Luke 8:35 - Loina Tabu Auwauna NT

³⁵ 'Enega tomotai nidi simai be 'aene taudi matadiyega sida 'ita to'ase 'iapwesa. 'Enega Yesu 'ena simai ga tai nina si'itena lowa yaluyaluwa bi'i solanaya simiyami ni'atu 'ibobo'ana ga 'oama 'i'otena ta Yesu 'aena selabenaya 'imiyatowa. Gote 'ena maibo'adi simatauta.

Luke 8:35 Σταυροειδείς Αναφορές

Madiu 4:24

'Enega Yesu tetelina 'i'elelewana Silia 'asanao maibo'adi 'ediya, 'enega tole'oasao yaudi sime'eme'edi 'enaya, taudi sile'oasa sinabwana ta oodi si'elo'elouya, be taudi yaluyaluwa bi'i sigie kabaleyedi be taudi 'adi le'oasa lobwebwai, be wate tokweno, ga Yesu 'igiebobo'anedi maibo'adi.

Maki 5:15

Ta Yesu 'ena simai ga tai nina bada si'itena, lowa yaluyaluwa bi'i solanaya simiyami ni'atu debana 'ipalupalu ga 'oama 'i'otena ta 'imiyami. Gote 'ena maibo'adi simatauta.

Luke 10:39

Ta waine nina tasina wate 'imiyami, 'ana esana Meli, ga Meli nina 'imai ga Yesu selabenaya 'imiyatowa, be 'ina ona sabi enonoedi.

Luke 15:17

Tuta gote 'enaya nuwana 'isabwalena, ga taunamo 'ena 'igwae, ‘Ona'ai'aila, tamagu 'ina topaisewao ma 'adi masula sinabwana, ta 'abo'agu bada sa'i botana 'iunuunugu.

Luke 2:46

ta nigeya silobaloba 'ana laba 'asiyata 'etoi sigumwala, ga silobena Anuwa Tabu solanaya, me Yudia 'idi toe'itao ma'enao simiyami, 'ienoenonoedi ta wate 'ienaenaida 'ediya.

Luke 8:27

'Enega Yesu 'isuya dabalaya ta 'ebweu tomiya'asa 'iapwesama. Tai nina lowa solanaya yaluyaluwa bi'i silugu ga 'ena simiyami. Ta tai nina tuta dudulana 'oama nigeya 'ida 'otena, ta anuwa 'ediya nigeya 'ida miyana, ta esiya 'ina 'ebemiya 'ali'ali duluina 'ediya.

Luke 8:34

Ta bawe 'adi to'ita'i'itao bawe nidi 'idi esilae si'itena ga simatauta, 'enega sidena ga sitauya 'asaya ga ale nina to'ase nadigega si'itena sisimanedi 'asa sinabwana be 'asa gidalidi tomotenidi 'ediya.

Guinuwa 22:3

'Abo'agu goma Yudiagu, Tasisi, Silisia 'asana, 'ena yatubuwa, ta bada Yelusalema 'enaya yasikulu, 'igu toe'ita 'ana esana Gamelieli, ta 'ie'itegu tubudao 'idi loina pa'alina 'enega, ga Yaubada 'ina guinuwa 'ena yatagwala 'ai'ailegu, nadigega gete tuga 'omi 'imi tagwala.

1 Yoni 3:8

Ta toto'umalidi nate taudi Seitani 'ina bodao, manuna gimituta 'enega ga batuwa Seitani tauna toto'umalina. 'Enega Yaubada Natuna 'ietunena ga bale'uya 'imai Seitani 'ina guinuwao sabi 'ausepaledi.