Luke 8:13 - Loina Tabu Auwauna NT

¹³ Ta atu nidi sibe'u bwa'a logulegulewana 'enaya, tomotai nidi taudi nate Yaubada 'ina ona manuna sigwausowala, ta nigeya lamudi 'ipa'apa'ala manuna 'idi emisa nigeya sinabwana, be 'abo 'ebetoo 'ediya 'iapwesa 'iabe sibebe'u.

Luke 8:13 Σταυροειδείς Αναφορές

Maki 6:20

manuna Elodi 'iegagalena 'aene Yoni nina tai palupaluna ta Yaubada 'ina toguinuwa 'ebweu, 'enega Elodi Yoni 'i'amayabena ga tuta yauna Elodi nuwanuwana ga Yoni 'ina ona 'inonona ta manuna 'i'atesa'ala.

Luke 8:12

Ta atu nidi 'edaya sibe'u taudi nate tomota nidi ona sinono namo, ta Seitani 'imai ga 'atediyega ona nina 'i'ewa yaulena, 'enega geya'abo siemiemisa be 'aene Yaubada 'i'etoseyedi.

Luke 8:14

Ta atu nidi kwakwakwala 'ediya sibe'uya tomotai nidi taudi ona nina sinono, ta 'idi nuwanuwa maibo'ana 'itautauya esaesao be bale'u gwausowalinao ta wate yage yauna 'ediya, ta 'enega Yaubada 'ina ona 'ediya nigeya uwana 'ida apwesa.

Yoni 15:2

Ta 'abo naligwao nigeya sida uwa, 'i'upwa'upwa yauledi, ta esi naligwao nidi taudi uwadi 'isa'una, 'igie'esasedi be 'enega sida uwa sinabwana.

Yoni 15:6

Ta 'abo yaita tauna nigeya 'eguya 'imiyami, sida ula apwese be 'i'oapelu, nadigega naliyao 'upwa'upwa yauledi, siegogonedi be kaiwe sabelulu 'ena sigabudi.

Yoni 5:35

Ta Yoni nina nadigega mayale tuyatuyayalina, ga 'omi lowa tuta gidalina namo 'enaya nuwanuwami, ga 'ina maedana nina 'enega wagwaugwausowala.

1 Kolinita 13:2

Ta wate 'eguma 'abo'agu Yaubada 'ina tosimana, be ma igu sinasinapu sinabwana bale'u be galewa manudi, nai 'eguma yaemisa 'ai'aila Yaubada 'enaya be 'enega yaona 'oya 'ediya, kapekapeyana sitatauya mali senaya, ta 'abo nigeya oboboma 'ateguya, 'abo'agu tuga tai besobeso.

Galetia 3:1

'Omi me Galetia uwauwami! Yaita sana 'ilonabwasuwemi ga 'igiekwanimi? Lowa 'ae'itemi ga nuwami 'isabwalena 'ai'aila Yesu Keliso manuna, 'aene keloseya 'imwawasa ta sa'i wanuwa pupulena! 'Enega wanuwena 'aene Mosese 'ina loina 'ana ematamatanega 'etoseyana walobai?

Galetia 3:4

Sana mwa'adega ga 'enega yage maibo'ana wa'italoba yogenedi, ga 'enega Keliso 'ana emisa 'ena waso'i yoge?

Epeso 3:17

be wate 'imi emisega Keliso 'ida miyami 'atemiya, be adelimi maibo'ana oboboma tuga,

Kolose 1:23

nate 'eguma 'imi emisa geya'abo 'ineeneta, be 'eguma watoolo pa'ala tetela bobo'ana nina wanononaya 'ana emisa 'ena, ta nigeya wapilipilisine. Tetela nina 'ana loguguya tomota maibo'adi bale'uya sinononaya, ta 'abo'agu Paulo 'ana tologuguya 'ebweu.

Kolose 2:7

manuna Keliso nina 'imi emisa 'alena, ta 'ana togiesinabwa, ta wate 'ana togiepa'ala, nadigega 'ae'ita'esemi, ga manuna walokagutoki sinabwana.

1 Tesalonaika 3:5

Gete 'alena 'enega yanuwanuwa wawasae, ga Timoti yaetunenawa be 'imi emisa 'ida 'ita, be tetelimi 'ida me'e 'eguya, manuna ya'atesa'ala Seitani 'enaya, 'abona nai 'ebetoo sinabwana 'i'ebwa'emi be waneneneta, be 'enega 'ima paisewa lowa 'emiya 'igie to'umaliye.

1 Timoti 1:19

ma imu emisa waiwaina ta ma imu nuwanuwa bobo'ana, tuta maibo'ana 'ediya. Manuna 'aina gosedao nuwanuwa bobo'ana siguitoyasena, 'enega 'idi emisa 'ineneta ga sibe'u.

Ibeliu 10:39

Ta 'abo'ada geya'abo tasanasanaila, manuna nate 'ebe esilae. Tuwa tuga ma ida emisa be 'enega yaluyaluwada simiya bobo'ana.

Yemesa 2:26

Nadigega tuga 'abo ooda nigeya yaluyaluwanamo, nate ni'atu mwawamwawasina, ta 'abo emisa nigeya guinuwa ma'iyana, emisa nina mwawamwawasina.

2 Pita 2:20

Taudi lowa 'ida 'Inapwana ta 'ada To'etoseyana Yesu Keliso tetelina siemisena ga bubuna bale'u sipilisinena, ta 'eguma siila limana bubuna kadekadelidi 'ediya ma'etamo sineeneta, ta 'enega taudi sito'umali 'ai'aila.

2 Pita 2:22

Ta 'idi bubuna nina nadigega tuga onasemalimali 'ebweu 'igwae, “Kedewa tauna maiwana 'ida 'elima.” Ta wate, “Bawe bwalana tagie'esasai, ta muliyega 'iila be 'iesepwasepwala limana.”

1 Yoni 2:19

ta Keliso 'ana talauwalao nidi 'adi 'ita 'atuwa Keliso 'ana toemisao, ta nigeya. Manuna taudi 'eguma 'ida boda 'ai'aila, 'etamo ma'edao tamiyami. Ta nigeya sa'i! Ni'atu sipilisineda.

Yude 1:12

'Eguma tapwalolo 'enaya oboboma masulina waguiguinuwe, ta 'abo toto'umalina nidi siluguwa 'e'ai nina sigieto'umaliye, manuna si'e'ai diidiga ta nigeya sida omayamaya. Nuwanuwadi taudimo sida gwausowala, 'adi 'ita 'atuwa pwana 'ikwaunaya ta nigeya 'usana, nai 'adi 'ita 'atuwa kaiwe 'ina tuta uwa ta nigeya uwanamo, 'enega sitalayaule be 'imwawasa 'ai'aila.