Luke 7:16 - Loina Tabu Auwauna NT

¹⁶ Gote 'ena tomotai nidi simatauta ga Yaubada situpuna, sigwae, “Palopita sinabwana ni'atu gete 'iapwesama. Gete Yaubada 'ina ayausa 'abo'ada 'ina tomotaiyao 'edaya.”

Luke 7:16 Σταυροειδείς Αναφορές

Madiu 15:31

'Enega pwalu nidi si'itedi toekabaleya sionaona be sinonono, be taudi esilae 'ediyega sinenetaya sibobo'ana limana, be tolopegoi sitautauya palupalu, be tomata kebokebo matadi si'esasedi. 'Enega boda nidi sinuwa owana, ga me Isileli 'idi Yaubada nina situpuna.

Madiu 21:11

Ta 'ana 'oayabuyao tomota nidi 'idi ona sie'isena, sigwae, “Gete palopita, goma Nasaleta, 'ana esana Yesu, ta Galili 'ina 'ebeloina 'enega 'imai.”

Madiu 28:8

'Enega iine nidi ma idi matauta ta wate ma idi gwausowala 'ali'ali sipilisinena ga sipili manini be 'aene Yesu 'ina tononoyao 'ediya yage gete sida simana.

Madiu 9:8

Ta boda nidi guinuwa gete si'itena ga ma idi 'amayaba Yaubada situpuna, manuna sana tauna Yesu 'ana Togiewaiwai.

Luke 1:65

Ga 'enega gosenao nidi maibo'adi simatauta, ta tetela nina 'isakowasi Yudia 'oyanao ta senanao maibo'adi 'ediya.

Luke 1:68

“'Inapwana tada tupu, tauna me Isileli 'ida Yaubada, manuna ni'atu 'iayausida sabi lemeda be miyamwau 'enega 'ili'amida.

Luke 19:44

ta wate anuwa maibo'ana siligei yauyauledi. “Yage nidi getedi ma'etamo 'emuya siapwesa, manuna natumwao nidi nigeya Yaubada 'ana etuetune nina manuna sigwaugwausowala.”

Luke 2:20

'Enega to'ita'i'ita sipi nidi siila ga ma idi lotuputupu Yaubada 'ana esana sigilagasina, manuna anilose nina 'ina simana 'ediya 'ana 'ai'aila sinonona ta wate si'itena.

Luke 24:19

'Enega Yesu 'ieonedi, “To yage sana?” Ga taudi sigwae, “Yage nidi Yesu goma Nasaleta 'enaya siapwesa. Tai getei tauna palopita, ta wate Yaubada be tomota matadiya 'ina onao be 'ina guinuwao waiwaidi.

Luke 5:26

Gote 'ena boda maibo'adi nuwadi 'iowana sinabwana, ga ma idi 'amayaba Yaubada situpuna, ga siona, “Ni'a 'ebweu 'ebe nuwaowana ta'itena.”

Luke 5:8

Gote 'ena Saimoni Pita iyana 'ana yau 'i'itedi ga Yesu 'aenaya 'ibwagobwago, ta Pita 'igwae, “'Inapwana 'uda pilisinegu, manuna 'abo'agu toto'umaligu.”

Luke 7:15

Ta tubuwau nina 'itoolo ga 'iona. 'Enega Yesu tubuwau nina 'i'au'ewena, ga sinana 'i'ebwa'ena.

Luke 7:39

'Enega Palisi nina taunamo 'ena 'inuwanuwa kwaiya 'igwae, “Tai gete, 'eguma tauna palopita, 'ida mwalatoni waine gete 'igitogitoona tauna toto'umalina.”

Luke 8:37

'Enega me Gelasine maibo'adi simatauta sinabwana ga Yesu sie'idi'idiyena be 'aene 'ida ebesinedi. 'Enega Yesu wagaya 'idolo sabi gelu be sitatauya.

Luke 9:19

Ta tonono nidi sigwae, “Tomota 'aidi siona 'aene 'oyo Yoni togiebapitaiso, ta 'aidi sigwae 'aene 'oyo Ilaitiya, ta 'aidi sigwae 'aene 'oyo 'ebweu gimipalopita mwawasega 'utoolo limanama.”

Yoni 1:21

'Enega wate sienaidena ga sigwae, “Ta yaita 'oyo? 'Aene 'oyo Ilaitiya, aga?” Ga 'iona, “'Abo'agu nigeya.” Ta wate sienaidena, “Nai 'oyo palopita nina Mosese manuna 'ionaonaya?” Ga Yoni wate 'ie'isa ga 'igwae, “Nigeya.”

Yoni 1:25

Yoni sienaida limena, sigwae, “'Eguma 'oyo nigeya To'etoseyana nina, nai 'oyo nigeya Ilaitiya, nai 'oyo wate nigeya mali palopita, to'ase manuna 'ugiegie bapitaiso?”

Yoni 4:19

Gote 'ena waine Yesu 'ina ona 'ie'isena ga 'igwae, “'Inapwana, ni'atu yamwalatonimu 'aene 'oyo palopita 'ebweu.

Yoni 6:14

Tuta nina gote 'enaya tomota nidi 'ina guinuwa waiwaina 'ana we'iwe'iyaya si'itena ga sigwae, “Gete palopita nina siona upaupaena 'aene bale'uya 'ida ma.”

Yoni 9:17

'Enega wate Palisiyao nidi tomata kebokebo sienaida limena, sigwae, “Ta 'oyo mwa'adega 'imu nuwanuwa tauna matayo 'igie'esasedi manuna?” Ga 'igwae, “Tauna palopita 'ebweu.”

Guinuwa 5:5

Pita 'ina ona gete Ananayasi 'inonona ta 'ibe'u ga 'imwawasa. 'Enega tomota yaudi ale nina sinonona ga simatauta sinabwana.

Guinuwa 7:37

“Gete Mosese nina me Isileli 'ieonedi 'igwae, ‘Yaubada ma'etamo tasimiyao 'ediyega 'ebweu palopita 'ida esinuwe manumi, nadigega lowa 'iesinuwegu.’

Galetia 1:24

'Enega toekalesiyao nidi Yaubada situpuna 'igu nuwa'ebuni manuna.