ta wate 'ana 'oama 'ana 'ita wakewakeke 'ai'ailina.