Luke 7:34 - Loina Tabu Auwauna NT

³⁴ Ta esi 'abo'agu Tomota Natuna yamai be ya'e'ai ta yanumanuma, ta wate manugu walomugi, wagwaegwae, ‘Tai getei to'ai ta tonuma diidiga, ta wate takisi 'ana to'ewao be 'aidi wate toto'umalidi 'iegosigosiyanedi.’

Luke 7:34 Σταυροειδείς Αναφορές

Madiu 11:19

Ta 'abo'agu Tomota Natuna yamai be ya'e'ai ta yanumanuma ta wate manugu walomugi, wagwaegwae, ‘Tai getei to'ai ta tonuma diidiga, ta wate takisi 'ana to'ewao be 'aidi wate toto'umalidi 'iegosigosiyanedi.’ “Ta taudi tomwalatoi 'ai'aila ma'etamo 'idi guinuwa bobo'adi 'ediyega mwalatoi 'ai'aila 'iapweapwesa.”

Madiu 5:46

Ta 'eguma gosemiyao dimo waobobomedi, nigeya sawesawenaya be pali Yaubada 'enega waloba, manuna toto'umalidi, nadigega takisi 'ana to'ewao, 'idi oboboma nadigega 'omi 'imi oboboma, gosediyao dimo siobobomedi.

Madiu 9:11

'Enega 'aidi Palisiyao si'itena ga Yesu 'ina tononoyao 'ediya sienaida, sigwae, “To'ase manuna 'imi toe'ita takisi 'ana to'ewao ta wate toto'umalidi 'aina ma'enao si'e'ai egogona?”

Luke 11:37

Ta Yesu ni'atu 'ina ona 'igumwala, ga 'ebweu Palisi Yesu 'ibwauyena be ma'iyana si'a'a. 'Enega 'ilugu ga 'imiyatowa 'ebe 'e'ai 'enaya.

Luke 14:1

Sabate 'ebweuna 'enaya Yesu 'itauya sabi 'e'ai Palisiyao 'idi 'inapwana 'ebweu 'ina anuwaya. Anuwa nina 'ena 'ilugulugu ta boda siduneduneye,

Luke 15:2

'Enega Palisiyao be loina 'ana toe'itao silomugi, sigwae, “Tai gete toto'umalidi 'iegosigosiyanedi ta wate ma'enao si'e'ai.”

Luke 19:7

Gote 'ena tomotai nidi yage gete si'itena, ga silomugi, sigwae, “Mwa'adega ga Yesu 'ilugu toto'umalina 'ina anuwaya?”

Luke 5:29

'Enega Libai nina 'emasula sinabwana Yesu manuna 'iguinuwena, ga boda sinabwana simai Libai 'ina anuwaya 'e'ai nina manuna, ta takisi 'ana to'ewao yaudi wate ma'ediyao.

Luke 7:33

Loesawa'i'i gete 'ana mwalatoi 'aene, Yoni togiebapitaiso nina 'imai ga beledi nigeya 'i'e'ai ta oine nigeya 'inumanuma, ta 'enega waona 'aene yaluyaluwa bi'i Yoni 'igie kabaleyena?

Luke 7:35

Ta taudi tomwalatoi 'ai'aila ma'etamo 'idi guinuwa bobo'adi 'ediyega mwalatoi 'ai'aila 'iapweapwesa.”

Luke 7:36

'Ebweu tuta Palisi 'ebweu, 'ana esana Saimoni, Yesu 'ibwauyena be ma'iyana si'a'a. 'Enega Yesu 'ilugu Palisi nina 'ina anuwaya ga 'imiyatowa sabi 'e'ai.

Yoni 12:2

Ga nada masula siguinuwena Yesu manuna, ga Malida 'i'esikala, ga Lasalo be Yesu ma ina bodao ma'enao simiya egogona ga si'e'ai.

Yoni 2:2

ga Yesu ma ina tononoyao sagali nina 'ena sibwauyedi ga ma'ediyao silugu ga si'e'ai.